Matesu 26:13 - O Mikanda Ikola

¹³ Kidi kiene ngi mi ambela: Kuosokuoso kua kà tula Njimbu iíi Iambote mu ngongo ioso, ni kiki kia ngi bhange o muhatu iú a kà ki tanga phala dilembalelu diê.

Matesu 26:13 ပူးပေါင်းရင်းမြစ်များ

Jisálamu 112:6

Muthu ió uemana kididi, ka mu lundumuna; u xia dijina, a mu lembalala jinga o kuiuka kuê.

Izaía 52:9

Uenu bulukutu ni kuimba, tumbujukenu bhuamoxi, enu mu jingùndu ja Jeluzaleme; mbata Jihova ua kondo malamba ku povo iê; iu ua kula Jeluzaleme.

Matesu 24:14

O Njimbu iíi Iambote ia Utuminu ua Nzambi, ia bhingi ku i tula mu ngongo ioso, mu kubhana umbangi ku akua jixi joso; kiene kiua kia kèza dizubhilu.

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Marku 13:10

Mukonda ki bhinga o Njimbu Iambote a dianga ku i boka ni ku i sanhalesa ku akua jixi joso.

Marku 14:9

Kidi kiene-phe, ngi mi ambela: Kuoso-kuoso kua ka tula o Njimbu Iambote, mu ngongo ioso, ni kiki ue kia ngi bhange o muhatu iú, a ka ki tanga phala dilembalelu die.

Marku 16:15

Jezú anga u ambela, uixi: Ndenu mu ngongo ioso, mua ka boke o Njimbu Iambote, kate kua suku Nzambi ni kubhanga athu.

Luka 24:47

Ni kuila ue o Njimbu ia kudiela o ituxi, ni ku i tambuila o muloloko, a i fumanese mu dijina diê mu jixi joso, tunde kiá mu Jeluzaleme.

Jipoxolo 10:4

O muène kia mu edi sûi, ni uôma ua mu kuata, uixi: Kiebhi, Ngana! Uixi, Nzambi uevu o misambu ié, ni jimola jé ji uene mu bhana o jingadiama, ja bande kuma dilembalelu bhu pholo ia Nzambi.

Loma 10:18

Maji eme ngixi-phe: Kifua ene a kambele kuivua o ngolokela? Evidiâ muene. Kala kiambe o Mikanda Ikôla, iexi: O dizui diâ a dʼ ivu mu ngongo ioso, o maka mâ ma bhixila katé ku maẋokololo ma ʼxi.

Loma 15:19

mu nguzu ia isumua ni madiuanu ni mu nguzu ia Nzumbi ia Nzambi. Mu kieniiki tunde mu Jeluzaleme ni mu jimbandu jê, katé ku Ilidiko, nga bhiti-ku ni kukola o Njimbu Iambote ia Kristu.

II Kolindo 10:18

Kuma muthu u lunga ki ió u di ximana muène, maji ió uoso a mu ximana kuala Ngana.

Kolose 1:23

Kikale-phe mu kolokota mu kuxikana, mua kuata, mua xikama ku disesa dia kòlo, ki mu xikina ku mi sendumuna mu kudielela ku mua tambula kioso ki muevu o Njimbu Iambote. O Njimbu Iambote ieniʼoio, iene ia ngi katula, eme ngi Phaulu, mu kukala ngi ngunza iê, phala ku i kola mu ngongo ioso.

Kolose 1:6

Mbata o Njimbu Iambote ia mi sange, koko, mu kusambuka kuê mu ngongo ioso, ia muia ni kuima dingi kiengi ni kusokolola ndumba ia mabesá. Kienʼiki ue kia bhiti ni enu, tunde mu kizuua ki muevua o kutanga kiadi kia Nzambi, anga mu kala mu ku kʼijiia mu kidi.

I Timote 2:6

ua di bhele kíximbi kia ku tu kula etu ene oso. O iú uene umbangi uê uaxalela, ua bhana bhu thembu ioso ia tokala, kuila Nzambi uendi athu oso a bhuluka.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.

Dijingunuinu 14:6

Anga ngi mona anju iamukua ia mu bhita bhulu, ia di lèka, o bhu ala kubhitila, uasu o mbambe ni diulu. Uambata o jingolokela ji xalelà-ku ja Njimbu Iambote, phala ku ji kolela athu oso a tungu mu ngongo, ku ifuẋi ioso, ni miji ioso, ni madimi, ni madiembu.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.