Matesu 25:1 - O Mikanda Ikola

¹ Kienhokio Utuminu ua Diulu ua kà di fangana ni kuinhi dia ilumba, ia katula tundeia tuâ, anga i tunda mu kauidila ngà-iala.

Matesu 25:1 ပူးပေါင်းရင်းမြစ်များ

Dijingunuinu 19:7

Tu tanienu, tu sanguluke kiavulu! Tu ximane o unéne uê! Kuma o kithangana kia ukaza ua Kambudi kieza-bhu, o dibhanga diê ua di polondala kiá!

Dijingunuinu 21:9

Anga ku ngi sanga anju imoxi, ku sambuadi a kuatele sambuadi dia nganza jezala ni sambuadi dia mabhebhu ma sukidila-ku. Hé u ngi zuelesa, uixi: Izá kunu, eme ngi ku idikize o Dibhanga, Muhatuʼa Kambudi.

Dijingunuinu 21:2

Anga eme, ngi Nzuá, ngi mona o Mbanza Iangene, Jeluzaleme iòbhe, iala mu tuluka ku diulu. Ia mu tunda kua Nzambi, ia di iudika kiambote, ia kembe mukuâ ni dibhanga dia kembela kuia mu kutakanesa ni muadi uê.

Nzuá 3:29

Mu ukaza, uoso uala ni dibhanga, muène nga-iala. Dikamba-phe dia ngaiala, ua mu imanena ngó ni ku mu ívua, u sanguluka kiavulu, mukonda dia kuívua dízui dia nga-iala. Eme uami ki ngʼ ívua ioso ia-lu bhita, kuene o kuzediua kuami, kua ngi soko.

Matesu 13:24

Jezú anga u a tela kifika kiamukuá, uixi: Utuminu ua Diulu ua dufangana ni muthu u kuua jimbutu jambote mu díbhia diê.

Izaía 54:5

Mbata Mubhangi ué muene munumiʼé, dijina diê Jihova dia Ilombo Ieta; o Dilemba Ukôla dia Izalaiele, muene Mukudi ué; muene a kà mu ixana exi, Nzambi, Langela-Ngongo.

Dijingunuinu 14:4

Enhá ene a di bhake ni kuzela, a kambe kudikasanesa ku jiphànda ni ahatu, kuma ala anʼa ndenge. Enhá ene a nhenganana Kambudi, ene a nhunganê kuoso-kuoso ku a di tela. Enhá ene a a sumbu muʼaxaxe ka mundu ua athu mu ngongo, mu kukala ibundu ia kutomona ia bhakuila Nzambi ni Kambudi.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

Matesu 22:2

Utuminu ua diulu ua difangana ni sobha ia bhangele fesa ia ukaza ua monʼê.

II Timote 4:8

Tundé kiki, kua ngi xikamena kiá kitundu kia kuiuka, Ngana, o Mufundixi uaiuka, ua kà ngi bhana-kiu bhu kizuua kiná; ki eme ngó a ngi bhana, maji ni ene oso kiá a zola o ku di mona mi Muène kià kèza.

Matesu 3:2

Dielenu! muehe o ituxi ienu, kuma utuminu ua diulu ua zukama.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

I Kolindo 11:2

Kiki nga mi ximana kuma mua ngi lembalala mu ima ioso, mua jijila ue o ilekelelu iami i nga mi xila.

Matesu 20:1

Kuma Utuminu ua diulu ua difangana ni muthu, mukua dibhata, u tunda mu kimene mu kukasa jingunza aia ku mulenga uê.

Matesu 13:47

Luamukuá dingi, Utuminu ua Diulu ua difangana ni uanda, a u takula mu menha, anga u kuata jimbiji ngó joso-joso.

Jisálamu 45:14

Ibhôbho i mu bheka kua muenexi ni izuatu ia makembu; ilumba ni akuâ, o makamba mê, ejila-nê kumoxi.

Matesu 13:38

O díbhia mu ngongo ioso; jimbutu jambote, o anʼa Utuminu ua Nzambi; jimbundu ja iangu, o anʼa Dimonho.

Mukumbi ua Mikumbi 5:8

Nga mi lokela enu mu anʼa ilumba ia Jeluzaleme, kuila: Se kazola kami mua mu sange, mu tangedienu muexi: Eme nga kate ni jihenda!

Dijingunuinu 4:5

Mu kiandu anga mu telaka jinzaji, mu tunda màzui, ni inuminu. O bhu pholo ia kiandu, bhua uama sambuadi dia sama ja túbhia, diene o sambuadi dia Nzumbi ia Nzambi.

II Kolindo 11:2

Nga mi kuatela muene difuba, kala difuba dia mi kuatela Nzambi. Nga mi te iambu, ngandala ku mi bheka kala muhatu ua ujitu, ua monʼa kilumba kua muadi uenu umoxi, muène Kristu.

Matesu 9:15

Jezú anga u ambela, uixi: Kífua anʼ a sala ia ubhanga a tena kukala ni mukondo kiosuʼ iki ki ala ni nga-iala? Izuua iiʼ iiza-phe, nga-iala a-nda ku a tambula-nê; kiene kiua ki ejiia kujila.

Matesu 5:16

Kiene ue, o mukengeji uenu u muikine bhu pholo ia athu, ene a mone ima iambote i mu bhanga, ni a ximane Tata ienu uene mu diulu.

Jipoxolo 20:8

Anga mu kala tundeia tuavulu mu sabhalalu mu tua di bhongoluela.

Matesu 13:31

Anga u a tela kifika kia mukuá, uixi: Utuminu ua Diulu ua Difangana ni lumbundu lua mbutu ia mustarda, muthu ua lu katula, anga u lu kuna mu díbhia diê.

Mukumbi ua Mikumbi 5:16

O uzuelelu uê u touala, ni uene nzué! Amah! Kidi muene! Nanhi u kamba ku muʼinda, ua uabha kiki! Kienʼiki kiala kazola kami, kienʼiki kia kala muadi uami, tata! enu anʼa ilumba mu Jeluzaleme!

Mukumbi ua Mikumbi 1:3

Mu ku nuha kiambote, o maji mé ala kota mu ku uabha; o dijina dié, mukuá ni maji ma dizumba mala ku lunduluka; anʼa ilumba kiene kia ku zolela.

Matesu 25:7

Ilumba ioso anga i fundumuka, i iudika tundeia tuâ.

Nzuá 18:3

Juda-phe ua tambula kiá kibuka kia masoladi ni jipudixa ku makota ma jinganga ni jifalizeu, anga eza bhenhabha ni jikandeia ni jisama ja túbhia ni jixibhata.

Dijingunuinu 8:10

Anju ia katatu anga u xika o koloneta iê. Anga ku diulu ku lauka théthembua ia dikota, ia uama kala sama ia túbhia, anga i laukila ku thandu dia mbandu ia katatu ia jingiji, ni jithu ja menha.