Matesu 24:31 - O Mikanda Ikola

³¹ Muène ua kà tuma o ji-anju jê ni dízui dia koloneta, anga ji bhongolola athuʼê ósole ku itembu iuana, tunde kua tundu o diulu katé ku dia suku.

Matesu 24:31 ပူးပေါင်းရင်းမြစ်များ

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 67:7

Xi, Nzambi u tu bhana muene dibesá; mbé ene oso, katé ku maẋokololo, a mu kale ni uoma.

Jisálamu 81:3

Xikenu o mbungu ia mbeje ia thathama, ni ia mbeje iaii kiá ku mulundu, kizuua kietu kia fesa, kieza-bhu!

Makatukilu 19:16

Anga ki bhita-phe kuila, mu kizuua kia katatu ki kuandeka ngó kúkia, kua kuata kunumina ni kutelaka jinzanji ku mulundu ni dituta dia kitombe (dia bhiti-ku), ni koloneta ia xiki ni dízui dia suina kiavulu. Katé ni mundu ala mu kibangu a kala mu teketa.

Izaía 11:12

Ua kà leka o mvela muʼaxaxi ka akua jixi; akua Izalaiele a a balakalele ua kà a ongeka, u bhongolola ue akua-Juda a di-muangene tunde ku hota jiuana jaʼxi.

Izaía 13:5

Iú uiza kiá ku ixi ia dikanga ni kuxindumuka tunde kua suku o diulu, muene Jihova ni falamenda ia njinda iê uiza na-iu, phala kusengulula oxi ioso ieneʼoio.

Izaía 27:13

Mu kizuua kieneʼokio, kia-nda kua kà kala-phe kiki: A kà xika-mu koloneta ionéne, o ió oso-phe a texikile ni kubunganena mʼoxi ia Asídia, ni oso a a balakalele kʼoxi ia Ijitu, a kà vutuka dingi anga a kà bheza Jihova ku mulundu uê uangene, mu Jeluzaleme.

Izaía 42:10

Imbilenu Jihova mukumbi uobhe, o diximanu diê diende muene ni ku tokomoka tundé kua suku oxi; teketenu enu ue mua mu kuendela ku thanduʼa kalunga mu jinaviiu ni ima ioso iene-mu, nʼenu ue mu ikolo ni oso a tunga-mu.

Izaía 43:6

Ngambela mbandu ia suku, ngixi: Bhana! Anga ngambela mbandu ia sulu ngixi: Kana ku a bhaka; ngi bhekedienu anʼami a mala ene dikanga; ni anʼami a ahatu ene kua suku oxi.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Izaía 49:18

Bhetula-ze o mesu mé u kengelele mbandu ni mbandu, tala: ene-osoʼâ a bhongoloka a mu kuiza kokué; nga di-lokela muene, eme Jihova, kuila ene-osoʼâ ua-nda ku a zuata kala kizuatu kia makembu, anga u di-ẋiẋika-nâ kala u díbhanga.

Izaía 60:4

Bhetula mesu mé ku mbandu joso u mone: ene-oso ia di bhongolola mu kuiza kokué, o anʼé a mala a-nda kutunda ku makanga, o anʼé ue a ahatu a-nda ku a sasela bhu mbandu ié.

Daniiele 7:2

Daniiele uambe, uixi: Mu kisuma kia usuku nga muene, itembu iuana ia diulu iakexe kúlua ita ku musanza uonene.

Zakadiia 14:5

Enu-phe mua kà lengela mu dikôlo dia milundu iami, kuma o dikôlo dia milundu dia kàia katé ku Kazela; kidi-ze muene, enu mua kà lenga kala ki mua lengele o kitungutisu kiaʼxi mu izuua ia Uziiia, sobha ia Juda; kienhokio-phe Jihova Nzambi iami ua kèza, ni athuʼê a ngene oso a di zelesa, Jisandu a kèza kumoxi ni eie, Ngana.

Zakadiia 2:6

Jihova, uixi: Enu, tata! Ku ixi ia suku kindala lengenu-ku; mukonda nga mi muange mukua ni itembu i uana ia diulu; Jihova muene ua ki tange.

Zakadiia 6:5

Anju anga u ngi vutuila, uixi: Iá, iene itembu i uana ia diulu, iala mu ku tunda ku ia kexile bhu pholo ia Jihova uavu ixi ioso.

Zakadiia 9:10

Muene ua kà jikinisa o makalu ma ita mʼoxi ia Ifalaíme, ni jikabalu ja Jeluzaleme; ni mufula ua ita ua kà u bukula ue; Muene nʼa kà tula jingolokela ja paze ni kutululuka ku akua jixi; o utuminu uê ua kà di zala tunde ku musanza katé ku musanza ua mukuá; tunde ku honga ia Ufalate katé kua suku oxi.

Zakadiia 9:14

Jihova a kà mu muena ku thandu dia anʼa Ziione; o misongo iê ia kà tunda kala jinzaji ja mvula iala mu telaka; Jihova Nzambi ua kà xikisa koloneta anga ua kʼàia ni ibhungu ia kitembu kia Sulu.

Matesu 13:41

Monʼa Muthu ua kà katula ji-anju jê, ni ja kà bhongolola mu Utuminu uê o ima ioso i bhangesa kudibhala, ni oso a bhanga úsueia,

Matesu 24:22

Maji o Ngana Nzambi, izuua ienhoio ia phaxi, ua i tolesa. Mbata o izuua ienhoio, se a kamba ku i tolesa, kana xitu i bhuluka. Maji mukonda-phe dia akua Nzambi ósole, izuʼuoio a kà i fikisa.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Matesu 24:32

Ku mufiku-phe di longienu-ku kifika kiê. Luthangu luê ki u lu mona luauisu kiá, luandeka kubuingita, mu kʼijiia kuma mvula ia zukama.

Matesu 25:31

Mu kuzubha maka Jezú uixi: Kià keza Monʼa Muthu-phe, ni ungana uê, kumoxi ni ji-anju joso, ua kà xikama ku kialu kiê kia ungana.

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Marku 13:27

Muene ua ka tuma ji-anju je ni ji bhongolole athuʼê angene ku mbandu jiuana ku tunda o kitembu, tunde kua suku oʼxi kate kua suku o diulu.

Luka 24:47

Ni kuila ue o Njimbu ia kudiela o ituxi, ni ku i tambuila o muloloko, a i fumanese mu dijina diê mu jixi joso, tunde kiá mu Jeluzaleme.

Nzuá 11:52

Kienhiki o muiji ió ue ki uene ngó ua fuila, maji uà fuila kubhongolola kumoxi anʼ a Nzambi oso a di muangena ku makanga.

Loma 10:18

Maji eme ngixi-phe: Kifua ene a kambele kuivua o ngolokela? Evidiâ muene. Kala kiambe o Mikanda Ikôla, iexi: O dizui diâ a dʼ ivu mu ngongo ioso, o maka mâ ma bhixila katé ku maẋokololo ma ʼxi.

I Kolindo 15:52

Mu kithangana kia kuila o diesu pote, kioso hadia ki xika o koloneta ia sukidila-ku. Kuma o koloneta ia kà xika, o madifundu ma kà fukunuka ni muenhu ki uene dingi kufua, etu oso anga tua kà kituluka kiengi.

Efezo 1:10

O kikanenu Nzambi kia kà bhanga, o kuila kioso hinu kia kà tenena o thembu, ima ioso, kixi ima ku diulu, kixi ima mu ngongo, i takanena mua Kristu, o mutue uâ.

Matendelelu 30:4

Né-mbe hanji o jihutile jé a a balakala, a kala katé kua suku o diuluʼoko, Jihova Nzambi ié kuenhoko ua kà a bhongolola muene anga ua kà a katula-ku;

Matendelelu 4:32

O kiki-phe se kia ku jinganena, ibhula hanji ku jithembu ja makulu ni makombe a ku diangela, tunde kiá Nzambi kia bhanga o muthu kʼulu dia mundu, tunde kua tundu o ngongo ʼté ku ia suku, kienhiki se a ki muene kiá, mba a kʼivile kiá ni mátui exi, kuabhitile kima kia kidiuanu kala kiki?

I Tesalonika 4:16

Kuma Ngana muene ua kà tuluka ku diulu, ni kutesa nzongo, ni dizui dia kota dia ji-anju, ni koloneta ia Nzambi. Bheniobho o madifundu a fila mu kuxikana Kristu, ene a kà dinga kufukunuka.

II Tesalonika 2:1

Tua mi bhingi-phe, jiphange, mukonda dia kutukuluka kua Ngana ietu Jezú Kristu, ni kubhongoloka kuetu ni Muène, kuma:

Jihebeleu 12:19

Ni mutendu ua koloneta, ni kinuminu kia dizui. Kioso o mundu kievu o dizui, a dionda kuila ki di tone dingi ku a zuelela né mbé kizuelu kimoxi ngó,

Dijingunuinu 1:20

O dijimbuluilu dia kijimbuete kia sambuadi dia théthembua di ua mono bhu lúkuaku luami lua dilu, ni dia sambuadi dia tundeia tua ulu, didi: O sambuadi dia théthembua, o ji-anjo ja tokala ni sambuadi dia Ngeleja; o sambuadi dia kandeia, o sambuadi dia Ngeleja.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 7:1

Kia bhiti kiki, nga mono anju jiuana jemana ku hota jiuana ja ʼxi, ja kuata o itembu iuana ia ʼxi, phala kana kitembu ki bhuke mʼoxi, mba ku musanza ua kalunga, mba ku muxi uoso-uoso.

Dijingunuinu 8:2

Anga bhenhobho ngi mona sambuadi dia anju ene kuimana bhu pholo ia Nzambi, a a bhana sambuadi dia koloneta.