Matesu 24:30 - O Mikanda Ikola

³⁰ Kiene kiua kia kà tukuluka o kijimbuete kia Monʼa Muthu ku diulu. Miji ioso mu ngongo anga i kala mu dila, kia kà mona Monʼa Muthu iú uiza ku matuta ma diulu, ni nguzu ni fuma iavulu.

Matesu 24:30 ပူးပေါင်းရင်းမြစ်များ

Daniiele 7:13

Talesa, eme-phe ki nga kuata muene kutala, mu isuma iami ia usuku, nga mono ku matuta ma diulu kua-lu tuluka kala Monʼa muthu ua mu kuiza; iú ua bhiẋi la kua Mukula-ua-Ndamba, anga a mu bhiẋidisa bhu pholo iê.

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Zakadiia 12:11

Bhu kumbiʼodio, mu Jeluzaleme mua kà kala ngololo ia dikota, kala kudila kua Hadademono mu dikôlo dia Mejidu.

Matesu 24:3

O kia xikama ku mulundu ua Midiva, jixibulu jiza kua muène ubheka uâ, exi: Tu tangele, ima iíi mba ia kà bhita thembu kuxi? Kijimbuete kiê kiahi, kia kutukuluka kué, ni kia dizubhilu dia mundu?

Matesu 24:37

Uila kia kexile mu izuua ia Noué, ni kia kà tukuluka Monʼa Muthu ue kiene.

Matesu 24:39

Kejidile kima katé dilúviu dia menha ki dia tula dí dia a kungulula ene oso. Ni kia kà tukuluka Monʼa Muthu ue kiene.

Matesu 26:64

Jezú u mu ambela uixi: Eiemuène ua ki tange, kiene muene. Ngi mi ambela dingi-phe: Hinu mua kà mona Monʼa Muthu ua xikama ku madilu ma Nzambi ua Tena-ioso, iú tuluka mu kuiza ku matuta ma diulu!

Marku 13:26

Kienhókio kiene kia ka mona o Monʼa Muthu iu uiza ku matuta ni kutena kuavulu ni ungana.

Marku 13:4

Tu tangele o thembu kia ka bhita imʼiíi. O Kijimbuete kiê kiahi, kuila ima ioso iíi a-nda ku i kumbidila kia?

Luka 21:27

Kumbi diná a-ndu mona Monʼ a Muthu iú uijiia mu dituta, ni kusuina ni ungana uònene!

Luka 22:69

Maji tunde lelu kiá, Monʼ a Muthu ua-ndu xikama ku madilu ma Nzambi Uatena Ioso.

Jipoxolo 1:11

Exi: Enu mu akua Ngalieleia, mu emanena-hi ni kutala bhulu? Jezú imoxi iíi, ua kexile ni enu, ia a mi tambula-nê ku diulu, hinu uà kèza dingi uila ki mua mu mono kuia ku diuluʼ iki.

II Tesalonika 1:7

Hé enu-phe mua tale hadi, u mi bhana kunhoha, kumoxi ni etu, tua tale hadi, bhuoso bhua kà tukulukila Ngana Jezú ku diulu ni ji-anju jê ja nguzu.

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!

Dijingunuinu 12:1

Anga ku moneka kijimbuete kia kijingano kia dikota ku diulu. Kua tukuluka muhatu. Dikumbi diene o kizuatu kiê, o mbeji ia mu kala bhoxi dia inama iê, o ku mútue uê kuala kitundu kia kuinhi dia théthembua ni jiiadi.