Matesu 24:14 - O Mikanda Ikola

¹⁴ O Njimbu iíi Iambote ia Utuminu ua Nzambi, ia bhingi ku i tula mu ngongo ioso, mu kubhana umbangi ku akua jixi joso; kiene kiua kia kèza dizubhilu.

Matesu 24:14 ပူးပေါင်းရင်းမြစ်များ

Izekiiele 7:10

Talenu, o kizuua kiki kiabhuʼiki, talenu ki kiza, uíndua ué ua bhixila; o kubhanga ufusa kua sabhuka, o izala ié ia buingita.

Matesu 10:7

O ki muia, muenda ni kuta Maka, kuila: Utuminu ua Diulu ua zukama.

Matesu 18:19

Lua mukuá dingi ngi mi ambela: Se mudienu mu kala kiiadi, a di xikina mu ngongo kima kioso kia bhinga, mu kusamba, kienhókio a ki bhanga kuala Tata iami uene mu diulu.

Matesu 24:3

O kia xikama ku mulundu ua Midiva, jixibulu jiza kua muène ubheka uâ, exi: Tu tangele, ima iíi mba ia kà bhita thembu kuxi? Kijimbuete kiê kiahi, kia kutukuluka kué, ni kia dizubhilu dia mundu?

Matesu 24:6

Muà kèvua ita, ni jingolokela ja ita; talenu, miẋima ki i mi titile. Mbata ima iíi ia bhingi i dianga kubhita, maji ki diene luua o dizubhilu.

Matesu 4:23

Jezu anga u nhunga Ngalileia ioso ni kulonga mu malombe mâ, ni kuta Maka ma utuminu ua Nzambi, ni ku saka jihaxi ni inema muʼ axaxi ka mundu.

Matesu 9:35

Jezú anga u nhunga mu jimbonge joso ni mu jisanzala, ni kulonga mu malombe, ni kuta Maka ma Utuminu uê, ni kusaka jihaxi joso ku makukata mâ ni ku mauhaxi mâ moso.

Marku 13:10

Mukonda ki bhinga o Njimbu Iambote a dianga ku i boka ni ku i sanhalesa ku akua jixi joso.

Luka 2:1

Mu Izuua iná anga ku tunda ngonge kua Sézalu Nguxi, ia kusoneka athu oso mu ngongo.

Luka 24:47

Ni kuila ue o Njimbu ia kudiela o ituxi, ni ku i tambuila o muloloko, a i fumanese mu dijina diê mu jixi joso, tunde kiá mu Jeluzaleme.

Luka 4:5

Diabhu anga u mu bheka bhu thala ia mulundu, u mu londekesa jixi joso mu ngongo, mu kathangana kòfele ngó.

Jipoxolo 1:2

katé bhu kizuua kia mu tambula bhulu. Muène, kuila kiluua a banda ku diulu, mu kutena kua Nzumbi Ikôla, ua tuamena kubhana ijila ku athu ió a solele muène, phala kukala Jipoxolo jê.

Jipoxolo 11:28

Mudiâ anga mu kala muthu dijina diê Akabu, uimana, hé u tuma kuijidisa ni kutena kua Nzumbi Iambote kuma, kuanda ku kala nzala ia dikota mu ngongo ioso. O nzalʼ iii ia bhiti mu izuua ia kexi mu tumina Kaláudio.

Jipoxolo 17:31

Mukonda ua xindi kiá kizuua kia kufundisa mundu uoso mu kidi, kua muthu uê ua mu tungula. Nzambi-iú ua tumu ku kʼ ijidisa kua ene oso mu ku mu fukununa ku ʼalunga.

Jipoxolo 17:6

Kia lémbua ku a mona, a koka Jasono ni jiphange jamukuâ hé a a bheka bhu pholo ia afundixi a mbonge ni kukola, exi: Mala a bonguesa oxi ioso eza ue kunu.

Jipoxolo 19:27

O ki tualʼ iki-phe, se ki tu dimuka, ni ufunu uetu uene uanda kudibota! Ki bhene-phe ngó bhu ki suka! Ni Tembulu iene ia kiteka kia dikota kia muhatu Diiana, anda ku i kita kingoho, katé ni muene Diiana, ene ku mu bheza kuala Azia ioso, ni athu oso mu ngongo, hinu a mu katula o kijingu.

Jipoxolo 20:25

Kiki-phe talesenu, nga kʼ ijiia kuma enu oso mu nga nhungina jinga ni kulonga o Utuminu ua Nzambi, o pholo iami ki mua kà i mona dingi.

Loma 10:18

Maji eme ngixi-phe: Kifua ene a kambele kuivua o ngolokela? Evidiâ muene. Kala kiambe o Mikanda Ikôla, iexi: O dizui diâ a dʼ ivu mu ngongo ioso, o maka mâ ma bhixila katé ku maẋokololo ma ʼxi.

Kolose 1:23

Kikale-phe mu kolokota mu kuxikana, mua kuata, mua xikama ku disesa dia kòlo, ki mu xikina ku mi sendumuna mu kudielela ku mua tambula kioso ki muevu o Njimbu Iambote. O Njimbu Iambote ieniʼoio, iene ia ngi katula, eme ngi Phaulu, mu kukala ngi ngunza iê, phala ku i kola mu ngongo ioso.

Kolose 1:6

Mbata o Njimbu Iambote ia mi sange, koko, mu kusambuka kuê mu ngongo ioso, ia muia ni kuima dingi kiengi ni kusokolola ndumba ia mabesá. Kienʼiki ue kia bhiti ni enu, tunde mu kizuua ki muevua o kutanga kiadi kia Nzambi, anga mu kala mu ku kʼijiia mu kidi.

Jihebeleu 1:6

Kioso Nzambi kia tumikisa ue o Thungunu iê mu ngongo, uixi: O ji-anju joso ja Nzambi ji mu bheze.

Jihebeleu 2:5

Kuma ji-anju kene a a bhana kuala Nzambi o ku tena kua kutumina o mundu uiza-ku u tuala kutanga.

Dijingunuinu 14:6

Anga ngi mona anju iamukua ia mu bhita bhulu, ia di lèka, o bhu ala kubhitila, uasu o mbambe ni diulu. Uambata o jingolokela ji xalelà-ku ja Njimbu Iambote, phala ku ji kolela athu oso a tungu mu ngongo, ku ifuẋi ioso, ni miji ioso, ni madimi, ni madiembu.

Dijingunuinu 16:14

Jenhiji jene o jinzumbi ja madimonho ma bhanga iphata ni madiuanu. Nzumbi jitatu jiji, jiia mù nhunga ku jisobha mu ngongo ioso, mu ku a kasa ku ita ia kizuua kia Dikota kia Nzambi, Muteni-a-Ioso.

Dijingunuinu 3:10

Mukonda eie ua bhake o maka mami, kioso ki nga ku ambela kukala ni muanu, eme uami ngi ku bhaka mu kithangana kia phaxi, hinu ki tukulukila mundu uoso, mu kulola ene oso a tungu mu ngongo.