Matesu 24:10 - O Mikanda Ikola

¹⁰ Kienhókio, avulu à keha kuxikana, hé a kà di bhala. A kà di bhanga ufe, a kà di zemba mudiâ.

Matesu 24:10 ပူးပေါင်းရင်းမြစ်များ

Matesu 10:21

Muthu ua kà bhana phangʼ iê mu ku mu jibha, o tata ua kà bhana mona, o ana a kà kitukila tatʼ â ni mamʼâ, nʼa a jibhisa.

Matesu 11:6

Uazediua ió uoso ka di bhukana mukonda dia kima kia mono ko-kuami!

Matesu 13:21

Maji moxi diê-phe ua kambe lundanji, u nanga ngó kithangana. O ki moneka phaxi, mba ku kala ku mu zukutisa mukonda dia maka, kindala ua di bhale.

Matesu 13:57

Anga a mu longolola. Nguauâ ku mu suua. Jezú-phe u ambela, uixi: Polofeta, bhu mu kamba ngó ujitu, kikale mʼoxi iê-muène, ni bhu bhata diê.

Matesu 24:11

Bhua kà tukuluka jipolofeta javulu ja makutu, ji kala mu jimbidisa mundu uavulu.

Marku 13:12

Muthu ua ka bhakula phangʼiê, phala ku mu jibha; o tata u bhakula mona; o ana a ka kitukila adiʼâ nʼa jibhisa.

Marku 4:17

Kuma ka moneka jindanji-phe, a nanga ngo kathangana. O kʼiza o phaxi ni kuzukutisa mukonda dia maka, kindala a di bhale.

Luka 21:16

Katé ni adienu, ni jiphange, ni jindandu, ni makamba, ene muene a-nda ku mi bhakula phala ku mi kuika mu ʼaleia. Amoxi-moxi mudienu a-nda ku a jibha.

II Timote 1:15

Eʼmuène kiki ua kiʼijiia kiambote, kuma ene oso akua Azia a ngi bhana dikunda, a ngʼehelela, katé kiá ni Fijelo ni Helemojene.

II Timote 4:10

Mukonda Demase ua ngi xi, iú uaii ku Tesalonika, mukonda dia kuzola mundu uenhú. Kelesende uaii ku Ngalásia, Titu ku Ndalamaxia.

II Timote 4:16

Ku dimanda diami, ki nga diangele kufunda, kana muthu ua ngi bandele. Ene oso a ngi xile. Nzambi tamanu ka a tela na-kiu mu konda iâ!