Matesu 23:9 - O Mikanda Ikola

⁹ Ki mu ile muthu mu ngongo, Tata, kuma sai Tata ienu imoxi, uene mu diulu.

Matesu 23:9 ပူးပေါင်းရင်းမြစ်များ

II Jisobha 13:14

Anga Ilizeu u kala mu kata, o uhaxi ue ueniú uene uafu na-u. O Jehouaji-phe, sobha ia Izalaiele, u kulumuka kua muene mu ku mu hindula; u didila mu pholo iê, uixi: Tatʼetuʼé, tatʼetue, makalu ma Izalaiele, ni athu é a sambelà-mu!

II Jisobha 2:12

O Ilizeu kioso kia ki mono, ua dikola: Tatʼetu! Tatʼetu! Makalu ma Izalaiele ni athuʼé a sambela-mu! Tundé kieneʼokio Ilija ka mu mono dingi. Okiʼòleka o izuatu iê, u i tandula mu mbandu jiiadi.

II Jisobha 6:21

O sobha ia Izalaiele kioso kia a mono, uambela Ilizeu, uixi: Ngʼa jibha kiá, ngʼa jibha kiá, Tatʼetu?

Malakiia 1:6

Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?

Matesu 23:10

Kana ku mʼila ue Jingana, kuma sai Ngana ienu imoxi, muène Kristu.

Matesu 6:32

Mbata ima ioso iii iene ia-lu sota o matumbu, athu kejiia Nzambi. Maji enu o Tata ienu ia diulu ua kijiié kuma imʼ iii mua i bhindamena.

Matesu 7:11

Sumbala enu muaiibha, muejiia kubhana anʼ enu maujitu mambote, kuambe dingi Tata ienu uene mu Diulu, u fula kiebhi kukala kota mu kubhana ima iambote oso a mu bhinga?

Jipoxolo 22:1

Enu mu akuetu, jiphange, nʼ enu mu jitata, ngʼ ivienu kioso ki ngi di lombolola lelu bhu pholo ienu.

I Kolindo 4:15

Kuma né-mbé mu kala ni kuinhi dia midi dia jimesene ji mi longa mua Kristu, ki mu vudila kukala ni jitata, mukonda muala ngó ni tata imoxi iene. Kuma eme nga mi vuala mua Kristu Jezú, kioso ki nga mi bhekela o Njimbu iê Iambote.

II Kolindo 6:18

Ngi mi kale ngi Tata ienu, enu mu ngi kale mu anʼ ami a mala ni àhatu kiene kiambe Ngana Uatena-Ioso.

Jihebeleu 12:9

Ku mbandu ia jitata jetu mu xitu, ene a kexile mu tu beta, etu-phe anga tu kala mu ku a xila. Kala kiki-phe, kia tu tokala kutumaka, kiala kota o Tata ietu mu nzumbi, phala tu mone muenhu!

I Nzuá 3:1

Talesenu kia kulu o henda ia tu idikiza Tata! O henda iê ia tu idikiza ia kulu kinéne katé kia tu ixana tu anʼa Nzambi. Ni kidi-phe, tuala muene tu anʼê. Kiene kia kambela o mundu ku tu ijiia, mukonda muène ue Nzambi ki ua mu ijiia.