Matesu 23:8 - O Mikanda Ikola

⁸ Enu-phe kana ku mʼila Mesene. Kuma sai Mesene ienu imoxi, enu oso mu jiphange.

Matesu 23:8 ပူးပေါင်းရင်းမြစ်များ

Matesu 10:25

Kienhiki, o xibulu kabasa i sokela ni mesene iê, o mubhika kabasa u sokela ni ngana iê. Kia lembela muène mukua dibhata diê, a mu ixana, exi: Belezebubu, akua mbèle iê, a kà exana kiebhi?

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Matesu 23:10

Kana ku mʼila ue Jingana, kuma sai Ngana ienu imoxi, muène Kristu.

Matesu 23:7

A uabhela ue ku a menekena ni ujitu bhu itanda kuala athu, ni ku a ela Mesene.

Matesu 26:25

Muène Juda, u mu thelekala, uixi: O kuila eme, Mesene? Jezú ua mu ambela, uixi: Eie-muène ua ki tange.

Matesu 26:49

Juda bhenhobho anga u bhiẋila kua Jezú, uixi: Mesene, nga ku menekena! Anga u mu bhana nzobole.

Marku 10:51

Jezú iu ua mu kumbulula, uixi: Ua mesena ngi ku bhanga kiebhi? Kuala o kifofo: Mesene, ngi bhane dingi o kumona.

Marku 11:21

Phetele kia ki tukumuka, uixi: Mesene, talesa o mufiku u ua te mázui, ua lela.

Marku 14:45

O kia zubha kutula bhuala Jezú kithanganʼokio Juda u mu bhixila, uixi: Mesene! Anga u mu bhana jibeju.

Marku 9:5

Phetele anga u kumbulula, u ambela Jezú, uixi: Mesene kia uabha muene etu kukala kunu! Tu tunge-bhu fundu jitatu: Imoxi o iê, imoxi ia Mozé, imoxi ia Elija.

Luka 22:32

Eme-phe nga ku diondela, Ximá, phala o kuxikana kué ki kúbhue ni ku lémbue. Eie-phe, hinu ki u vutuka dingi kokuami, kolokotesa jiphange jé.

Nzuá 1:38

Jezú anga u sakuka, u mona ala ku mu kaiela, anga ua ambela, uixi: Ihi i mua-lu sota? Ene a mu kumbulula, exi: Labi, (Mesene), eie ua tungu kuebhi?

Nzuá 1:49

Natanaiele ua kumbulula, uixi: Mesene, eie u Monʼ a Nzambi! Eie Ngana, u sobha ia Izalaiele.

Nzuá 11:8

Jixibulu ji mu ambela, exi: Mesene, Jijudé kindala kia sotele ku ku jibha ni matadi, kífua kuene dingi ku uia?

Nzuá 20:16

Kuala Jezú: Madiia! Muène ua sakuka, anga u mu vutuila mu Hebeleu, uixi: Laboni (Mu ku jimbulula uedi, Mesene iami.)

Nzuá 3:2

Muène anga uiza mʼ usuku kua Jezú, hé u mu ambela, uixi: Labi, etu tuejiia kuma eie u mesene ua tundu kua Nzambi, mukonda kana muthu u tena kubhanga idiuanuʼoio, se Nzambi u kamba kukala-nê.

Nzuá 3:26

Anga eza kua Nzuá exi: Mesene, muthu ió ua kexile-nê ku sámbua dia Njolodá, eie anga u mu kala mbangi, hanji ua mu lembalala? Talesa, ua-la ku batizala kiá, ene oso ala kuia kua muène!

Nzuá 4:31

Kiosuʼiki-phe, jixibulu jê jala ku mu dionda, exi: Mesene, kúdia kuku, diâ hanji kama koso-koso.

Nzuá 6:25

O kia zubha ku mu sanga ku sámbua, a mu ibhula, exi: Mesene, eie kunu ueza-ku kiebhi?

Nzuá 9:2

Jixibulu jê anga a mu ibhudisa, exi: Mesene, phala-hi muthu iú a mu vuala kifofo? Nanhi uate kituxi? Muène ua te kituxi, inga o jitata jê a te kituxi?

II Kolindo 1:24

Ki kuila tuala ni ukota ua kutumina o kuxikana kuenu, maji tuala tu akuatekexi a ngalasa ienu.

II Kolindo 4:5

Kuma, etu ki tua di kola etu ene, maji tua kola Kristu Jezú kuma muene Ngana, o etuku tuala tu abhikʼenu mukonda dia Jezú.

Efezo 3:15

kua tundu o kidifua kia utata uoso mu diulu ni mu ngongo,

Filemone 1:16

Mukonda mu kindalʼumu, o muène kala dingi ngó mubhika, maji mubhika ndenge kiá, kuma uala phange ia jihenda mua Jezú Kristu. Muène ni kidi, phange ia jihenda ko kuami. Maji kotakota dingi mu jihenda ko kué, ni ku ubhika mu xitu, ni ku uphange mua Ngana.

Tiiaku 3:1

Enu phange jami, athu mudienu ka vudile ku di bhanga jimesene ja kulonga maka mu Ngeleja, kuma mua kʼijiia kuila etu, tua mu longa o maka, hinu tua kà kala kota mu kuêla athu oso ndenge, hàdia kia kà tu fundisa.

I Phetele 5:3

Ki mu kale mu jingana ja kutumina ió ene a mi bhana-nâ ku a enga, maji mu kala mù atuameneni mua bhana phangu ku kilunga.

Dijingunuinu 1:9

Eme Nzuá, ngi phangʼienu, ngi mukuenu mu hadi ia Jezú, ni mu Utuminu uê, ni mu kukolokota kuê, Nga kexile mu kikolo kia Pátamo, a ngi kuika mukonda dia kutanga maka ma Nzambi ni umbangi ua ima ia ngi tukuluila Jezú.

Dijingunuinu 19:10

Eme anga ngi di bhala bhu inama ia anju phala ku mu bheza. Uixi-phe: Kana ku ki bhanga! Eme ue ngi selevende ni mukuenu, nga sokela ni phange jé oso a kuata o umbangi ua kidi kia Jezú. Bheza Nzambi! Kuma o kidi kia umbangi ua Jezú, uene o uanji u bhana huii ku jipolofeta.

Dijingunuinu 22:9

Muène-phe, uixi: Aiuka, kana kubhanga kiki! Eme uami ngi selevende ni mukuenu, nga sokela ni phange jé, o jipolofeta, ni ene oso kiá aiuka o maka ma divulu didi. Bheza Nzambi!