Matesu 23:5 - O Mikanda Ikola

⁵ Ikalakalu iâ ioso-phe, a i bhangela ngó phala athu ku a mona: Talenu o iẋimbu ia zanze ia Maka ma Nzambi, ia soneka phala ku ita bhu mabhômo ni ku maku! Kengelelenu kioso kia kulu o mixiku ia izuatu iâ!

Matesu 23:5 ပူးပေါင်းရင်းမြစ်များ

II Jisobha 10:16

hé u muʼambela, uixi: Zá tuie nʼeme, ua kà mone o muanu uami u ngala na-u kua Jihova. Anga a mu ta mu dikalu diê.

Makatukilu 13:9

Kia kà kala kidimbu ku lukuaku luenu, ni kijimbuete bhu dibhomo, phala ngonge ia Jihova i mi kale mu kanu; kuma Jihova ua mi katula ni lukuaku lua nguzu mu Ijitu.

Jisabhu 3:3

O mbote ni kidi kanaku i jimba; kutila-iu muene mu xingu ié, soneka-iu ku dibaia dia muẋima ué.

Ijila 13:32

O mu kizuua kia kasambuadi a mu tonginine lua mukuá, o kia sanga kuila dibakʼodio dia ngònga ki dia sanhe dingi, ki dia bhana ue ndemba ia kusuluka, ki dia tomboka ue kinéne o kikonda ki kiala ndenge,

Matesu 9:20

Bhu kala-phe muhatu, ua kate kibhubhe kia manhinga, ua kuata nakiu kiá kuinhi dia mivu niʼ iadi. Anga uiza ku dima diê, hé u babata ku muxiku ua kizuatu kiê.

Luka 16:15

Jezú-phe anga ua ambela, uixi: Enuenu mu akua kudiuabhesa bhu pholo ia athu, Nzambi-phe ua mijiia o miẋima. Kuma sai ni kima a ki ximana mu ʼaxaxe ka athu, kua Nzambi-phe ufusa.

Luka 20:47

A tobhesa atudi a ahatu anga a hábula o mabhata mâ. O mu kusueka o mangonha mâ, a bhana misambu ialebha. Enhá a-ndu beta kuêla mu kizuua kia kufundisa.

Nzuá 12:43

Mbata ene ujitu u tunda ku athu ua a kalela kota, o ujitu u tunda kua Nzambi, ndenge.

Nzuá 5:44

Mu tena kiebhi o kuxikana, se enu mu di bhana fuma mudienu, o fuma-phe i tunda ngó kua Nzambi nguenu ku i sota?

Nzuá 7:18

Uoso u di zuela ue muène, ió ua mu sota ku di fumanesa muène. Maji uoso-phe u sota kufumanesa ió ua mu tumu, muenhó mukua kidi, ku muẋima ue ki kuala makutu.

Matendelelu 11:18

Inda lundenu maka mamiʼama ku miẋima ienu, ni mu mienhu ienu, maka iá kutilenu-nâ ku lukuaku luenu phala a mi kale kijimbuete, endenu-nâ bhu dibhomo phala ka mi bhue ku mesu.

Matendelelu 22:12

O thanga ié ia kudifuta u i ta jifalanja jiuana bhu jithungi.

Matendelelu 6:8

A kala ue kidimbu ki ua kutila mu lukuaku lué; u a nhenga muene bhu kaẋi ka mesu mé maiadi, phala a kale kijimbuete ki ua kutila bhu dibhomo dié.

Filipe 1:15

Amoxi-mu mu kutanga Kristu, a ki bhangela ngó dixinga ni mvunda; amukuâ-phe a mu tanga ni vondadi ia muẋima uambote.

Filipe 2:3

Ki mu bhange kima ni masunga a kusota ngó mbote ienu, mba izala ia ku mi ximana. Maji ni kubatama, kala muthu a kite mukuâ kota diê; Kana ku di fika kuila mua beta kuiuka o akuenu ndenge.

II Tesalonika 2:4

Muthu muenʼió u kala mú kituka, u mesena u tunda ioso ia luka exi Nzambi, ioso athu iene ku bheza. Muène ua kà di zangeleka katé muene u xikama mu Tembulu ia Nzambi, nʼa dʼidikise kuma muene Nzambi!