Matesu 23:18 - O Mikanda Ikola

¹⁸ Muixi dingi: Uoso u lokela kalatódio, ki kima; uoso-phe u lokela ujitu ku thandu a kalatódio, ió ua di kutu.

Matesu 23:18 ပူးပေါင်းရင်းမြစ်များ

II Malunda 6:22

Se bhu kala muthu u ta mulonga kua mukuá, mukuá anga u mu jijila ku ta mulôko ua ku di naka, phala nʼa di nakʼiê muene-muène, o mulôko uenʼiú ua ku di naka ni uiza bhu pholo ia Kalatódio ké mʼonzo mumu,

Dialuilu 30:2

Se diiala di ta hasa kua Jihova, mba u loka mulôko ua ku di kuta o muenhu uê ni kikutu, ka tena kualuluka bhu dimi; ki kale u kumbidila kioso kia mu tundu ku dikanu diê, kiene kia bhanga.

Matesu 23:16

Lamba dienu, mu asonguedi a ifôfo! Muala kulonga kuila: Uoso u lokela Tembulu, ki kima; uoso-phe u lokela ulu ua Tembulu, ió ua di kutu.

Matesu 23:17

Mu ioua, mu ifôfo! Ki kala kota kiebhi, o ulu, inga o Tembulu i kôlesa o ulu?

Matesu 23:19

Mu ifôfo! Ki kala kota kiebhi, o ujitu, inga o kalatódio ka kôlesa ujitu?

Marku 7:11

Enu-phe mu longa, muixi: Se muthu u tena kubhandulula tatʼâ mba mamʼa, maji u ambela tatʼâ mba mamʼa kuila: Kioso ki mueji kudia ko kuami, nga ki lumbila Nzambi:

Ngalásia 5:3

Kiene muene, ngi ki tanga lua kaiadi kuila: O muthu uoso ua tambulula o kusaia, nga mu bhana umbangi kuma ua di bidikala kukumbidila o Kitumu kioso.