Matesu 22:44 - O Mikanda Ikola

⁴⁴ Ngana uambela Ngana iami, ngi xikamene ku madilu mami, katé ki ngi ku bhakela o jinguma bhoxi dia inama ié.

Matesu 22:44 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Jisálamu 110:1

Jihova ua ki ambe kua Ngana HU iami, uixi: Xikama ku mbandu iami ia madilu, katé ki ngi ku bhanga o jinguma ji kala kibaka kié kia kutula inama.

Jisálamu 21:9

U a oha kala mu forno iakusuka ni túbhia, kizuua ki u a tukulukila; Jihova hinu u a minha ni kutema kuê, a kà jikinina mu túbhia.

Matesu 22:45

Davidi se ua mu edi Ngana, u kala kiebhi monʼê?

Matesu 26:64

Jezú u mu ambela uixi: Eiemuène ua ki tange, kiene muene. Ngi mi ambela dingi-phe: Hinu mua kà mona Monʼa Muthu ua xikama ku madilu ma Nzambi ua Tena-ioso, iú tuluka mu kuiza ku matuta ma diulu!

Marku 16:19

Kiki Ngana Jezú kia zubha kuzuela-nâ, a mu tambula ku diulu, iú ua xikama ku madilu ma Nzambi.

Luka 19:27

Jinguma jamiʼ ojo-phe, kʼ andalele eme ni ngʼ a tumine, ngi bhekedienu-nâ bhabha, mu a jibhile bhu pholo iami!

Nzuá 20:28

Tomé uetaiua, uixi: Ngana iami, Nzambi iami!

I Kolindo 1:2

tua soneka o mukanda iú phala Ngeleja ia Nzambi iala mu Kolindo, kiene-phe, oso kiá a a kôlesa mua Kristu Jezú, a exana phala kukala mundu ua Nzambi. Mukanda iú uosoneke ue phala oso kiá akua kuhingila mu dijina dia Ngana ietu Jezú Kristu mu ididi ioso, Ngana iâ ene, Ngana ietu-etu.

I Kolindo 15:25

Kuma Kristu muene ua bhingi u kalaku ku ungana, katé Nzambi kia tolola o jinguma jê joso, hé ua kà ji ta bhoxi dia inama ia Kristu muene.

Filipe 3:8

Kidi kiene, ima iosololo ngi i kita kingoho mu ujitu ua kuijiia Kristu Jezú, Ngana iami. O mukonda dia muène, ima i nga kuatele, nga i texi dikanga, ioso ia di boto. Ememuene-phe nga i kiti dixilu, phala ngi nganhale Kristu, nda ngi kondamene kua Muène.

Jihebeleu 1:13

Ku ji-anju-phe, Nzambi anju kuẋi iambelele uixi: Xikama ku madilu mami, katé ki ngi ku bhanga kuila jinguma jé ji kala bangu bhoxi dia inama ié.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

Dijingunuinu 19:19

Anga ngi mona o kiama ni jisobha mu ngongo, ni ifuẋi iâ ia masoladi, a di bhongolola mu kùlua ita ni ió ua mondala ku kabalu kazela, ni kifuẋi kia makuenze mê.