Matesu 22:3 - O Mikanda Ikola

³ Anga u tuma jiselevende jê kuixana asonhi a fesa ia ukaza, ene-phe nguauâ kuiza.

Matesu 22:3 ပူးပေါင်းရင်းမြစ်များ

Jisálamu 68:11

Ngana muene ua bhana o kizuelu kiê; o ahatu a bhana jinga o jingolokela, a kexi kifuxi kia dikota.

Izaía 30:15

Kuma kiene kiambe Muadi Jihova, ʼLemba dia Izalaiele, uixi: Se muedile mu vutuka anga mu ximbakata, mueje ku bhuluka; mu kudielela ni mu kuximbakata, kieji ku mi bhekela uzonda, enu-phe nguenu.

Jelemiia 25:4

Jihova ue ua mi tumikisa abhikʼé oso, jipolofeta, u di meneka mu ku a tumikisa, (maji enu nguenu kuívua, ni ngó ku bheteka mátui menu phala kuívia).

Jelemiia 35:15

Abhikʼami, jipolofeta, ene oso nga mi tumikisa-nâ, ngi di meneka ni ku a tumikisa, ngixi: Dielenu-phe kindala, muthu a biluke ku njila jé ja ibha, ibhangelu ienu mu i bhange ia iuka, ki mu kaiele jinzambi jengi phala ku ji bhikila; kienhokio mua-ndu kala mu ixi i nga mi bhana enu ni jitata jenu; maji enu nguenu ku ngi bhetekela dítui mba ku ngi tumaka eme.

Hozeia 11:2

Uila Eme ki nga jiji ni ku a exana, ene uâ kiene kia kuata kuendelela dingi ni kusondoloka bhu mbandu iami; a bhakula jisata ku jibaale, oha uasu ua dizumba ku iteka ia kusonga.

Hozeia 11:7

Mbata o mundu uami uejidila ku ngi baluka; o kia exana kuiza kua Suke-ku, ki bhuala muthu u xikina ku ki bhanga.

Sofoniia 1:7

Eie-phe ximbakata bhu pholo ia Jihova Nzambi ié, kuma kizuua kia Jihova kia zukama. Mukonda Jihova ua iudika kiá o sata iê, iú ua zelesa asonhi oso a exana kuala muene.

Matesu 21:34

Kuila thembu ia idima ia zukama kiá, u tuma jiselevende jê ku idimakaji kutambula idima iê.

Matesu 23:37

Uaué! Jeluzaleme, Jeluzaleme tata! Ua bhingi jipolofeta u ji jibha, akunji a tuma Nzambi ko-kué, éʼ u a bûba ni matadi! Lukuxi luosʼulu lu ngandalele kubhongolola anʼé kumoxi, kala sanji ki i bhongolola tuana tuê moxi a mabhabha, enu-phe nguenu!

Matesu 3:2

Dielenu! muehe o ituxi ienu, kuma utuminu ua diulu ua zukama.

Matesu 9:15

Jezú anga u ambela, uixi: Kífua anʼ a sala ia ubhanga a tena kukala ni mukondo kiosuʼ iki ki ala ni nga-iala? Izuua iiʼ iiza-phe, nga-iala a-nda ku a tambula-nê; kiene kiua ki ejiia kujila.

Luka 13:34

Uaué, Jeluzaleme! Jeluzaleme tata! Ua bhingi o jipolofeta u ji jibha, o akunji Nzambi a ku tumikisa, eie u a bûba ni matadi! Lukuxi luosʼulu, lu ngandalele kubhongoloka o kifuẋi kia mundu uê uoso, kala ki bhanga o sanji tuana tuê moxiʼa mabhabha, enu-phe ki mu xikina!

Luka 15:28

Muène anga u futuluka, nguaiê kubokona! Tatʼâ anga u tunda, u kala mu ku mu bhomba.

Luka 19:27

Jinguma jamiʼ ojo-phe, kʼ andalele eme ni ngʼ a tumine, ngi bhekedienu-nâ bhabha, mu a jibhile bhu pholo iami!

Nzuá 5:40

Enu-phe nguenu kuiza ko-kuami, ni mu tambule o muenhu.

Jipoxolo 13:45

Jijudé-phe kia mono o mundu uavu-lu kiki, a kala ni dixinga dionène. Ima iala kutanga Phaulu, a mu kuatesa makutu, a mu xinga.

Loma 10:21

Mu kutanga Izalaiele-phe, Izaia uixi: Kumbi dioso dia kambamba Nzambi ua sunununa o maku mê ku mundu uaxibhaka, uathathamana.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

Jihebeleu 9:15

Kienʼ iki-phe, Kristu kiene kia mu bhekela kukala mutesi a kikutu kiobhe, phala oso ngó a exana kuala Nzambi a tene kutambula o mabesá ma nangenena ma polomesa iê. Kuma sai kalunga ka bhitile-bhu phala kutena kukula o athu ku ituxi iâ ia tele mu thembu ia kikutu kia diangele-ku.

Dijingunuinu 22:17

Ni Nzumbi ni Dibhanga, edi: Izá! Uoso ue uívua imʼíii, ele: Izá! Uoso dinhota dia mu kuata, eze. Uoso uandala, a tambule o menha ma muenhu mu ngoho.

I Samuuele 9:13

Mua-nda kuila mu tukuluka ngó mu nzunga, mu takana-nê kindala kioso kiluua a banda ku thala mu kúdia; kuma akua bhata ka xikina luua kúdia katé muene kia benzela o sata; kiene kiua ki adia, oso a a kuvitala. Bandenu kiá, kiki kiene o kithangana kia kutakana-nê.