Matesu 21:5 - O Mikanda Ikola

⁵ Monʼa Ziione, mu tangele, Sobha ié iu uiza, kindala u ku sanga; Ua belesela, uendela ku búlu, Monde iê seseme ia bûlu.

Matesu 21:5 ပူးပေါင်းရင်းမြစ်များ

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

II Samuuele 16:2

Muenexi anga u ambela Ziba, uixi: Ni ima iii i ueza na-iu uambe kiebhi? Kuala Ziba: Jibûlu phala athu mu dibhata dia muenexi kuia ni kumondala; o jimbolo ni ibundu ia kixibhu phala makuenze kúdia; o vinhu phala oso a sota kusèndukila mu ditutu a nue.

I Jisobha 1:33

Muenexi anga u a ambela, uixi: Katulenu makuenze a ngana ienu, muile-nâ kumoxi, o Solomá monʼami mu mu mondalese ku mula iami, mu kulumuke-nê bhu Ngihône.

I Jisobha 10:26

Solomá hé u bhongolola ue ndumba ia makalu ni athu endela ku jikabalu, hé u kala ni midi ni hama jiuana ja makalu ni kuinhi dia midi ni midi jiiadi ja athu endela ku jikabalu; anga u a uanena mu jisanzala ja makalu, o amukuá a xala ni sobha mu Jeluzaleme.

Jisálamu 9:14

Ua ngi vutula-phe phala ngi ku ximane kiavulu muene, bhu kanga dia mielu i monʼa kilumba Ziione, ngi tange kioso ki ua ngi bhulula, ngi ku ximane jinge ni kutana.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Izaía 40:9

Eie, tata u muboke-a-njimbu iambote kua Ziione, banda-phe, ku mulundu ua di leka. Eie, tata, u muboke-a-njimbu iambote kua Jeluzaleme zangumuna dízui dié ni nguzu ioso; zangula-diu muene, ku kale ni uoma, u tangele o madiembu ma Juda, uixi: Talesenu, Nzambi ienu iú bhabhʼú!

Izaía 62:11

Talesa, Jihova ua ki kola muene katé ku maẋokololo maʼxi, uixi: Kilumba monʼa Ziione mu ambelienu, muixi: Talesa, ubhulukilu ué iu uiza; tala, ni futu iê uiza na-iu, ni kikalakalu kiê kia mu tuamenena.

Izekiiele 34:24

O eme-phe, ngi Jihova, nga kà kala ngi Nzambi iâ, o mubhikʼami Davidi muene ua kà kala o kilamba muʼaxaxe kâ; kuma eme ngi Jihova nga ki tange.

Izekiiele 37:24

Anga o mubhikʼami Davidi muene ua kà kala sobha iâ, ene oso hé a kà kala ni mubidi umoxi ngó; anga a kʼèndela mu mabatuilu mami, enda ni kualuka o jingonge jami ni ku ji bhanga.

Hozeia 1:7

Inda dibhata dia Juda nga-nda ku mu lendukila, nga-nda ku a bhuluila ku lukuaku lua Jihova Nzambi iâ; kuma ki nga-nda ku a bhulula mu ku a bhángela ni uta ua mufula, ku xibhata ue ki kuene, ku ita ki kuene, ku jikabalu kana, ku akua jimonde ue kana.

Mikeia 5:2

Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.

Dialuilu 24:19

Mua Jakobo mua kà tunda ngûngu, u tumina, ua kà buidisa oso a subhuka mu jimbanza.

Matesu 11:29

Di tuikienu jungu iami, mu di longe ko kuami; mbata eme nga belesela, nga batama muẋima, nda mu mone kutululuka kua jinzumbi jenu.

Matesu 2:2

A mu vuala, Sobha ia Jijudé, iu kuebhi? Mukonda théthembua iê tua i mono ku Thunda, etu tueza ku mu sambela.

Matesu 2:6

Eie Beleme, mʼoxi ia Juda, kualʼé ngó u ndenge mu makota a Juda; mbata mó mué muene mua kà tunda o Dikota ua kà kala mubidi ua athu ami a Izalaiele.

Matesu 21:6

Jixibulu anga jiia, ji bhanga kala kia a tumu Jezú.

Luka 24:27

Anga ua andekela ku madivulu a Mozé, hé u bhita mu madivulu a jipolofeta joso, ni ku a jimbuila ima ioso iòsoneke mu Mikanda Ikôla ia Nzambi, ia mu tokalele muène.

Nzuá 1:49

Natanaiele ua kumbulula, uixi: Mesene, eie u Monʼ a Nzambi! Eie Ngana, u sobha ia Izalaiele.

II Kolindo 10:1

Kiki eme muène, ngi Phaulu, ngene mu kuila ngixi ngi mulenduki, ngi mutululuki ki ngi kala bhu mbandu ienu, maji ngi muẋinuki ki ngi kala dikanga, nga mi bhingi phe kiki: Nga mi bhingi mu kulenduka ni henda ia Kristu, kuila,

Matendelelu 17:16

O muene-phe ka di vudixile jikabalu; kana kuvutukisa o mundu mu Ijitu, mu kuvudisa dingi jikabalu; mukonda Jihova ua mi ambela, kuila: Njila iii ki mungu dingi mu i vutukila.

Afundixi 12:14

Muene u kala ni makuinhi auana a mona, a mala; ni makuinhi atatu a mulaula a mala; enhá anga a kala mu sambela makuinhi sambuadi a bulu. Muene anga u fundisa Izalaiele mu nake dia muvu.

Afundixi 5:10

Enu mua sambela ku jibûlu jizela, enu mua xikama ku jixalemanda ja iuka kinéne, enu mua-lu bhita mu jinjila, ambenu-kiu.