Matesu 21:41 - O Mikanda Ikola

⁴¹ Kuala ene: Ísueia ienhoio ua-nda ku i fuisa kalunga ka hadi, o mulenga nʼa u lukalesa idimakaji iengi, i mu bhakuila idima bhu jithembu jê.

Matesu 21:41 ပူးပေါင်းရင်းမြစ်များ

Jisálamu 2:9

U a tolola ni mbangala ia felu; u a bhanga imenga-imenga kala ímbia ia mavu.

Izaía 65:15

Mua kà xisa o majina menu kuma dilebhu kua athuʼami ósole; Jihova Nzambi phe ua-nda ku mi jibha, anga jiselevende jê u a luka kiá dijina diengi.

Daniiele 9:26

O kia kà bhua o makuinhi asamanu a jisemana ni semana jiiadi, Mexiia a kà mu katula-ku, kà mu mona dingi; o mundu ua kilamba kia kèza-ku, ua kà buikisa o diembu diosuʼodio ni Tembulu, o dizubhilu diâ dia kà a bhitula mukuâ ni menha a disenza; kuà kala-phe ita mu ita katé bhu dizubhilu, oko a xindi-bhu ibuika.

Zakadiia 12:12

O ixi ia kà dila, dibhata ni mbandu iê, dibhata ni mbandu iê; muiji ua dibhata dia Davidi ni mbandu iâ, o ahetuʼâ ue ni mbandu iâ; muiji ua dibhata dia Netane ni mbandu iâ, o ahatuʼâ ue ni mbandu iâ;

Zakadiia 13:8

Jihova uambe, kuma: Mu ngongo ioso, ku mbandu jitatu ja ngongo, mbandu jiiadi ja kà jikinina muene, nzaká! A kà fua muene. Maji o mbandu ia katatu iene ia kà subhuka momo.

Matesu 21:34

Kuila thembu ia idima ia zukama kiá, u tuma jiselevende jê ku idimakaji kutambula idima iê.

Matesu 21:40

Kiki-phe, mukua mulenga uê kià keza, o idimakaji ienhiʼii ua-nda ku i bhanga kiebhi?

Matesu 21:43

Uila kiki, ngi mi tangela na-kiu kuila, o Utuminu ua Nzambi a-nda ku mi tambula na-u, nʼa u bhane athu engi a bhana idima iê. [

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Luka 20:16

Ua-nda kuiza mu ku buidisa o idimakaji ieneʼoio ni a bhane díbhia ku athu engi. Ene ki evu kiki, exi: Ai-uê! Thamanu ki ki bhite.

Jipoxolo 15:7

Kia bhiti kufunda kuavulu, Phetele uemana anga ua ambela, uixi: Enu akuetu mu jiphange, mua kʼ ijiia kuma izuua kiá tunde kia ngi solele Nzambi eme mudienu, phala o matumbu a diange kuivua ku dikanu diami o Maka Mambote, nʼa xikane.

Jipoxolo 18:6

Ene-phe a lungulukila Phaulu, hé a ẋinuka ni ku mu xinga. Muène anga ua a kukumuina izuatu iê, uixi: Enu se mu texika, o manhinga menu ma kala ku thandu dienu! Eme nga zele, tunde kiki ngi di lunga kiá ni akua matumbu.

Jipoxolo 28:28

O mu kuzubha Phaulu, uixi: Ijiienu na-kiu-phe kuma, o kubhuluka kueniʼ uku Nzambi ua ku tumikisa ku matumbu, ió ki Jijudé, ene-phe anda kuivua. [

Jipoxolo 28:8

Kieniokio-phe, tatʼ â Pubilo u kala mu kata febele ni mu mala mua mu kala kubualala ni kikolôta. Phaulu anga u bokona mʼ onzo muala, u samba, u mu tula maku mê, hé u mu ilula.

I Tesalonika 2:16

Etu tuandala tu zuela ni akua jixi jengi, phala a bhuluke, maji ene a tu kidika. Mu kubhanga kiki-phe, hanji a kuata kutenesa o konda ia ituxi iâ iene mù ta. Maji-phe kindala kua a tulukila o njinda ia Nzambi, katé bhu mbambe ku thandu diâ!

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

Jihebeleu 2:3

Etu-phe tua kà lengela bhebhi, se o kubhuluka kuosʼ-uku kua tu kuata usudi? Ngana Jezú muène o kubhuluka kuku ua diànga kiá ku ku tanga, etu anga a tu kunda na-ku kuala ió a ku ivu, kuila kubhuluka kua kidi.