Matesu 21:23 - O Mikanda Ikola

²³ Kia zubha kubhixila mu Tembulu, jinganga ja makota ni adiakimi ku mundu eza, a mu sanga iu longa, exi: Eie ungana uahi u uala na-u phala kubhanga imbambʼiii? Ungana iú nanhi ua ku bhana-u?

Matesu 21:23 ပူးပေါင်းရင်းမြစ်များ

Makatukilu 2:14

Kuala muene: Eie nanhi ua ku bhange u kilamba kietu, u mufundixi ua ku tu tambula etu konda? Ua mesena ku ngi jibha, kala ki ua jibha mukua Ijitu mazá? Mozé anga u kala ni uoma, uixi: Manhi ni kidi kiene, kia fumana kiá.

Matesu 20:4

Anga ua ambela, uixi: Ndenu uenu ku mulenga, kioso kia tokala kiene ki ngi mi futa. Ene anga aia.

Matesu 21:24

Jezú u a kumbulula, uixi: Eme uami ngi mʼibhula kima kimoxi, o ki mu ngi tangela-kiu, ngʼijiie kiua ku mi tangela ungana uoso u ngala na-u phala kubhanga imbambʼiíi.

Matesu 24:1

Jezú anga u tunda mu Tembulu, u kala mu kuia njila iê; jixibulu anga ji mu zukama, phala ku mu idikiza jinzu ja Tembulu.

Matesu 26:55

Kithanganʼokio Jezú anga u ambela o mundu eza mu ku mu kuta, uixi: Kífua enu mua tundu ni jixibhata ni jimbangala mu ku ngi kuata, kala ngi kifumbe? Nga xikamene izuua ioso mu Tembulu ni kulonga, maji ki mua ngi kuata.

Luka 19:47

Izuua ioso Jezú anga u kala mú longa mu Tembulu. Makota ma jinganga-phe, ni asoneki, ni adiakimi ku mundu, a mu kanena ku mu jibha.

Luka 20:1

Kizuua kia mukuá mu izuua muenhomo, kioso ki ala Jezú mù longa athu mu Tembulu, ni ku a tangela o Njimbu Iambote, makota ma jinganga ma tukulukila-bhu ni jimesene ja kulonga o kitumu, ni adiakime ku mundu.

Jipoxolo 4:7

O atumini kia zubha ku bhaka o jipoxolo bhu ʼaxaxe kâ, a ebhula, exi: Enu imʼ iíi, mua i bhange kiebhi? O kubhanga kiki, mua ki bhange ni kutena kuahi, mba mu dijina dia nanhi?

Jipoxolo 7:27

Iú-phe, ua kexi mu bhanga mukuâ o usueia, u mu baula, uixi: Eie nanhi ua ku bhange kukala u dikota dia ku tu fundisa etu?