Matesu 21:10 - O Mikanda Ikola

¹⁰ Kia zubha kutula mu Jeluzaleme, mbonge ioso i salumuka, exi: Nanhi muenhú?

Matesu 21:10 ပူးပေါင်းရင်းမြစ်များ

Mukumbi ua Mikumbi 3:6

Kiki kima kiahʼiki, ki tundila mu kikangalakata kala mufundangala ua dixi, diezala ni uasu ua dizumba, ni ua sumuna ni ua libana ni fufuta ioso i bhana dizumba dia mbote iene mu funa o jingenji?

Izaía 63:1

Mukuahi-ú u tunda ku Idomo, ni izuatu iedi kiki nguí, ua tundu ku Bozola? Ua kembe kiki ni kizuatu, kia kijingo? Ua mu kuenda ni nguzu iê ioso: Eme-muène ngi zuela ni kuiuka, ngi dizonda mu ku bhulula.

Matesu 2:3

Helode-phe, ki evu kiki, u tangalala, kia mu bhonzo ni Jeluzaleme ioso kiá.

Matesu 21:11

Kuala mundu, exi: Muène polofeta, Jezú mukua Nazalé ku Ngalileia.

Matesu 21:9

O mundu iú ua tuamenena, ni iú ua mu kaiela, anga a dikola, exi: Hozana Monʼa Davidi! A tane-ku ueza mu dijina dia Ngana! Hozana ku Diulu!

Luka 20:2

Anga a mu zuelesa, exi: Tu ambele hanji; eie kijingu kiahi ki uala na-kiu, mu kubhangesa o im ʼiii? Nanhi ua ku bhana o kijingu kienhiki?

Luka 5:21

Jimesene ja Kitumu ni jifalizeu anga a kuata kudiodia mudiá, exi: Nanhiʼú u tanga o isunji ia difu kiki? Kana-ku dingi muthu u tena kuloloka ituxi, kikale Nzambi ngó ubheka uê!

Luka 7:49

Ene a xikama-nê ku meza, anga a kuata ku di ambela moxi, exi: Nanhi muenhú, katé ni ituxi u i loloka?

Luka 9:9

Helode anga u zuela, uixi: Nzuá eme nga mu batuisa o mútue; o iú-phe nanhi ngala ku mu ívua ni ima ioso iíi? Anga u sota kudimona-nê.

Nzuá 2:18

Bhenbhobho Jijudé anga ji kuata kuzuela-nê, exi: Eie uidikiza kisuma kiahi, phala ku tu londekesa kuila eie uala ni ungana ua kubhanga imbamba iíi?

Jipoxolo 9:5

Kuala muène: Eie nanhi, Ngana? Uixi: Eme Jezú, ualu ngi zukutisa! Maji uala kutala ngó hadi, mu kubhana jipondapé ku jisongo.

Lute 1:19

Kienhiki anga ela kumoxi kiiadi kiâ, katé kia bhixila mu Beleme. Anga ki bhita kuila, kia zubha-phe kutula mu Beleme, dibhata dioso di salumuka mukonda diâ, ahatu anga a di ambela mudiâ, exi: Manhi ki muenʼiú Nouemi?

I Samuuele 16:4

Samuuele anga u bhanga kioso kia mu ambela Jihova, u iza bhu Beleme. Adiakimi a bhata anga eza kutakana-nê ni kuteketa, exi: Ki uezʼiki ueza ni paze?