Matesu 20:8 - O Mikanda Ikola

⁸ Kutula mu ngoloxi, mukua mulenga uambela kaxelu kê, uixi: Ixana o jingunza, u a bhane o futu iâ. U matekena kua ió a sukidila kubokona, o ió a diangele kubokona a kaiele kuema.

Matesu 20:8 ပူးပေါင်းရင်းမြစ်များ

Dimatekenu 15:2

Mbalamu anga u zuela, uixi: Ngana tata, u Jihova, kima kiahi ki uanda ku bhanga? Kuma ua ngi mono ngala kuenda ngó kienhiki ki ngi moneka mona, ua ngi tambuila konda ia dibhata Eliiezele iú, mukua Damasku.

Dimatekenu 43:19

Anga a zukama kua kimbadi kiaʼnzo ia Zuze, a mu zuelesela bhu kanga, bhu muelu,

Ijila 19:13

Mukuenu kana ku mu bhondeleka, mba uenda ni ku mu nhana imbamba iê; o futu ia ngunza, kana ku i bhaka ni ikala nʼeie katé mungu ki kúkia mu kimene.

Matesu 20:7

Exi: Mukonda kana-ku muthu ua tu kase. Kuala muène: Ndenu uenu ku mulenga uami.

Matesu 20:9

A bokuene ku ola ia kakuinhi ni kamoxi, anga a a bhana kala muthu denádia.

Matesu 25:19

Kuila thembu ia lebha kiá, mukua jiselevendeʼojo uiza, anga u bhanga-nâ jikonda.

Matesu 25:31

Mu kuzubha maka Jezú uixi: Kià keza Monʼa Muthu-phe, ni ungana uê, kumoxi ni ji-anju joso, ua kà xikama ku kialu kiê kia ungana.

Luka 10:7

Hé mu kala mʼonzo muenhomo, ioso ia mi bhana, iene i mu dia, i mu nua. Mukonda o mukalakadi ua fuama o nganhu iê. Ki mu kale mù kuila mu tunda inzu, mu bokona inzu.

Luka 12:42

Ngana Jezú, uixi: Nanhi-phe o kimbadi kia mukua kidi, mukua kilunji? Muenhó, ngana iê ua mu bhake ku pholo ia abhikʼê, ni a a bhane kúdia kuâ mu ji-ola ja tokala.

Luka 8:3

ni Nzuana, mukaji a Kuza, kimbadi kia Helode, ni Suzana, ni a mukuá avulu, anga a kala ku mu kuatekesa ni jimbongo jâ.

II Kolindo 5:10

Kuma etu ene oso tua bhingi hadia tu tukulukila bhu kibhuna kia Kristu phala ku tu fundisa kuala muène. Kala muthu phala a tambule kioso kia fuama mu imbamba ioso ia bhanga jinga ku mukutu, kixi iambote, kixi iaiibha.

Matendelelu 24:15

Izuua ioso inda ua mu futu o nganhu ie ia lelu, kuile uixi dikumbi kiluua di tula; xinganeka-ze, kuma muene mukua-hadi, o muenhu uê ua dielela ngó bhene bhua kalakalʼabha. Mu bhe-phe, phala ka di tende kua Jihova, ni ki di bhange kituxi kié.

Tito 1:7

Kuma bispo u bhinga ka kala ni kuêla, mbata muène dikota dia Ngeleja, muingi ua dibhata dia Nzambi. Ka kale ni izala, ka kale muthu u thathamana, ka kale mukua jimvunda, mba muthu u uabhela kunua vinhu, mba mukua kubeta. Ka kale ni luimbi lua nganhu iaxidi.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

I Phetele 4:10

Muthu uoso uhete uê ua tambula kua Nzambi a u kumbidile mudienu, kala mufuni ua mbote ua kiadi kia Nzambi kia vula o matelu phala mbote ue ia akuâ.

Lute 2:6

Selevende uala mu kalakesa jingunza, u vutula, uixi: Muene kilumba mukua Mouabhe, uejiia kumoxi ni Nouemi kia tundu ku Mouabhe.