Matesu 20:2 - O Mikanda Ikola

² Amukuá, kia di xikana-nâ mu kizuua denádia, kizuua denádia, kala kiene o kífua kiâ, u a tuma ku mulenga uê.

Matesu 20:2 ပူးပေါင်းရင်းမြစ်များ

I Jisobha 18:12

Hé ngiia ngi ta-ku dikunda, eie kunu Nzumbi ia Ngana ia kuambata anga i ku bheka kuma ki ngʼejiia-ku, o kioso ki ngi tudila Akabe njimbu, muene anga u kamba ku ku sanga, u ngi jibha. Nguami, kuma eme ngi mubhikʼé-phe, ngi mukua uoma ua Jihova tunde mu undenge uami.

II Malunda 34:3

Mukonda o kioso kia bhixila mu muvu ua kanake ua utuminu uê, kioso kiala hanji mona-ndenge, kiene kia mateka ni kusota o Nzambi ia tatʼâ Davidi; o kia tula mu muvu ua kakuinhi ni kiiadi, kiene kiá kiandeka o kuzelesa Juda ni Jeluzaleme ku matala ni ku mixitu ni ku iteka ia kusonga ni ia kuzunza.

Ndongixi 12:1

Mu izuua ia unzangala ué, lembalala Ió uoso ua ku bhanga, kiosuʼiki o izuua iaiibha kiluua i bhixila, anga kuiza o mivu ia ku bhingi kuila, uixi: Mu mivu iii ki ngala-mu dingi ni kusanguluka.

Matesu 18:28

Selevendeʼ oio-phe u tubhuka, u sanga selevende ni mukuâ ua mu di dikongo dia hâmʼ a denádia. Anga u mu kuata, u mu xina bhu xingu, uixi: Dikongo diami futa-diu!

Matesu 20:1

Kuma Utuminu ua diulu ua difangana ni muthu, mukua dibhata, u tunda mu kimene mu kukasa jingunza aia ku mulenga uê.

Matesu 20:13

Muène anga u vutuila-bhu muthu mudiâ, uixi: Kamba, eie ki bhuala bhu nga ku fumbila. Eie kua ngi xikanene mu kizuua denádia?

Matesu 20:3

Ku ola ia katatu anga u tunda dingi, u sanga amukuá ala ku di nanga bhu kitanda;

Matesu 20:9

A bokuene ku ola ia kakuinhi ni kamoxi, anga a a bhana kala muthu denádia.

Matesu 22:19

Kitadi kiene kia lubhaku, ngʼidikienu na-kiu. Anga a mu tambuisa denádia.

Matesu 9:37

Muène anga u ambela jixibulu jé, uixi: O mábhia ma nzungule muene, akalakadi-phe a tolo.

Marku 12:15

Muène-phe kuma uejiia o makutuʼa, uixi: Mu ngi bhombela-hi, phala ku ngi kuata mu kizuelu kiami eme-muène? Ngi tambuisienu denádia, ngi di mone.

Luka 1:15

Mukonda muène u kala kota dia muthu bhu pholo ia Ngana, ka kà nua vinhu, mba kúnua kuoso-kuoso ku kodiuisa; hé uizala-phe ni Nzumbi Ikôla, tunde kiá mu divumu dia mamʼá.

Luka 10:35

Ki kuákie, u nomona iphaka iiadi ia phalata, u i bhana mukua-kijima, uixi: Mu tambule konda. O kioso dingi ki u texi, ki ngʼiza ngi ku fute-kiu.

Luka 20:24

O kídifua kiki, ni kusoneka kuku kuala-ku, kua nanhi? Exi: Kua Sézalu.

II Timote 3:15

Mukonda eiemuène tundé undenge uejiia Mikanda Ikôla i tena ku ku ijidisa o kubhuluka, mu kuxikanʼoko kuene mua Kristu Jezú.

Dijingunuinu 6:6

Anga ngʼivua kala dízui dia mu tunda muʼaxaxe ka iama iuana ia muenhu, dixi: Kizongelu kimoxi kia tiliku mu kizuua kia muvimba ki kalakala o muthu, o sevada izongelu itatu mu kizuua kia muvimba ue ki kalakala o muthu. O mu maji-phe ni mu vinhu, kana kufungisa-mu kima kioso-kioso.

I Samuuele 2:18

Samuuele anga u kala mu xibhidila bhu pholo ia Jihova, hanji monandenge muene, ua zuata efodi ia linhu.

I Samuuele 2:26

Mona Samuuele anga uia ni kukula, ni kuuabhela Jihova, ni kuuabhela ue athu.

I Samuuele 3:1

Mona Samuuele anga u kala mu xibhidila Jihova bhu pholo ia Eli. Kizuelu kia Jihova ki kia vudile ku kʼivua mu izuuʼomo; kana-ku ue kisukila kia di monekena jinga luavulu.

I Samuuele 3:21

Jihova anga uenda ni kumoneka jinga dingi mu Silo; kuma Jihova ua di tukuluila jinga kua Samuuele, mu kizuelu kiê kia mu zuelesa jinga na-kiu Jihova muene.