Matesu 20:1 - O Mikanda Ikola

¹ Kuma Utuminu ua diulu ua difangana ni muthu, mukua dibhata, u tunda mu kimene mu kukasa jingunza aia ku mulenga uê.

Matesu 20:1 ပူးပေါင်းရင်းမြစ်များ

Matesu 13:24

Jezú anga u a tela kifika kiamukuá, uixi: Utuminu ua Diulu ua dufangana ni muthu u kuua jimbutu jambote mu díbhia diê.

Matesu 13:31

Anga u a tela kifika kia mukuá, uixi: Utuminu ua Diulu ua Difangana ni lumbundu lua mbutu ia mustarda, muthu ua lu katula, anga u lu kuna mu díbhia diê.

Matesu 13:33

Anga u ambela kifika kia mukuá, uixi: Utuminu ua Diulu ua difangana ni kithûthume, a ki katula kuala muhatu, anga u ki sueka mu izongelu itatu ia fuba, katé iene ioso ia futunuka.

Matesu 13:47

Luamukuá dingi, Utuminu ua Diulu ua difangana ni uanda, a u takula mu menha, anga u kuata jimbiji ngó joso-joso.

Matesu 20:2

Amukuá, kia di xikana-nâ mu kizuua denádia, kizuua denádia, kala kiene o kífua kiâ, u a tuma ku mulenga uê.

Matesu 21:28

Jezú anga u tona ku a kumbulula, uixi: O kiki mua fika-phe kiebhi? Diiala dia kexile ni ana kiiadi. Anga uiza ku dikota, uixi: Mona, ndeie lelu ku kalakala ku mábhia metu.

Matesu 22:2

Utuminu ua diulu ua difangana ni sobha ia bhangele fesa ia ukaza ua monʼê.

Matesu 23:37

Uaué! Jeluzaleme, Jeluzaleme tata! Ua bhingi jipolofeta u ji jibha, akunji a tuma Nzambi ko-kué, éʼ u a bûba ni matadi! Lukuxi luosʼulu lu ngandalele kubhongolola anʼé kumoxi, kala sanji ki i bhongolola tuana tuê moxi a mabhabha, enu-phe nguenu!

Matesu 25:1

Kienhokio Utuminu ua Diulu ua kà di fangana ni kuinhi dia ilumba, ia katula tundeia tuâ, anga i tunda mu kauidila ngà-iala.

Matesu 25:14

Mbata Utuminu ua Diulu ua di fangana ni muthu ua-nda kuia oxi iengi. U ixana jiselevende jê, anga u ji bhana kutambula konda ia jimbongo jê.

Matesu 3:2

Dielenu! muehe o ituxi ienu, kuma utuminu ua diulu ua zukama.

Marku 13:34

Kia kela mukua ni muthu uaii mu uenji, kʼoxi iengi, u xa dibhata die, u lekela akua mbele, he u a uanena kala muthu ni kikalakalu kiê, o mukua muelu he u mu tuma o kulangidila.

Nzuá 15:1

Eme ngi muxi ua muvide ua kidi, o Tata iami muène kidimakaji.

I Kolindo 15:58

Uila kiki, enu phange jami, kolokotenu, ki mu toloke. Mu suine jinge mu kikalakalu kia Ngana, kabasa mua kʼ ijiia kuma Ngana se mua mu talela hadi, o hadi ki i kala ia ngó.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.