Matesu 2:4 - O Mikanda Ikola

⁴ O kia zubha kubhongolola jinganga joso ja makota ni jimesene ja kitumu, ua ebhudisa o Kristu mba u tokala ku mu vuala kuebhi.

Matesu 2:4 ပူးပေါင်းရင်းမြစ်များ

II Malunda 34:13

Anga a kala ue mu kutumina o jingamba ni oso a kexile mu ku a tumina ku kikalakalu kioso-kioso kia kubhanga; amoxi-mu ku jilevita a kexile asoneki, amoxi-mu jifixiiadi, amoxi-mu akua kilangidilu kia mabhitu.

II Malunda 34:15

Hilikiia anga u kumbulula, uambela Safane, o musoneki, uixi: Divulu dia kitumu nga di bongela mʼonzo ia Jihova. Anga Hilikiia u tambuisa o Divulu kua Safane.

II Malunda 36:14

O atumini oso mu jinganga ni kifuẋi ene a kexile mu kuvudisa dingi ni dingi muene, o itondalu mu ku kaiela o maufusa moso ma matumbu; anga a kasanesa o inzu ia Jihova iala mu Jeluzaleme, ia zelesele kiá kuala Jihova muene.

Ejidala 10:5

Ejidala bhenhobho hé u balumuka, anga u lokesa makota moso ma jinganga, ni jilevita ni Izalaiele ioso kuila a bhanga muene kala kiambe maka eneʼá; ene anga a loka muene.

Ejidala 7:6

Ejidale muenhú anga u banda, ua tundu ku Babilónia. Muene anga u kala musoneki ua di longo kiavulu mu kitumu kia Mozé kia bhele Jihova, Nzambi ia Izalaiele. Muene-phe ue, mukonda dia lukuaku lua mbote, lua Jihova Nzambi iê, lua mu kexile ku thandu diê, sobha ua mu bhana ioso muene ia mu bhingile.

Nehemiia 12:7

Salu, Amoke, Hilikiia, ni Jedaia; mala iá ene a kexi mu tumina jinganga ni akuá, o jiphange jâ, mu izuua ia Jesuua.

Jisálamu 2:2

Jisobha mu ngongo ja di bhongolola, makota ma di longesa jindunge, phala ku kitukila Jihova, ni muthu uê ua mu undu ni maji.

Jelemiia 8:8

Muila kiebhi-phe: Etu tua dimuka, o ngonge ia Jihova tuala na-iu? Talesa-ze, o pena ia makutu ia asoneki iala ku tala ngó hadi mu ku kalakala.

Malakiia 2:7

Mbata o mizumbu ia jinganga iene i bhaka o unjimu, o ngonge ia kidi athu a i sotela mu kanu diê; mukonda o nganga muene o mukunji ua Jihova dia Ilombo Ieta.

Matesu 13:52

Kuala muène: Uila kiki, mesene ioso u longa o Kitumu, hé u di bhanga xibulu ia Utuminu ua Diulu, u difangana ni tata ua tambula konda ia dibhata, u katula mu dilundilu diê ima ióbhe ni iókulu.

Matesu 2:3

Helode-phe, ki evu kiki, u tangalala, kia mu bhonzo ni Jeluzaleme ioso kiá.

Matesu 2:5

Ene a mu ambela, exi: Mu Beleme ia Judeia. Mbata kiene kia soneka o polofeta, uixi:

Matesu 21:15

Jinganga ja makota-phe ni jimesene ja kulonga o Kitumu, kia mono o madiuanu mala mu bhanga Jezú, ni anandenge ala kudikola mu Tembulu, exi: Hozana Monʼa Davidi! Njinda ia a kuata.

Matesu 21:23

Kia zubha kubhixila mu Tembulu, jinganga ja makota ni adiakimi ku mundu eza, a mu sanga iu longa, exi: Eie ungana uahi u uala na-u phala kubhanga imbambʼiii? Ungana iú nanhi ua ku bhana-u?

Matesu 26:3

Kienhókio jinganga ja makota, ni adiakimi ku mundu, a bhongoloka ku lumbu lua Nganga ia dikota, a mu ixana Kaiafa;

Matesu 26:47

Kioso Jezú kiala hanji mu zuela, talesa, Juda, umoxi ku kuinhi ni kiiadi u tula. Muene ueza ni mundu uavulu kumoxi, ambata jixibhata ni jimbangala, a a tumu kuala o jinganga ja makota ni adiakimi.

Matesu 27:1

Kukia ni kimene, jinganga ja makota joso ni adiakimi a Jijudé a bhongoloka mu tetulula kioso kia jibha Jezú.

Matesu 7:29

Mukonda muène ua a longo ni kijingu kia Ngana, ki kiene kiene kulonga jimesene jâ, jene ku a longa o Kitumu.

Marku 8:31

Anga u kuata ku a longa kuma o Monʼa Muthu u bhinga u bhita ku jiphaxi javulu; ni ku mu di tuna kuala adiakime a Jijudé, ni makota ma jinganga ni jimesene jene mu longa o Kitumu kia Nzambi. A-nda ku mu jibha, nʼa fukunuke mu kizuua kia katatu.

Luka 20:19

O jimesene ja kulonga o Kitumu ni makota ma jinganga, anga a sota ku mu ta maku kumbi dienhódio, maji ala ni uôma ua mundu, mukonda a mono kuma kifika kiki ua a tela-kiu ene.

Luka 23:10

Makota ma jinganga ni jimesene ja Kitumu emana bhenhobho, a suina ni ku mu tatela ima iavulu ia nguzu.

Nzuá 18:3

Juda-phe ua tambula kiá kibuka kia masoladi ni jipudixa ku makota ma jinganga ni jifalizeu, anga eza bhenhabha ni jikandeia ni jisama ja túbhia ni jixibhata.

Nzuá 3:10

Kuala Jezú: Eie u mesene ia Izalaiele imʼiíi kífua ku ijiia?

Nzuá 7:32

Jifalizeu jevu athu mu kifuẋi ala mu ku di fuetela imʼiíi; makota ma jinganga ni jifalizeu, anga a tuma-ku masoladi ku mu kuika.

Nzuá 8:3

Mu kienhiki, Jimesene ja Kitumu ni jifalizeu, anga a mu bhekela muhatu a mu kuata mu kuta phànda. Anga a mu bhinjika kuimana mu ʼaxaxe ka kifuẋi.

Jipoxolo 23:9

Anga ki bheka jibuia javulu. Amoxi ku jimesene ja Kitumu, a tokala ku jifalizeu, emana, hé a zoka exi: Etu muthu iú ki tu mu mono ni kikuma. Sumba kuala nzumbi mba anju muene ia mu zuelesa!

Jipoxolo 4:5

Kúkia ni kimene, afundixi, ni adiakime ku mundu, ni jimesene jene mu longa o Kitumu, a di bhongolola mu Jeluzaleme.

Jipoxolo 6:12

Hé a salumuna o mundu, ni adiakime, ni jimesene ja Kitumu. Anga a sanga Xitevá, hé a mu kuata, a mu bheka bhu pholo ia Kionge kia Jitata.