Matesu 2:23 - O Mikanda Ikola

²³ Hé uiza, u tunga mu sanzala a ʼixana Nazalé phala ki bhite kia tangele polofeta, kuila a ka mu ixana kuma mukua Nazalé.

Matesu 2:23 ပူးပေါင်းရင်းမြစ်များ

Dialuilu 6:13

Kijila kia nazilé-phe kienhiki, izuua ia ku di lumba kuê se ia tena. A mu bheka bhu muelu ua balaka ia kutakanena;

Matesu 1:22

Kiene kiosuʼiki kiabhiti, o maka ma Ngana ni matenene, ma tangele kua polofeta, uixi:

Matesu 21:11

Kuala mundu, exi: Muène polofeta, Jezú mukua Nazalé ku Ngalileia.

Matesu 26:71

Kia tubhuka ku mbalanda-phe, kilumba kia mukuá u mu tongolola, anga u ambela athu ala-bhu, uixi: Ialʼú ue ua kexile ni Jezú dia Nazalé.

Marku 1:24

Etu tua kuata-hi ni eie Ngana, u Jezú dia Nzalae? Kífua eie ueza ku tu muanga? Eme nga ku ijiia muene kiambote! Eie u Muthu Ukola a ku tumikisa kuala Nzambi.

Marku 1:9

Anga ki bhita mu izuʼomo kuma Jezú u tunda ku Nazalé, ku Ngalileia, anga a mu batizala kuala Nzuá mu ngiji ia Njoloda.

Luka 1:26

Nzebele mu kuimita kuê, kia bhixila mu mbeji ia kasamanu, mukunji Ngabidiiele anga a mu tuma kuala Nzambi, ku sanzala ia Ngalileia, a ixana Nazalé.

Luka 18:37

Anga a mu ambela kuma Jezú dia Nazalé uala kubhita.

Luka 2:39

O kia zubha kubhanga ioso ia tokala mu Kitumu kia Ngana, Zuze ni Madiia a vutuka ku Ngalileia, mu sanzala iâ ia Nazalé.

Nzuá 18:5

Exi; Jezú dia mukuá Nazalé. Jezú uixi: Emeʼú: Juda ue mukua kikutu, uemana-nâ kumoxi.

Nzuá 18:7

Jezú anga ua ebhudisa dingi, uixi: Mukua-hi muala ku mu sota? Exi: Jezú dia mukua Nazalé.

Nzuá 19:19

Pilatu anga u bhangesa mukanda, u tuma ku u tesa ku thandu dia dikulusu. O mukanda a u soneka mu dimi dia Judeia, ni dia Loma, ni dia Ngelexa (O Hebeleu, ni Latini, ni Ngeleku), exi: Jezú, Mukua-Nazalé, Sobha ia Jijudé.

Jipoxolo 2:22

Phetele uixi, dingi: Enu akua Izalaiele, tata, ivenu o makʼ ama: Jezú dia Nazalé muthu a mu jingisa mudienu kuala Nzambi ni ima ia kusuina, ni iphata, ni isumua, ia mu kalakesa Nzambi mu ʼaxaxe kenu, enʼuenu mua ʼijiienunu;

Jipoxolo 24:5

Kuma o diialʼ idi tua mu ijiia, ua di fangana dibhebhu. Muène mukua kukitukisa o Jijudé mu ngongo ioso, muenʼiú kihuende mu kisoko kia akua Nazalé.

Afundixi 13:5

Mukonda-ze, eie ua-nda kuimita, hinu u vuala monʼa diiala, mona-phe ua bhingi ki ku mu tula phoko ia bhutu ku mútue uê, mbata muene ua-ndu kala Nazilé ia Nzambi, a mu lumbila Nzambi tunde mu divumu dia mamʼâ; muene hinu ua kà kula Izalaiele bhu lukuaku lua akua Fidíxia.

I Samuuele 1:11

Anga u di hambelela, uixi: Jihova dia ifuẋi, se ni kidi kiene u ngi tala o kutata kuami eme ngi mubhikʼé, se u ngi ta muẋima, nʼu kambe ku ngi jimba eme ngi mubhikʼé, phala ki ngalʼiki ngi mubhikʼé u ngi bhane monʼa diiala, eme-phe ngi mu bhana kua Jihova izuua ioso ia muenhu uê, ki kua bhita phoko ia bhutu ku mútue uê.