Matesu 2:2 - O Mikanda Ikola

² A mu vuala, Sobha ia Jijudé, iu kuebhi? Mukonda théthembua iê tua i mono ku Thunda, etu tueza ku mu sambela.

Matesu 2:2 ပူးပေါင်းရင်းမြစ်များ

Jisálamu 2:6

Eme-phe, sobha iami nga muʼundu bhu kididi, ku mulundu uami ukôla ua Ziione.

Jisálamu 45:11

Muenexi ua ku solela o kuuabha kué kuavulu kinéne; di tambulule-nê, kuma muene muadi ué.

Izaía 60:3

Ni akua-jixi joso a kèndela ku mukengeji ué, o jisobha ue ja kèndela mu kubenha kua ku muikina.

Jelemiia 23:5

Jihova uixi: Talesenu, kua-nda kuiza izuua, Davidi nga kà mu balumuina Mbutu ia Iuka; kuma muene sobha, ua kà tumina hé u bhanduluka kiavulu, anga u bhanga ima ia tokala ubatuilu ua kidi ni uiukilu mu ngongo

Jelemiia 30:9

maji a kà bhikila Jihova, Nzambi iâ, ni Davidi, sobha iâ, nga-nda ku a balumuina-nê.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Dialuilu 24:17

nga mu mono, maji ki lelu; bhu nga mu muena, ki bhabha; kua kà tunda théthembua mua Jakobo ku kala mbasá muʼaxaxi ka Izalaiele, Mouabhe a ka mu beta mbandu ni mbandu, akua jimvunda a kà a xinina bhoxi, ana oso a Sete a kà a jikinisa

Matesu 2:3

Helode-phe, ki evu kiki, u tangalala, kia mu bhonzo ni Jeluzaleme ioso kiá.

Matesu 21:5

Monʼa Ziione, mu tangele, Sobha ié iu uiza, kindala u ku sanga; Ua belesela, uendela ku búlu, Monde iê seseme ia bûlu.

Matesu 27:11

Kiki Jezú uemana bhu pholo ia nguvulu, o nguvulu anga u mu ibhula, uixi: Eie u sobha ia Jijudé? Jezú ua mu kumbulula, uixi: Kiene muene. Eie ua kiambe.

Luka 19:38

A taneku, muenexi ueza mu dijina dia Ngana! Uembu ku diulu, fuma mu madimbinza mònene kua Nzambi!

Luka 2:11

Mbata lelu, mu sanzala ia Davidi, a mi vualela-mu Kibhamuenhu, muène Kristu, muène Ngana.

Luka 23:3

Pilatu anga u mu ibhula, uixi: Eiemuène u muenexiʼ a Jijudé? Muène u mu vutila, uixi: Eʼ muène ua ki ambe.

Luka 23:38

Ku thandu dia mútue uê, kukala kadibaia kòsoneke: Muenʼiú Muenexi ua Jijudé.

Nzuá 1:49

Natanaiele ua kumbulula, uixi: Mesene, eie u Monʼ a Nzambi! Eie Ngana, u sobha ia Izalaiele.

Nzuá 12:13

Bhenhobho a katula misoko, anga aia ku mu kauidila ni ku di kola, exi: Hozana! A tane-ku, uoso ueza mu dijina dia Ngana! A taneku, sobha ia Izalaiele!

Nzuá 18:37

Pilatu ua mu ambela, uixi: U sobha-phe! Inga kiebhi? Jezú ua vutula, uixi: Kiene! Eie-muène ua mu ki tanga, kuila ngi sobha. Eme o kuzuela o kidi, kiene kia ngi vualela, kiene ue ki ngʼejiia mu ngongo. Uoso ua xikana o kidi, uívua dízui diami.

Nzuá 19:19

Pilatu anga u bhangesa mukanda, u tuma ku u tesa ku thandu dia dikulusu. O mukanda a u soneka mu dimi dia Judeia, ni dia Loma, ni dia Ngelexa (O Hebeleu, ni Latini, ni Ngeleku), exi: Jezú, Mukua-Nazalé, Sobha ia Jijudé.

Nzuá 20:28

Tomé uetaiua, uixi: Ngana iami, Nzambi iami!

Nzuá 5:23

mbé oso nʼ a xile Mona, kala kia xila Tata. Uoso ua kambe kuxila o Mona, ni Tata ua mu tumu, ka mu xila.

Nzuá 9:38

Muène, uixi: Ngana, nga xikana. Anga u mu fukamena.

Jihebeleu 1:6

Kioso Nzambi kia tumikisa ue o Thungunu iê mu ngongo, uixi: O ji-anju joso ja Nzambi ji mu bheze.

Dijingunuinu 22:16

Eme, ngi Jezú, nga tumu anju iami ku mi bhana umbangi ua imʼiii mu jingeleja. Eme ngi lundânji, nga tokala ku luvualu lua Davidi. Eme ngi théthembua ia kubenha, i muika mu kimene.