Matesu 2:13 - O Mikanda Ikola

¹³ O Jinganga kia zubhile kuia, talesa, mukunji ua Ngana utukulukila kua Zuze, ku nzoji, uixi: Balumuka, u katule kamona ni mamʼâ, u lengele ku Ejitu; ua kale koko katé bhuoso bhu ngi ku ixanena. Mukonda Helode ua-ndu sota o Kamona, phala ku ka jibha.

Matesu 2:13 ပူးပေါင်းရင်းမြစ်များ

I Jisobha 11:17

Hadadephe hé ulenga ni muene ni mala amoximu a akua Edomo, a tokala ku akua mbèle ia tatʼâ, anga uia-nâ mu Ijito. Kienhokio kala Hadade-phe uala hanji kamunzangala ngó.

I Jisobha 3:5

Bhu Ngibiione bhenhobho Jihova anga u tukulukila Solomá, ku nzoji, mu usuku. Nzambi anga u mu ambela, uixi: Bhinga kioso ki uandala ki ngi ku bhana.

Jobe 33:15

O mu nzoji mba mu kisukila kia usuku, kioso kiza o mutouala-kilu ku thandu diʼathu, kuila a zeka bhu hama,

Jobe 33:17

Phala muthu u mu katula ku ioso ia sola kubhanga, ni ku mu bhulula ku ima ia ku di zangeleka,

Makatukilu 1:22

Falaó anga u tuma mundu uê uoso, uixi: Uoso monʼa diiala a mu vuala mu mu takula mu honga ia Nilo, o mona muhatu mu mu bhaka ni muenhu.

Matesu 1:20

Kia kexile hanji mu kubanza imʼiíi-phe, mukunji ua Ngana ua mu tukulukila ku nzoji, uixi: Zuze, monʼa Davidi, kukale ni uôma ua kutambula mukajiʼê Madiia. Mbata o mona a mu imita moxi diê, mona ua Nzumbi Ikôla.

Matesu 10:23

Ki a mi kaiesa mubhakabhaka mu mbonge imoxi-phe, enu lengelenu ku mbonge ia mukuá. Ngi mi tangela kidi, kuila: Jimbonge ja Izalaiele ki mua kà zubha luua ku ji enda, bhuà kejiia Monʼ a Muthu.

Matesu 2:12

Mukonda Nzambi ua a dimuna ku nzoji, kuila kua Helode kaii-ku dingi, ela njila iengi, anga a vutuka kʼoxi iâ.

Matesu 2:14

Muène anga u balumuka, Ukatula o Kamona ni mamʼâ mu usuku, anga uia mu Ejitu.

Matesu 2:16

Kiki Helode, kia mono kuila jinganga ja mu tobhesa, njinda i mu vula kinéne, anga u katula, u tuma kujibhisa mu Beleme ni mabhata mê moso, o tuana tuoso tua mala tua kuata kiá mivu iiadi, ni ndenge jâ. Kífua ua fikisa mu thembu ia diangele kuibhudisa kiambote o jinganga.

Matesu 2:22

Kia kʼivu-phe kuila Alakelau ua hingi ungana ua Judeia bhu kididi kia tatʼâ Helode, uôma u mu kuata ua kuiaku. Kuma a mu dimuna ku nzoji, uela njila iengi katé mʼoxi ia Ngalileia.

Jipoxolo 10:22

Ene a vutula, exi: Kabhitangu Koloneliu muene ua tu tumu. Muène mubhezi a Nzambi, muthu uaiuka, u xila Nzambi, a mu tumbula ue kiambote kuala akua ʼxi ioso ia Jijudé. A mu longesa kuala anju ia Ngana, o ku ku tuma eie kuiza ku onzo iê, eie u mu tangele maka.

Jipoxolo 10:7

Kia zubha anju ia mu zuelesa kutunda-bhu, muène uexana mala aiadi ku akua mbele, ni disoladi dimoxi. O disoladi iú, mubhezi, muthu ua ujitu kua ió ala ku mu sedivila jinga.

Jipoxolo 12:11

Phetele kia zubha kuphaphumuka, uixi: Kindala nga kʼ ijiia kiá kuma ku luelu muene ni kidi! Ngana ua tumu o anju iê, ua ngi kudila bhu maku ma Helode, iú ua kakula mundu ua Jijudé, ku kioso kiambele ku ngi bhanga.

Jipoxolo 12:7

Talesa-phe, bhu mbandu iê bhu imana anju ia Ngana, mu kaleia mu di muika mukengeji. Anju anga i bhana Phetele huxi mu jimbanji, u mu phaphumuna, uixi: Lenguluka, u balumuke! Malubhambu mê anga ma mu zuluka mu maku.

Jipoxolo 16:36

Kasalelu anga u ki jimbuila Phaulu, uixi: Jixefe ja tumu ku mi eha. Ndokuenu mu suluke ni paze.

Jipoxolo 5:19

Maji mu usuku uenʼió Mukunji ua Ngana-phe u jikula o mabhitu ma kaleia, hé u bheka Jipoxolo ku kanga, anga ua ambela, uixi:

Jipoxolo 7:19

Sobha muenʼiú anga u dimukina muiji uetu, u bhanga jitata jetu usueia, hé u a bhangesa kutexi tuana tuâ, phala ka kole muenhu.

Josuué 3:13

Mua-ndu mona ki ki bhita, makànda ma jinganga oso ambata álaka ia Jihova, muene Ngana uavu ixi ioso, ela a tula ngó mu menha ma Njolodá, menha ma Njolodá ma kà batuka, o menha ala kutunda ku thala a di lunjika mulundu.

Josuué 3:17

Jinganga-phe ambata álaka ia kikutu kia Jihova, anga emana ku mavu abhu menha mu kaẋi ka Njolodá, akua Izalaiele oso anga a zaukila ku mavu akukuta, katé kifuẋi kioso ku sámbua kuku a bhu-ku, hé a tenena ku sámbua koko.

Josuué 4:10

O jinganga ambata álaka anga emana mu kaẋi ka Njoloda, bhoxi dia kukuta, katé kia zubha kubhanga ima ioso ia tumu Jihova kua Josuué, ku iambela kifuẋi kala Mozé kia iambelele Josuué. Kifuẋi anga a bhanga lusolo, katé ene oso kia zaúka.

Josuué 4:18

Mu ku ki bhanga-phe, jinganga ambata álaka ia kikutu kia Jihova, kiedi a zaúka, mu kaẋi ka Njolodá a tundu-mu, inama iâ anga i tula ku mukáu kua kukuta, menha a Njolodá a vutuka dingi ni ku kunguluka mu honga iê; ni sámbua ni sámbua diezala dingi kala kia kexile.

Dijingunuinu 12:14

Muhatu anga a mu bhana mabhabha maiadi ma holokoko ia dikota, phala a bhite bhulu katé mu kikangalakata bhu kididi kiê, bhua mu dikila mu thembu, ni jithembu, ni kaxaxe ka thembu, phala a suamene o pholo ia Kinhoka, kʼaie dingi ni ku mu asa.

Dijingunuinu 12:4

Ni mbônde iê, anga u koka mbandu ia katatu ia jithéthembua ku diulu, hé u ji lauila mu ngongo. Mudikixi anga uimana bhu pholo ia muhatu ua-nda kudisanza, phala kia zubha kudisanza, monʼê a mu die.

Dijingunuinu 12:6

O muhatu anga u lengela mu kikangalakata, mua kala o kididi kiê kia mu iudikila Nzambi. Hé a kala mu ku mu dikila kuenhoko mu midi ia kizuua ni hama jiiadi ni makuinhi a samanu.