Matesu 2:12 - O Mikanda Ikola

¹² Mukonda Nzambi ua a dimuna ku nzoji, kuila kua Helode kaii-ku dingi, ela njila iengi, anga a vutuka kʼoxi iâ.

Matesu 2:12 ပူးပေါင်းရင်းမြစ်များ

Dimatekenu 31:24

Nzambi anga uiza kua Labano, mukua Sídia, ku nzoji mu usuku, uixi: Aiuka kioso ki ua-nda kubhanga, Jakobo kana kuzuela-nê kiauabha mba kiaiibha.

Makatukilu 1:17

O avuadixi-phe ala ni uoma ua Nzambi, kia a tumu muenexiʼa Ijitu ka ki bhange, maji anʼa mala a a bhaka ni muenhu.

Daniiele 2:19

Bhenhobho Daniiele a mu tukuluila o kijinganuʼiki mu kisuma kia usuku; Daniiele bhenhobho u kala mu ximana Nzambi ia diulu!

Matesu 1:20

Kia kexile hanji mu kubanza imʼiíi-phe, mukunji ua Ngana ua mu tukulukila ku nzoji, uixi: Zuze, monʼa Davidi, kukale ni uôma ua kutambula mukajiʼê Madiia. Mbata o mona a mu imita moxi diê, mona ua Nzumbi Ikôla.

Matesu 2:13

O Jinganga kia zubhile kuia, talesa, mukunji ua Ngana utukulukila kua Zuze, ku nzoji, uixi: Balumuka, u katule kamona ni mamʼâ, u lengele ku Ejitu; ua kale koko katé bhuoso bhu ngi ku ixanena. Mukonda Helode ua-ndu sota o Kamona, phala ku ka jibha.

Matesu 2:19

Kuila Helode uafu-phe kiá, mukunji ua Ngana u tukulukila kua Zuze ku nzoji mu Ejitu, uixi:

Matesu 2:22

Kia kʼivu-phe kuila Alakelau ua hingi ungana ua Judeia bhu kididi kia tatʼâ Helode, uôma u mu kuata ua kuiaku. Kuma a mu dimuna ku nzoji, uela njila iengi katé mʼoxi ia Ngalileia.

Matesu 27:19

Kioso ue kia xikama Pilatu bhu kibhuna kia kufundisila, mukajiʼê u mu tumikisa njimbu, uixi: Muthu ió kala ni kituxi, eie kana ku di ta mu mulonga uê; kuma ku nzoji lelu nga mono phaxi iavulu mukonda diê-muène.

Luka 2:26

Muène-phe a mu ijidisa-kiu kuala Nzumbi Ikôla, kuma ka-nda kúfua katé kia mona Mesiia, Kristu ia Ngana.

Jipoxolo 10:22

Ene a vutula, exi: Kabhitangu Koloneliu muene ua tu tumu. Muène mubhezi a Nzambi, muthu uaiuka, u xila Nzambi, a mu tumbula ue kiambote kuala akua ʼxi ioso ia Jijudé. A mu longesa kuala anju ia Ngana, o ku ku tuma eie kuiza ku onzo iê, eie u mu tangele maka.

Jipoxolo 4:19

Kuala Phetele ni Nzuá-phe: Enuenu xinganekenu kioso kia iuka-bhu bhu pholo ia Nzambi: O ku mʼ ívua enu, mba kuívua Nzambi? Tongololenu-kiu!

Jipoxolo 5:29

Phetele-phe ni Jipoxolo a vutula exi: Tua bhingi tu tumaka Nzambi, kana athu.

I Kolindo 3:19

Kuma o unjimu ua mundu iú, kua Nzambi uene o uoua. Kiene kia ki soneka mu Mikanda Ikôla, exi: Jinjimu, Nzambi u ji kuatela mu kudimuka kuâ.

Jihebeleu 11:7

Kiejila mu kuxikana, Noué kia mu dimuna kuala Nzambi, ku ima ianda kubhita, o iene kiluua i moneka. Noué anga u tumaka Nzambi, hé u tunga álaka, ia mu bhulula muène ni akua bhata diê. Mu kubhanga kiki anga u belesa o mundu uoso, hé u tambula kua Nzambi o kuiuka kuijiia mu kuxikana.

Jihebeleu 8:5

O sedivisu iene mú bhanga o jinganga jiji iala ngó idifua, mba ilembeketa ia ima iene mu diulu. Kiene Nzambi ki ambela Mozé. Kioso muène kia kala mu kuiudika o balaka Nzambi u mu dimuna, uixi: Talesa, ima ioso ki u i bhanga, o ulungu uê (o kidifuanganu kiê) u kala kala u nga kuidikisa ku mulundu.