Matesu 19:5 - O Mikanda Ikola

⁵ Iú uambe, uixi: Mukonda dia kiki, diiala dixa tatʼâ ni mamʼâ, hé u di kuatenena kua muhatuʼê. Ene kiiadi kiâ anga a kala xitu imoxi.

Matesu 19:5 ပူးပေါင်းရင်းမြစ်များ

Dimatekenu 34:3

Muxima uê anga u naminina kua Dinah, monʼa Jakobo ua muhatu, u zola kilumba kienhiki, o kia mu mono ua luuala, u mu zuelesa ni henda.

II Samuuele 1:26

Kia ngi kate, phangʼiami Jonata, tata! Uthu u ua ngʼidikiza jinga ua vulu; henda i ua ngi kuatelele ia madiuanu! henda ié ia tundu o henda ia ahatu.

I Jisobha 11:2

O akua jixi joso ja kidikile Ngana ku anʼa Izalaiele, kuma; Enu ki mua ka bokona mu kusakana ni ahatu ió, o ene ua ka ka bokona mu kusakana ni ahatu ko kuenu; sumba a kà diangula mixima ienu nda mu kaiele o jinzambi jâ. Ahatu iá-phe Solomá ene a sakanene-nâ mukonda dia ku a uabhela kinéne.

Jisálamu 45:10

Tala kunu, monʼa kilumba, ivua-ze ngi ku fuetele, bhana mátui nda u xinganeke; jimba-ku kiá lelu ku jindandu jé, ku bhata dia tatʼenu ku te-ku dingi muẋima.

Jisálamu 63:8

Muẋima uami ua ku nhenganana muene; o lukuaku lué lua dilu, luene lua ngi fikidila.

Malakiia 2:15

Nzambi muene ka bhange dikaza dimoxi ngó? Nzambi ki muene uala ni nzumbi ia di xala? Mukonda diahi ua bhange dikaza dimoxi ngó? Ua kexi mu sota mbutu i mu xila. Kala kiki, alukenu mu miẋima ienu; ki bhu kale muthu uxa muhatuʼê ua unzangala nʼaii mu kusota muhatu uengi.

Matesu 19:6

Kienhiki ene kala dingi kiiadi, maji xitu imoxi kiá. Ioso-phe ia bandeka Nzambi, ki bhu kale muthu u i uanununa.

Loma 12:9

O henda ki i kale ia kádia. Iaiibha mu i lenga, iauabha mu i naminina.

I Kolindo 6:16

Inga ki mu kʼ ijiia kuma o diiala uoso u di banda ni kidianzunga u di bhanga-nê mukutu umoxi? Kuma a ki soneka mu Mikanda Ikôla, exi: Ene kiiadi kiâ a kala xitu imoxi.

I Kolindo 7:2

Mukonda-phe dia kuila sai-ku undumbu uavulu, inda kala diiala di kala ni muhatuʼê, kala muhatu u kala ni muadi uê.

I Kolindo 7:4

O muhatu ka di vu dingi kukutu uê-muène, kuma mukutu uê ua tokala kiá o diiala. Kiene kimoxi ue o diiala, ka di vu dingi mukutu uêmuène, mukonda o mukutu uê ua tokala kiá o muhatu.

Efezo 5:31

Kala ki ambe o Mikanda Ikôla, kuila: Mukonda dia kiki, kiene ki bhekela o diiala di xia tatʼâ ni mamʼâ, hé u di banda ni muhatuʼê; ene kiiadi kiâ anga a biluka xitu imoxi.

Matendelelu 10:20

Endenu-phe ni kuxila Jihova Nzambi ienu, muenda jinga ni ku mu bhikila muene ngó, mu jijidienu muene ngó; o ki muila mu loka, lokelenu mu dijina diê-muène ngó.

Matendelelu 11:22

Xi! Mbata se mua kuata muene muanu ua kubhaka kiambote o jingonge josuʼiji ji nga mi tendelela ku ji langa, anga mu zola Jihova Nzambi ienu, ni kuenda jinga mu njila iê ni kitongola kioso,

Matendelelu 4:4

Maji-phe, enu mua di bandeka ni kitongola kua Jihova Nzambi ienu, enuʼenuoso katé kiki enuʼenú hanji ni muenhu.

I Samuuele 18:1

Bhenhobho anga ki bhita kuila, kia zubha Davidi kuzuela ni Saúlo, muẋima ua Jonata u takana ni muẋima ua Davidi, Jonata anga u zola Davidi kala kia di zolo muene.

I Samuuele 25:43

Davidi ue anga u bhenga dingi Akinoama mukua Jezeleele; ene oso kiiadi kiâ anga a kala akajiʼê.