Matesu 19:16 - O Mikanda Ikola

¹⁶ Talesa, ku mu tukulukila muthu, uixi: Mesene ia mbote, eme ngi bhanga mbote iahi, phala ngi mone o muenhu ki uabhua?

Matesu 19:16 ပူးပေါင်းရင်းမြစ်များ

Daniiele 12:2

Ndumba ia athu ió aia ku kilu mu fufuta ia mavu ma ʼxi, a kà fukunuka, amoxi a kʼàia ku muenhu ki uàbhua, amukuá a kʼàia ku kididi kia phaxi, kuà kala o sonhi ni lusebu lu nangenena.

Matesu 19:15

Muène anga u tula maku mê ku thandu diâ, anga u tunda-bhu.

Matesu 19:26

Jezú ua exi suí, anga u zuela, uixi: Ku athu ki ki xikina; kua Nzambi-phe iene ioso i xikina.

Matesu 19:29

Uoso ue u-xa jinzu, mba jiphange ja mala, mba jiphange ja ahatu, mba tata, mba mama, mba muhatu, mba ana, mba jixi, mu henda ia dijina diami, ioso ia-xi i mu vutukila luhâma, hé ua kà lundula ue ni muenhu ki uàbhua.

Matesu 25:46

Iá-phe a kàia ku phaxi ki iabhua, o iá aiuka, ku kuenhu ki uàbhua.

Nzuá 10:28

O mbudi jami ngi ji bhana o muenhu ki uábhua; ki ja kà fua dingi. Kana muthu ue u ji sumbununa bhu maku mami.

Nzuá 12:25

Uoso u zola o muenhu uê, ua-nda ku u texi. Maji uoso o muenhu uê ka u naminina kiavulu mu ngongʼ umu, ua-nda ku u bhakela o muenhu ki uábhua.

Nzuá 3:15

phala uoso u mu xikana muène, a kale ni muenhu ki uábhua.

Nzuá 4:14

Maji uoso u nua o menha mu ngi mu bhana, nuka a kala dingi ni dinhota. Mukonda menha mu ngi mu bhana, ma-ndu biluka fixi moxi diê, i fuáfua menha ma kalelà-ku ndú ku muenhu ki uábhua.

Nzuá 5:39

Enu muene mu kutanga mu madivulu ma Nzambi, mukonda mua fika kusanga muenhomo o muenhu ki uàbhua. O Madivulu enhó, jene-phe jimbangi jami jala ku ngi tanga eme.

Nzuá 6:47

Kidi, kidi, ngi mi ambela: Uoso u ngi xikana eme, u kala ni muenhu ki úabhua.

Nzuá 6:68

Ximá Phetele u vutula, uixi: Ngana, tuia kua nanhi? Eie-eie uala ni maka ma muenhu ki uâbhua.

Jipoxolo 16:30

Anga kiiadi kiâ u a bheka ku kanga, uixi: Enu jingana, eme ngi bhanga kiebhi mu kubhuluka?

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

Loma 5:21

Uila kiki, kala kia kexile kutumina o ituxi mu kufuisa, kiene kimoxi ki tumina o kiadi kia Nzambi, ni ki tu bheka ku muenhu, mua Jezú Kristu, Ngana ietu.

I Timote 1:16

maji o Nzambi-phe kiene kia ngi lolokela, phala ko kuami eme ngi dikota, Jezú Kristu edikize o kuxididika kuê kuoso kua ngi kala naku. Phala o kienhiki ki xalele mu kubhana kijimbuete kua enhó oso ku pholo a kènda ni ku mu xikana muène, nʼa tambule o muenhu ki uàbhua.

I Timote 6:12

ʼLua o ita iambote ia kuxikana, naminina o muenhu ki uabhue. Kuma kiene Nzambi kia kuixanena, kioso eie mu kuxikana kué ki ua fisalele bhu pholo ia jimbangi javulu.

I Timote 6:19

Mu kubhanga kiki, a kale mu lunda dimanenu diambote katé bhu thembu ia hàdia, phala kienhokio a tene kunganhala muenhu, uene o muenhu ua kidi.

Tito 1:2

Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.

Tito 3:7

Phale o ki tu zubha kulungila ku kiadi kia Nzambi muène, tu kale tu alundudi, tua dielela kutambula o muenhu ki uàbhua u tuala kukinga.

I Nzuá 1:2

O muenhu uenhú kioso ki ua tukuluka, etu tua u mona. Kiene kia tu bhekela o ku u bhela umbangi, etu tua mi tudila o Njimbu iê kuila o Muenhu ki Uàbhua, ua kexile kua Tata, kiki ua tu tukulukila.

I Nzuá 2:25

Kuku kuene o kukana Kristu kua tu kanena etuʼoso, kua ku tu bhana o muenhu ki uàbhua.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.

Juda 1:21

Phala mu suine ni ku di bhaka mu henda ia Nzambi, ni kukinga o kulenduka kua Ngana ietu Jezú Kristu katé kia mi bhana o muenhu ki uábhua.