Matesu 19:13 - O Mikanda Ikola

¹³ Anga a mu bhekela tuana tua ndenge, phala muène a te maku mê ku thandu diâ, ni kusamba. Jixibulu anga a a bazela.

Matesu 19:13 ပူးပေါင်းရင်းမြစ်များ

Dimatekenu 48:1

Mu kukala-phe, kia zubha kubhita ima iii, bhu kala uoso ua kundu Zuze, uixi: Tatʼenu iú kata; muene anga uia-ku, ni anʼê aiadi, Manasa ni Ifalaime.

Jelemiia 32:39

Anga ngʼa bhana ene oso muẋima umoxi, ni njila imoxi, nʼa ngi kuatela uoma izuua ioso, phala mbote iâ ene ni mbote ia anʼâ, a-nda ku a bhingana.

Matesu 16:22

Phetele anga u kuata ku mu funhisa, uixi: Lu ku suke, Ngana! Kienhiki ki ki ku bhite.

Matesu 19:12

Mukonda ima i fudisa kusakana iavulu, kuma sai-ku makudi kiene kiá ki eniâ, tunde mu ku a vuala kuâ; sai-ku iá a a bhangesa ku kala makudi kuala athu; sai-ku iá ene kiá a di bhangesa makudi, mukonda dia Utuminu ua Diulu. Uoso ua tena ku ki tambulula, a ki tambulule.

Matesu 20:31

O mundu anga a a bazela, phala a dixibhe. Ene-phe a suina dingi kinéne o mázui, exi: Tu kuatele henda, Ngana, u Monʼa Davidi!

Jipoxolo 2:39

Kuma o kizuelu kiê kia bhana, kia mi tokala enu, ni anʼ enu, ni oso ala ku makanga, oso kiá a kà exana kuala Nzambi, Ngana ietu.

I Kolindo 7:14

Kuma o diiala dia kambe kukala kidistá, a mu xikina kuala Nzambi mukonda dia kukala ni muhatu ua xikana; o muhatu ua kambe kukala kidistá, a mu xikina kuala Nzambi mukonda dia kukala mu umoxi ni muadi uê ua xikana. Hé ki kiene, anʼ enu ejù kala anʼ a matumbu a kambe kuijiia Nzambi. Maji o kiki-phe, ala anʼ a ngene a Nzambi.

I Samuuele 1:24

Kia zubha ku mu sumuna anga u banda ni mona, ni ngalote jitatu ja ngombe ja kiubha, ni kinda kia fuba, ni kisudi kia vinhu, anga u mu bheka ku inzu ia Jihova mu Silo; kienhokio kambonga kene, hanji ala monʼa uisu.