Matesu 18:31 - O Mikanda Ikola

³¹ Akuá-phe kia zubha ku ki mona, kia bhangʼ iki, kia a iibhila kiavulu. Anga eza kua ngana iâ, a mu tangela kioso kia bhiti.

Matesu 18:31 ပူးပေါင်းရင်းမြစ်များ

Dimatekenu 37:2

Didi diene o dilunda dia muiji ua Jakobo. Zuze kiala hanji mu kuinhi dia muvu ni sambuadi, u kala mu kuinga ibhaku ni jiphange jê; kuma muene ua kexi hanji monʼa ndenge, u kala kumoxi ni anʼa Bila ni anʼa Nzídipa, o akaji a tatʼâ; Zuze anga uia ni ku a tanga kua tatʼâ kuila ala mu bhanga kiaiibha.

Jisálamu 119:136

Kisoxi muene kiala ku ngi buabumuka mu mesu kala ngiji, mukonda dia athu kubhumina o ngonge ié.

Jisálamu 119:158

Ki nga mono ió a dianguka, eme kia ngi iibhila muene; mukonda ene ka mu kualuka o maka mé!

Jelemiia 9:1

Tamanu mútue uami ua bilukile menha, o mesu mami ma bilukile fiẋi ia masoxi! Kienhokio ngeju dila imbi ia kilumba kia mundu uami, muanha ni usuku.

Matesu 14:9

Muenexi anga u kenanana. Maji mukonda-phe dia kulôka kuê, mukonda ue dia iá a xikama-nê ku meza, u tuma ku mu bhana-u.

Matesu 18:28

Selevendeʼ oio-phe u tubhuka, u sanga selevende ni mukuâ ua mu di dikongo dia hâmʼ a denádia. Anga u mu kuata, u mu xina bhu xingu, uixi: Dikongo diami futa-diu!

Matesu 18:30

Muène-phe nguê! Hé uianê u mu tesa mu ʼaleia, katé a mu futu dikongo diadi.

Matesu 18:32

Ngana iê anga u mu ixana, uixi: Eie selevende ia kimi, u kísueia! Eme nga ku ehela dikongo diosuʼ odio, mukonda ua ngi dionda;

Marku 3:5

Muene ua exi suí, ene oso, ni dilamba ni njinda, mukonda kia mu iibhila o kukola kua kua muẋima, mbata nguâ-uâ ku tongolola, nʼejiie. Anga u ambela o diiala: Sunununa lukuaku. Muene kia lu sunununa, lukuaku lue lua disanze kala lua mukua.

Luka 14:21

Mubhika anga uiza, u tudila ngana iê ima ioso iíi. Kienhókio mukua dibhata, kuma njinda ia mu kuata, uambela mubhikʼê, uixi: Tunda malusolo, u bhite mu jinzunga, ni mu ikanzu ia mbanza, u ngi bhekele bhabha jingadiama, ni inema, ni ifôfo, ni atenguna.

Luka 19:41

Mu kuia mu kubhiẋila, u mona o mbanza, anga u i dila, uixi:

Loma 12:15

Sangulukenu kumoxi ni iá a sanguluka, dilenu kumoxi ni iá a dila.

II Kolindo 11:21

Nga mu ki zuela muene ni jisonhi javulu, mukonda dia kukamba o kusuina. Maji-phe se sai muthu u di fiiala kima kioso-kioso—nga mu zuelà kala ngi semenhi—eme uami ngi di fiiala-kiu.

Jihebeleu 13:17

Enió oso a mi kala ku pholo a tumakienu, mu itaie ioso ia mi mesena ku bhanga. Kuma ene a mi lange o mienhu ienu, mbata athu a bhinga hinu a kà ki bhela konda kua Nzambi. Se enu mu a tumaka, ene o kikalakalu a ki bhanga ni ngalasa, kuma se o kikalakalu a ki bhanga ni malamba, enu ki kala kima kia kuxixima kuenu.

Jihebeleu 13:3

Lembalalenu oso ala ku malubhambu, kala enu uenu a mi kuikila-nâ kumoxi. Lembalalenu oso ala ku tala hadi, kala enu uenu mualù tala-nâ hadi kumoxi.