Matesu 18:20 - O Mikanda Ikola

²⁰ Mbata bhuoso bhu bhongoloka kiiadi mba kitatu mu dijina diami, eme bhene bhu ngi kala muʼ axaxi-kâ.

Matesu 18:20 ပူးပေါင်းရင်းမြစ်များ

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

Makatukilu 20:24

U ngi tungila kalatódio ka mavu, anga u ngi satela ku thandu diê; o sata jê ja kuoha, ni sata ja paze, ni ja jimbudi jé, ni ja jingombe. Bhuoso bhu kididi bhu ngi bhangesa dijina diami kufumanena-bhu, ngi ku sanga bhenhobho, anga ngi ku bhana kuzediua.

Izekiiele 46:10

Kioso ene kia bokona, o kilamba ue u bokuena muʼaxaxe-kâ; o kioso ene kia tunda, muene u tunda ue.

Zakadiia 2:5

O Eme-phe, nga kà mu kala ngi kimbaka kia túbhia mu jimbandu; o fuma iê, Eme-muène-muene nga kà kala mu kaxi kê, kiene kia tange Jihova.

Matesu 18:21

Phetele anga uiza, u mu ambela, uixi: Mukuetu u ngi ta kituxi lukuxi, ni ngi mu loloka? Ngi mu loloka lusambuadi?

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Nzuá 20:19

Kutula mu ngoloxi, kizuua kia Lumingu kienhiki, o kizuua kiadianga kia semana, kuila mabhitu a ma jika bhu kididi bhuala o jixibulu, mukonda dia uôma ua Jijudé, Jezú uiza, uimana mu ʼaxaxe kâ, hé ua ambela, uixi: O uembu u kale ni enu!

Nzuá 20:26

Kia bhiti nake dia izuua, jixibulu ji kala luamukuá mʼ onzo, ni Tomé iú momo. Jezú anga uiza, sumbala o mabhitu mòjike kiá, anga uimana bhu ʼaxaxe kâ, uixi: O uembu u kale ni enu!

Nzuá 8:58

Kuala Jezú: Kidi kiene, ngi mi ambela: Kioso Mbalahamu kiluua a mu vuala. Eme ngeniami kiá.

I Kolindo 5:4

Kioso ki mu bhongoloka, nganda kukala ni enu mu nzumbi. Kienhokio, mu nguzu ia Ngana ietu Jezú, uanda kukala ue kuenhoko ni etu kumoxi,

I Tesalonika 1:1

Eme Phaulu, ni Sidivanu, ni Timote, tua sonekena o jiphange jala mu Ngeleja iala mu mbanza ia Tesalonika. Enu mua tokala Nzambi, Tata, ni Ngana Jezú Kristu. Ku kale kiadi ku mualʼ oko, ni kutululuka kua soko.

Filemone 1:2

Mukanda iú uia ue ni kua phange ietu ia muhatu Afiia, ni Arkipo disoladi ni mukuetu mu ita i tuala kulua.

Dijingunuinu 2:1

O anjo ia ngeleja ia Efezo, mu sonekene kiki: Eme ió ua kuata sambuadi dia théthembua bhu lúkuaku lué lua dilu, mukua kunhungina muʼaxaxe ka sambuadi dia kandeia ka ulu, ua-mbe kiki:

Dijingunuinu 21:3

Anga ngʼívua dízui dia suina dia mu tunda bhu kiandu, dixi: Talesa, kindala o balaka ia Nzambi iala muʼaxaxe ka athu! Nzambi muène u tunga-nâ, ene a kala mundu uê. Nzambi muène uenda jinga-nâ, u kala Nzambi iâ.