Matesu 18:13 - O Mikanda Ikola

¹³ O kia-nda ku i bonga, ngi mi ambela kidi, kuila u beta ku i sangulukila ioio, dikué o makuinhʼ ivua nʼ ivua ja kambele kujimbila.

Matesu 18:13 ပူးပေါင်းရင်းမြစ်များ

Jisálamu 147:11

Ki uabhela Jihova athu a mu kala ni uôma uê, ni athu oso a dielela jihenda jê-muène.

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Izaía 62:5

Kala munzangala ua diiala kia sakana ni kilumba, kiene ue anʼé kia-nda kusakana nʼeie; kala ngaiàla kia sendukila o dibhanga, kiene ue Nzambi ié kia-nda ku ku sendukila eie.

Izekiiele 34:4

Ia buila ki mu i suinisa, o ia kate ki mu i tumbu, ia bukuka mua lémbua ku i ta mu kitanda, o ia bhambuka mu akuá ki mu tona ku i bheka mu kilunga, o ia jimbila né ngó ku i sota; maji mu jiza mu ku ji tumina ni kutema ni nguzu.

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Sofoniia 3:17

O Jihova, Nzambi ié, uala muʼaxaxi ké, u ku bhulula ni kutena kuê, Muene ue u kala jinga mu sangulukila momué-eie; u batama jinga mu henda iê ia ku kuatela kizuua ni kizuua, u tana jinga momué ni ngalasa iavulu, kala mu izuua ia fesa.

Matesu 18:12

Enu mua fika kiebhi? Diiala se di kala ni hâma ia mbudi, anga bhu mu jimbila imoxi, muenhó u bhanga kiebhi? Manhi ka-nda kuxa o makuinhiʼ ivua nʼivua ala mù kúdia ku mulundu, nʼ aie mu sota iíi ia jimbidila?

Matesu 18:14

Kiene kimoxi, ki kiala mu vondadi ia Tatʼenu uene mu diulu; kʼ andala kuila ku tuana tutu bhu texika kamoxi.

I Kolindo 13:6

O henda ki i sangulukila ima i kamba kuiuka i bhita na-iu akuá, maji i sangulukila o kidi.

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.