Matesu 18:10 - O Mikanda Ikola

¹⁰ Alukenu, ki mu tènde kamona ku tuana tutu. Mbata ngi mi ambela kuma, o ji-anju jâ mu diulu jene mù mona o pholo ia Tata iami uene mu diulu. [

Matesu 18:10 ပူးပေါင်းရင်းမြစ်များ

II Samuuele 14:28

Abisalone anga u tunga mivu iiadi mu Jeluzaleme, o pholo ia muenexi kala ku i mona.

I Jisobha 22:19

Bhenhobho Mika, uixi: Ivua-phe o kizuelu kia Ngana: Nga mono Jihova ua xikama bhu kiandu kiê, ni kifuẋi kioso kia diulu, kiemana bhu mbandu iê ku lukuaku luê lua kúdia ni ku lukuaku luê lua kiasu.

Estere 1:14

Ene-phe ilamba a kaiela kua muenexi majina mâ, Kadisena, ni Setala, ni Adimata, ni Talxixi, ni Melese, ni Madisena, ni Memukana, sambuadi dia muthu; ene jitata ja utuminu ua Pélesa ni ua Mediia, a tena jinga kubhiẋila bhu pholo ia muenexi, ni kuxikama bhu mbandu ia kiandu kiê.

Jisálamu 15:4

Muthu uala kifusa muene u mu mona kusekala, maji u ẋila-phe oso akua uoma ua Jihova; o muthu ió ua bhingi, se ua loka kiá, kʼaluluka dingi bhu dimi, né ua di fumbu;

Jisálamu 17:15

Eme-phe nginda ngi mona pholo ié ni kulúnga; muẋima u ngi zela, hinu ki ngi phaphumuka, mu kutala o kidifanganu kié.

Jisálamu 34:7

Anjo ia Jihova i kala jinga ku kilangidilu kia iá a mu kuatela uôma, hé u a kudila.

Jisálamu 91:11

Kuma muene u tuma o jianjo jê ku ku tambula konda, phala ku ku inga mu njila jé joso.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Zakadiia 4:10

Mukonda, nahi muene u sebulula o kizuua kia dimatekenu dia tuma tua tolo. Mbata enʼió a kà sanguluka mu ku mona o pulumu bhu lukuaku lua Zolobabele; o sambuadi dia mesu diodio, diene o sambuadi dia mesu a Jihova ene mu ku tonginina mu ngongo ioso.

Matesu 1:20

Kia kexile hanji mu kubanza imʼiíi-phe, mukunji ua Ngana ua mu tukulukila ku nzoji, uixi: Zuze, monʼa Davidi, kukale ni uôma ua kutambula mukajiʼê Madiia. Mbata o mona a mu imita moxi diê, mona ua Nzumbi Ikôla.

Matesu 12:20

Dithethele dióxine muène ka di tolola, muanga u xongota kà u jima, katé kià tubhula kufundisa kua kidi, nʼa lende kíkoue.

Matesu 18:14

Kiene kimoxi, ki kiala mu vondadi ia Tatʼenu uene mu diulu; kʼ andala kuila ku tuana tutu bhu texika kamoxi.

Matesu 18:6

Uoso-phe ku tuana tutu, tua ngi xikana, u fudisa-ku kamona kamoxi ku ngi kaiela Eme, kia mu tokala o ku mu nhenga kiditadi mu xingu, ni ku mu bobesa muʼalunga mua zongo.

Matesu 2:13

O Jinganga kia zubhile kuia, talesa, mukunji ua Ngana utukulukila kua Zuze, ku nzoji, uixi: Balumuka, u katule kamona ni mamʼâ, u lengele ku Ejitu; ua kale koko katé bhuoso bhu ngi ku ixanena. Mukonda Helode ua-ndu sota o Kamona, phala ku ka jibha.

Matesu 2:19

Kuila Helode uafu-phe kiá, mukunji ua Ngana u tukulukila kua Zuze ku nzoji mu Ejitu, uixi:

Matesu 24:31

Muène ua kà tuma o ji-anju jê ni dízui dia koloneta, anga ji bhongolola athuʼê ósole ku itembu iuana, tunde kua tundu o diulu katé ku dia suku.

Luka 1:19

Mukunji anga u mu tambuijila, uixi: Eme Ngabidiiele, ngene kuimana bhu pholo ia Nzambi. Muène iu ua ngi tumu ku ku zuelesa, ku ku tudila o njimbu iíi iambote.

Luka 10:16

Bhenhobho Jezú anga u ambela o maxibuluʼê, uixi: Uoso u mʼívua enu, eme a ngʼivu; uoso u mi tènda, eme a ngi tènde; o uoso-phe u ngi tènda eme, ua tènda ió uoso ua ngi tumu.

Luka 16:22

Ngadiamʼ iii anga i fua, anga a mu ambata kuala ji-anjo bhu jihata ja Mbalahamu, ku mbanza, ku fesa. Mvuama ue ifua, anga a mu fûnda.

Jipoxolo 10:3

Muene u mona kisuma ku mesu mazele, mu ola ia kàvua ku kizuua, (o ola ia katatu ku kiemba) anju ia Nzambi ia mu tukulukila, uixi: Koloneliu!

Jipoxolo 12:15

Ene a mu ambela, exi: Eie ua tekuka! Muène-phe ua ki jijila, uixi: Kidi kiene! Exi-phe: Hé kiene, o anju iê!

Jipoxolo 12:23

Mu kithanganʼokio, anju ia Ngana i mu kuama, mukonda ua kambe kujingisa Nzambi; anga u diua ku mabhuka, u zubhidisa.

Jipoxolo 27:23

Nga zuela kiki, kuma usuku ua lelu, kua ngi tukulukila anju ia Nzambi, nga mu tokala, ngene ku mu sedivila,

Jipoxolo 5:19

Maji mu usuku uenʼió Mukunji ua Ngana-phe u jikula o mabhitu ma kaleia, hé u bheka Jipoxolo ku kanga, anga ua ambela, uixi:

Loma 14:10

Eie-phe uelêsela-hi phangʼ iê? Mba phangʼ iê, u mu tobhesela-hi? Kuma etu-ene-oso hádia tua kèmana bhu pholo ia Nzambi, phala Muène ku tu fundisa.

Loma 14:21

Kima kiauabha o kukamba kudia xitu, mba kukamba kunua vinhu, mba kukamba kubhanga kima kioso-kioso ki bhangesa phangʼ iê kudibhala mu kituxi.

Loma 15:1

Etu-phe tuala ni nguzu mu Akuxikana, tua tokala tu kuatekesa oso a bhuila, kuambata o imbamba iâ. Kana ku kuata ku di uabhela ngó etu-ene.

I Kolindo 11:22

Kifua enu mua kambe jinzu jenu ja kudila ni kunuina? Mu kubhanga kiki, o Ngeleja ia Nzambi mua i tobhesa, o akuenu ala jingadiama mua a kuatesa jisonhi! Kienʼ iki ngi mʼ ila kiebhi? Ngi mi ximana? Kana! Mu kiki ki ngi mi ximana, kana!

I Kolindo 16:11

Ki bhu kale-phe muthu u mu tenda. Inda mu mu xinjikila ni uembu, mu njila ioso i anda kuenda, phala a ngi sange kunu. Kuma eme nga mu mu kinga kuijiia kumoxi ni jiphange jamukuâ.

I Kolindo 9:22

Oso a bhuila mu kuxikana, ngi kala-nâ kala eme nga bhuila uami, phala ngi kombole oso a bhuila. Ngi kala ngi kioso kua ene oso, phala mu ndunge joso, ngi tene kubhulula-ku amoxi-mu.

II Kolindo 10:1

Kiki eme muène, ngi Phaulu, ngene mu kuila ngixi ngi mulenduki, ngi mutululuki ki ngi kala bhu mbandu ienu, maji ngi muẋinuki ki ngi kala dikanga, nga mi bhingi phe kiki: Nga mi bhingi mu kulenduka ni henda ia Kristu, kuila,

II Kolindo 10:10

Iâ amba exi: O mikanda ia Phaulu ia neme, ia nguzu. Maji o kia kala ni etu mukua uôma, o maka mé ma kuata usudi.

Ngalásia 6:1

Enu jiphange jami, né-mbe bhu kala muthu u di jimba, nʼ a mu kuate mu kituxi, enu muala mu nzumbi, muthu ió mu mu kuatekesa phala ku mu bheka dingi bhu kididi. Maji mu ki bhanga-phe ni muẋima uabatama. Muila ue ni ku di langa enuʼenu, phala enu ue ka mi diangule.

I Tesalonika 4:8

Uila kiki, uoso ua ditunu o ulongelu iú, ki muthu a mu ditunu, maji ua ditunu Nzambi mukua ku mi tumikisa o Nzumbi iê Ikôla.

I Timote 4:12

Kana kuehela kuila bhu kala muthu u ku tènda mukonda dia undenge. Oso-phe a xikana, eie-muène a bhane phangu, ni mu kuzuela, ni mu kudituma, ni mu henda, ni mu kuxikana ni mu kuzela.

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.

Jihebeleu 9:24

Kuma Kristu ka bokona mu Kididi-Kikôla kiokalakale ku maku ma athu, ki fikisa ngó mu kidi o Kididi-Kikôla. Maji ua bokona muene ku kidi mu diulu, iú ua tu imanena kindala bhu pholo ia Nzambi mu ku tu diondela.

Dijingunuinu 8:2

Anga bhenhobho ngi mona sambuadi dia anju ene kuimana bhu pholo ia Nzambi, a a bhana sambuadi dia koloneta.