Matesu 17:27 - O Mikanda Ikola

²⁷ Phala-phe ka kale ni diba dia ku tu longolola-na-diu, ndeie ku kizanga, ua kà te nzolo mu menha, u kuate mbiji ioso i dianga kubanda. O ki u i jikula mu kanu diê, ua ká sanga-mu kitadi ki soka kufuta o mibhaku ietu. Tambula-kiu, ua kà a bhane phala eme ni eie.

Matesu 17:27 ပူးပေါင်းရင်းမြစ်များ

Dimatekenu 1:28

Nzambi anga u a tula o kizediuise, uixi: Vualenu, mu sokoloke, mu izalese ixi ioso, mu i tolole; mu tumine ue jimbiji jendela mu menha, ni jinjila ji bhita bhulu, ni iama ioso ia muenhu iendela ku mavu.

I Jisobha 17:4

Anga kia kà kala-phe kuma, ua ka nua mu kangiji kenhoko; kuma eme nga tumina kiá ilombelombe, phala ni ia kʼenda ni ku ku dikila kuenhoko.

Jisálamu 8:8

Ni jinjila ji bhita bhulu, ni jimbiji ja kalunga, ni ima ioso kiá i endela mu jinjila koxi a menha mu musanza.

Jona 1:17

Jihova-phe ua iudika kiá kuila bhu kale mbiji iadikota phala kuminha Jona; anga Jona u bhanga makumbi atatu ni mausuku atatu mu mala dia mbiji.

Jona 2:10

Kienhokio-phe Ngana u zuelela o mbiji, iene hé iia i lusila Jona ku ndundu ia kalunga ku kanga.

Matesu 17:26

Phetele kia vutula, uixi: Ku athu engi, Jezú uixi: Hé kiene, ana ka tokala dingi kubhana.

Matesu 18:6

Uoso-phe ku tuana tutu, tua ngi xikana, u fudisa-ku kamona kamoxi ku ngi kaiela Eme, kia mu tokala o ku mu nhenga kiditadi mu xingu, ni ku mu bobesa muʼalunga mua zongo.

Matesu 18:8

Lúkuaku lué, mba kinama kié, se kia ku fudisa, batula-kiu; u ki texi! Mukonda ujitu uê kota o kubokona ku muenhu u kinema, mba ua kambe kidiandu, kana o kukala ni maku maiadi mba inama iiadi, nʼ a ku takula mu túbhia ki tuà jima dingi.

Matesu 5:29

Kienhiki, o diesu dié dia kúdia, se diene diala ku ku bhalesa, lokola-diu u di texi dikanga. Mbata ujitu uê kota kutexi kidiandu kimoxi, ki ki soko ni kutexika mukutu uoso mu ifernu.

Matesu 5:30

Mba o lúkuaku lué lua kúdia, se luene luala ku ku bhalesa, batula-lu u lu texi dikanga. Mukonda ujitu uê kota kutexi kidiandu kimoxi, ki ki soko ni kuia mukutu uoso mu ifernu.

Marku 9:42

Uoso ue ku tuana tutu tua ngi xikana, u bhangesa kamona kamoxi ku di bhala, ni ku ngi xisa eme, muthu io kia mu tokala o ku mu nhenga kiditadi kia kuhuhila mu xingu, ni ku mu bobesa mu ʼalunga.

Marku 9:43

Ni lukuaku lue, se lu ku bhangesa ku di bhala, batula-lu! Mbata kota o kubokona ku muenhu ki uábua u kinema, kana o kukala ni maku maiadi anga uia-nâ mu ifernu, mu tubhia ki tuene dingi kujima. [

Luka 17:2

Ki fuama o ku mu nhenga kiditadi kia ku huhila mu xingu, ni ku mu takula mu ʼalunga; kuma ki ki fuama kuila ku tuana tutu u bhangesa-ku kamoxi ngó ku di bhukana, anga u ta kituxi.

Nzuá 6:61

Jezú-phe kia kʼijiia moxi diê sé muthu ku mu tangela, kuma jixibulu ja longolola makʼ ama, ua jʼ ambela, uixi: Kífua enu uenu muandala mu ngi xa, mukonda dia makʼ ama, kuambe?

Loma 14:21

Kima kiauabha o kukamba kudia xitu, mba kukamba kunua vinhu, mba kukamba kubhanga kima kioso-kioso ki bhangesa phangʼ iê kudibhala mu kituxi.

I Kolindo 8:13

Uila kiki, se xitu i bhangesa phange iami kudibhala, eme nuka dingi nga kà dia xitu, phala o phange iami ki ngi mu bhangese kudibhala.

I Kolindo 8:9

Uila kiki, di langienu-phe, sumba mba ufolo uenu uenʼ iú, u bhangesa akuenu kudibhala, oso kiluua a kola mu kuxikana.

II Kolindo 6:3

Kana kubhanga kima kioso-kioso ki bhangesa mukuenu ku di bhala, phala o ungunza uetu ki u kale ni malebhu.

II Kolindo 8:9

Kuma o henda ia dikota ia Ngana ietu Jezú Kristu mua ijiia; sumbala muène ua kexile mvuama, ua di bhangele-phe ngadiama, mukonda dienu, phala enu ku uadiama uê mu mone o umvuama.

I Tesalonika 5:22

mu lenge jinge ioso i mua mono iaiibha.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.