Matesu 17:21 - O Mikanda Ikola

²¹ Maji o mbutu iíi-phe ia dimónho, ku di kaia kuê, kikale mu kusamba ni kujila.]

Matesu 17:21 ပူးပေါင်းရင်းမြစ်များ

I Jisobha 17:20

Anga u dikola kua Jihova, uixi: Kuambe, eie u Jihova, Nzambi iami, tata! Kifua u tatesa ue katé ni mutudi iú, nga tunganê anga u mu jibhila monʼê?

Daniiele 9:3

Anga ngi lungulukila pholo iami kua Ngana Nzambi, mu ku mu sota ni musambu ni ku mu dionda, bhenhobho nga jidi, ngi di ta kidinhaji, ngi di kuua utókua.

Matesu 12:45

Bhenhobho uia, u sota dingi sambuadi dia nzumbi, a mu tundu muène mu kuiibha, anga a bokona, a tunga momo. O kikexilu kia sukidila kia muthu ió kia beta dingi o kuiibha, kikexilu kiadianga ndenge! Kienhiki kiene hinu ki bhita ni muiji uenhú.

Matesu 17:22

Kioso maxibulu kia kala mu bhanga izuua ku Ngalileia, Jezú, ua ambela, uixi: Monʼa Muthu hinu a kà mu bhakula bhu maku ma athu.

Marku 9:29

Kuala muene: Mbutu iíi ia nzumbi, kana dingi ki i tundisa, kikale ngo mu kusamba ni kujila.

Jipoxolo 13:2

Kizuua kimoxi, o ki a kala mu bheza Ngana, ni mu kujila, Nzumbi Ikôla uixi: Ngi tunguidienu mu akuâ, Barnabé ni Saúlu, aie mu sedivisu ioso i nga exanena kubhanga.

Jipoxolo 14:23

O kia zubha kunomiiala adiakime a kala ku pholo mu Ngeleja joso, ni kusamba, ni kujila, a a xalesa ni Ngana, uoso a mu xikana.

I Kolindo 7:5

Kiiadi kiâ kana muthu u di tuna mukuá, kikale ngó se kiiadi kienu mua bangana ku ki bhanga mu kithangana, phala mu te miẋima mu kusamba. Kithangana-phe kuila kia bhiti, mu takana dingi kala ki mua mu bhanga kiá, phala Satana ka mi diangule mukonda dia kukamba o nguzu ia ku di langa.

II Kolindo 11:27

Mu kukalakala kuavulu, ni mu kuiokojoka. Nga bhiti ma usuku mavulu sé kuzeka. Ngene kutala hadi luavulu ni nzala, mu kuenda ni mbambi, ni tuẋi.

Efezo 6:18

O ima ioso íii mu i bhanga jinga ni kusamba, mu kubhinga Nzambi ku mi kuatekesa. Sambenu jinga ithangana ioso, mu ku mi endesa kuala o Nzumbi ia Nzambi. Kala kiki, Phaphumukenu, ki mu di jimbe. Kana kubhuila. Endenu ni kusambela jinga akua Ngana oso.