Matesu 17:2 - O Mikanda Ikola

² Kuenhoko muène anga u kituluka bhu pholo iâ. O pholo iê i di muika kala dikumbi, izuatu iê i zela kala muanha,

Matesu 17:2 ပူးပေါင်းရင်းမြစ်များ

Jisálamu 104:2

Ua di te mukengeji kala divunga; ua futununa o maúlu kala dibeka dia balaka.

Mukumbi ua Mikumbi 6:10

Nanhi muenʼiú ua mu tukuluka ni ku di muika kala ukielu ua kimene, ua uabha kala mbeji, ua di muika kala dikumbi, ukôla mukua ni kifuxi kia masoladi ambata mabandela phala kúlua ita?

Matesu 17:1

Kubhita izuua isamanu, Jezú u katula Phetele, ni Tiiaku, ni phangʼiê Nzuá, hé u a bheka ku thala ia mulundu ualebha, kʼubheka uâ.

Matesu 17:3

Talesa-phe, kua a tukulukila Mozé ni Elija, a kala mu kuzuela ni Jezú.

Matesu 28:3

O kídifua kiê kala nzaji, ni izuatu iê kuzela mukuâ ni neve.

Marku 9:3

O izuatu iê i benha ni kuzela kuavulu, kana musukudi mu ngongo u tena kuzelesa kiokio.

Luka 9:29

O kiala mù samba, pholo iê anga i biluluka, o kizuatu kiê ki zela ni kubenha kuengi.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 17:24

Tata iami! Nga mesena enhó oso ua ngi bhana-nâ, a kale ni eme koko kuoso ku ngà kala. Nga mesena kuila a mone kijingu kiami ki ua ngi bhana, kuma eie ua ngi zola tunde ʼbhuoso bhaná, mu ngongo kiluua mu kala dimatekenu diê.

Loma 12:2

Ki mu kaiele o funza ia mu ngongo mumu, maji ehelenu Nzambi a mi kitule kiengi, katé kilunji kienu kieza ku ubhe. Phala mu tongolole ioso o vondadi ia Nzembi, iauabha, ia ujitu, iatenena, i mu uabhela kiambote.

Dijingunuinu 10:1

Anga ngi mona anju iamukuá ia dizonda, uala mu tuluka ku diulu. Ua zuata dituta, o ku thanduʼa mutue uê kua bhiti hongolo. O pholo iê iedi kala dikumbi, o inama iê mukuâ ni jiphiladi ja túbhia.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.