Kienhiki a mu bhekela muthu uala ni dimonho, uala kifofo, uala dibubu, Muène anga u mu saka, o ua kexile kifofo, dibubu, u kala mu zuela, u kala mu mona.
Jezú bhenhobho u mu vutuila, uixi: Muhatu ua kime, o kuxikana kué kua-vulu! Ki di bhange, kioso ki ua mesena. Monʼê anga u iluka, tunde mu kumbi dienhódio.
Jezú anga u kumbulula, uixi: Muiji ua kambe o kuxikana, ua thathamana! Ngi kala ni enu katé bhebhi? Katé bhebhi ngi kala ni ku mi xididikila? Monʼé ngi bhekele-nê bhabha!
Athu avulu, madimonho ma tunda mu mikutu iâ ni ku di kola, exi: Eie Ngana, u Monʼa Nzambi! Muène-phe u kala mu ku a bazela, ka ehela kuzuela, mukonda ene a mu ijiia kuma muène Kristu.
Muène ua zuela kiki, mukonda Jezú ua tumu o nzumbi iaiibha kutunda moxi dia muthu. Kuma o nzumbi ienhiʼii ia kexi ku mu kuata jinga luavulu. Né a mu kutu, a mu ta ku malubhambu ni jingidinhá, muène u batuka-bhu; hé dimonho di mu balukisa mu mikáu ia hatu.
Mona kioso-phe ki ala mù kuiza, uhaxi uê ueza, dimonho hé di mu vunda bhoxi, di mu suna-suna kiavulu. Jezú anga u bazela o dimonho, uilula o mona, hé u mu bhana kua tatʼâ.
Munzangala muenʼiú anga u ki bhanga izuua iavulu. Phaulu-phe kuma kia mu iibhila kiavulu, ua mu alulukila, hé uambela o dimonho, uixi: Nga ku tumu, mu dijina dia Jezú Kristu, kutunda mu mukutu uê. Anga di tunda kithangana kieniokio.