Matesu 16:18 - O Mikanda Ikola

¹⁸ Kala kiki, ngi ku ambela dingi, kuma eie Phetele, o bhu ndànji iíi, bhene bhu ngi tunga o Ngeleja iami, o mielu ia Kalunga ki ia kà tena ku i lundumuna.

Matesu 16:18 ပူးပေါင်းရင်းမြစ်များ

Dimatekenu 22:17

Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

II Samuuele 18:4

Bhenhobho muenexi anga u a ambela, uixi: Kioso ki mua mono kiatokala, eme kiene ki ngi bhanga. Muenexi anga u imana bhu mbanduʼa muelu ua kimbaka, mundu u kala mu kutunda ku jihâma ni jimidi.

Jobe 38:17

Manhi o mabhitu a kúfua eie a ku tukuluila-u kiá, inga eie ua mono kiá o mabhitu ma kitombe kia kalunga?

Jisálamu 107:18

Kúdia kuoso kua a ludila, kʼandala dingi; kuma a zukama mu bòmbo dia kalunga.

Jisálamu 127:5

Ua zediua o diiala uoso ua a somo, o kizu kiê kiezala muene; ió ka tena kutandanganha ni jisonhi, kia di kuata ni jinguma jê bhu muelu ua mbonge.

Jisálamu 129:2

A ngi huha luavulu muene ni ku ngi talesa hadi tunde mu undenge uami, maji a lémbua ku ngi tolola!

Jisálamu 69:12

A xikama bhu njangu, eme muene ngi diba diâ dia maka; ngaii kiá ni mu muimbu ua jihôlua.

Jisálamu 9:13

Ngi kuatele henda, Ngana Nzambi; tala, Ngana, kia ngi tatesa ió a ngi zembe; eie kiá ua ngi bhetula, hinu ngeju boloka kuʼalunga.

Jisabhu 24:7

Semenhi-phe unjimu uoso ua mu kala bhua lebha; o kieza bhu telelu mu kufunda, katena kujikula dikanu.

Izaía 28:16

Kala kiki, Jihova dia Ilômbo Ieta uambe, kuma: Talesa, nga xikika ditadi mu Ziione, ditadi di zubha o phata, ditadi diate kiavulu, diene di kuatesa bhu thungi, nga di xikika dia kuata dia kolo; uoso u xikana ka kale ni kisuka.

Izaía 28:6

Jihova u kala ue muene unjimu ua uoso u xikama bhu kibhuna kia kufundisa milonga; muene o kimbaka kia oso a sota kuvutula jinguma katé bhu muelu ua sanzala.

Izaía 38:10

Eme ngambele, kia ngi-bhu o izuua, ngixi: Nga lungu bhu mielu ia mbila; o mivu ia ngi xedi-ku nga i lémbua kiá.

Izaía 54:17

Falamenda ioso-ioso iòbhange phala ku ku kuama, ia-nda kulueza; o dimi dioso-dioso di ku tatela eie mulonga, mu kufunda, eie ua kà di belesa; o iú uene undundu ua jiselevende ja Nzambi, kuene ue kulûnga kuâ ku tunda kokuami, eme ngi Jihova.

Jona 2:6

Eme nga kulumuka katé koxi, kuene mu kusabhuka o milundu; nga kuzuka mu bòmbo diaʼxi o jitalanga jaʼxi ja ngi jikila-ku ni kuene puetu, katé kiá ku hádia ni hádia! Maji eie ua ngi vutuila, muenhu uami ku u ehela kuxalela mu kina, Ngana Nzambi iami tata!

Matesu 10:2

O majina mâ kuinhi dia poxolo ni kiiadi menhama: Ua dianga Ximá, a mu ixana Phetele, ni phangʼ iê Mandele; Tiiaku, monʼ a Zebedeu, ni phangʼ iê Nzuá;

Matesu 11:23

Eie u Kafanau kífua ua zangalala katé ku diulu? A kà ku tulula katé muʼ alunga! Mukonda o isuma ia di bhange mo-mué, se a i bhangele mu Sodoma, hinu ia nange katé ni lelu.

Matesu 18:17

Kia di tuna kua evua ene, ka ki tangele ngeleja; o ngeleja ue se ua di tunu ku ívua, a ku kale mukuâ ni mukua matumbu, mba mukua kutambula lubhaku.

Matesu 4:18

O kia kala mu kuenda bhu mbandu ia kizanga kia Ngalileia, u mona jiphange jiiadi, Ximá, a mu ixana Phetele, ni ndenge iê Mandele, ala mu takula uanda mu menha, kuma atona a jimbiji.

Matesu 7:24

Uoso-phe uívua o maka mamiʼ ama, anga u ma bhanga, muène u difangana ni njimu ia tungile o inzu iê bhu ndànji.

Nzuá 1:42

Anga u mu bheka kua Jezú. Jezú kia mu tale sûi, uixi: Eie Ximá, monʼ a Jona, tunde lelu a-nda ku ku ixana-phe Kefa.

Jipoxolo 2:47

Mu ioso a kala mu ximana Nzambi, o mundu uene uoso u a tumbula. Ngana anga u kala mù bandekeza izuua ioso e kibuka kia ió oso ala kuenda ni kubhuluka.

Jipoxolo 20:28

Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.

Jipoxolo 8:1

Saúlu ue ua ki mono kuuabha, o kujibha Xitevá. Kizuua kieniokio anga a kuata kuzukutisa kiavulu o Ngeleja iala mu Jeluzaleme. O jikidistá ene oso anga a muanganena mu jixi ja Judeia ni Samádia, ku xala ngó o jipoxolo.

I Kolindo 15:55

Eie, kalunga, o kikôue kiê kiebhi? Eie, kalunga, o nguzu iê ia kujibha iebhi?

Ngalásia 2:9

Mukonda dia kiki, kia zubha o kutongolola kiadi kioso kia ngi bhana Nzambi, ni Tiiaku, ni Phetele, ni Nzuá, ene a fumana kuma jingunji, a ngi bhele, ni eme ni Barnabé, lukuaku lua dilu mu usoko, phala etu tu di tele ku ió ki Jijudé, ene a di tele ku Jijudé akua kusaia.

Efezo 3:10

Phala o kiki, atumini ni a-kutende ku ididi ia diulu a ki muena ku Ngeleja, kioso ki enda o unjimu ua Nzambi ua vula matelu.

Efezo 5:32

Kijinganu kiki kia dikota kia tukulula o Mikanda ia Ngana. Maji nga mono kuila kia tokala Kristu ni Ngeleja.

Kolose 1:18

Muène ue o mutue uavu mukutu uê o Ngeleja. Muène dimatekenu dia muenhu ua mukutu. Mu kufukunuka, muène thungunu ia madifundu a dianga ku mu fukununa mu ʼalunga. Kienʼiki, phala mu ima ioso muène a kale ku pholo dia ima ioso.

I Timote 3:15

O ki kala-phe ngi bhanga hanji izuua, mukanda iú u ku idikiza kioso kia tokala kukala athu mʼonzo ia Nzambi, kuma o inzo iê iene o ngeleja ia Nzambi ia muenhu, o philadi ni disesa kua tula o kidi.

I Timote 3:5

Kuma muthu kia kamba kuijiia kutumina o dibhata diê-muène, u tambula kiebhi o konda ia Ngeleja ia Nzambi?

Jihebeleu 12:28

Uila kiki, tu kalienu ni kisakidilu, mukonda tua tambula Utuminu ki u tena kutunguta. Tu kalienu ni kisakidilu ki tu bhekela kubheza Nzambi kala kioso kia mu uabhela, ni ujitu ni uoma.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 21:14

O mbanza, kimbaka kie kiò tunge ku disèsa dia kuinhi dia ditadi ni kiiadi, o ku matadi anga a soneka-ku o kuinhi dia majina ni kiiadi a jipoxolo ja Kambudi.