Matesu 16:13 - O Mikanda Ikola

¹³ Kiki kieza Jezú mu jimbandu ja Sezaleia ia Felipe, uibhula jixibulu jê, uixi: Eme, Monʼa Muthu, athu ala ku ngʼila kuma eme nanhi?

Matesu 16:13 ပူးပေါင်းရင်းမြစ်များ

Daniiele 7:13

Talesa, eme-phe ki nga kuata muene kutala, mu isuma iami ia usuku, nga mono ku matuta ma diulu kua-lu tuluka kala Monʼa muthu ua mu kuiza; iú ua bhiẋi la kua Mukula-ua-Ndamba, anga a mu bhiẋidisa bhu pholo iê.

Matesu 12:32

Uoso u xinga Monʼa Muthu, a kà mu loloka-kiu. Maji uoso-phe u xinga o Nzumbi Ikôla, ka kà mu loloka-kiu, né ku muenhu iú, né ku muenhu ua hádia.

Matesu 12:40

Mbata mukuâ ni kia kexile Jona makumbi ma tatu ni mausuku ma tatu mu mala a kimbiji, ni Monʼa Muthu ue ua kà bhanga makumbi ma tatu ni mausuku ma tatu koxi a mavu.

Matesu 12:8

Mbata Monʼ a Muthu ngana ue ia kizuua kia sábhalu.

Matesu 13:37

Muène u kumbulula, uixi: U kuua jimbutu jambote, o Monʼa Muthu.

Matesu 13:41

Monʼa Muthu ua kà katula ji-anju jê, ni ja kà bhongolola mu Utuminu uê o ima ioso i bhangesa kudibhala, ni oso a bhanga úsueia,

Matesu 15:21

Jezú anga u tunda kuenhoko, uia mu jixi ja Tilu ni Sidónia.

Matesu 16:27

Mbata Monʼa Muthu ua kèza mu kijingu kia Tata iê, kumoxi ni ji-anju jê; Thembuʼoio, kala muthu, ua kà mu vutuila kioso kia tokala mu ikalakalu iê.

Matesu 16:28

Ngi mi ambela kidi, emana bhabha, sai-bhu ni iá ka kà lola kalunga, katé kia kà mona o Monʼa Muthu uala kuiza mu ungana uê.

Matesu 25:31

Mu kuzubha maka Jezú uixi: Kià keza Monʼa Muthu-phe, ni ungana uê, kumoxi ni ji-anju joso, ua kà xikama ku kialu kiê kia ungana.

Matesu 8:20

Kuala Jezú: O makombe mene ni jingenda jâ, o jinjila ue ji bhita bhulu, sai ikalanga iâ; maji o Monʼ a Muthu-phe kala ni kididi bhua zekesa o mútue uê.

Matesu 9:6

Phala enu-phe mu kʼ ijiie kuma monʼ a Muthu uala ni nguzu mu ngongo ia kuloloka ituxi, u ambela o haxi ia kila, uixi: Balumuka, zangula hama ié, uie ku bhata.

Marku 10:45

Kuma ni Monʼa Muthu ue, keza kukala ni athu a mu bhikila, maji muene-ku kubhikila ni kubhana o muenhu ue mu ku kula mundu.

Marku 8:38

Uoso u kala ni jisonhi jami eme ni ja maka mami ku muiji iu ua jiphanda ni ituxi, o Monʼa Muthu ue ua ka kala ni jisonhi ja muene kia keza ni ungana ua Tatʼâ ni ji-anju je jangene.

Nzuá 1:51

Uixi: Eme ngi mi ambela kuila, hinu mu mona diulu dia jikuka, ni ji-anju ja Nzambi ji banda ji kulumuka ku thanduʼ a Monʼ a Muthu.

Nzuá 12:34

O kifuẋi-phe kia mu vutuila, exi: Etu tua di longo mu Kitumu kietu, kuma Kristu u xalela-ku kiá. Eie-phe ua-lu kuamba kiebhi, kuma o Monʼ a Muthu ku mavu a mu zangumuna-ku? Monʼ a Muthu, nanhi muene?

Nzuá 3:14

Mukuâ ni kia zangula Mozé o nhoka ia ngòndo mu ixi ia isekele, anga u i nhenga ku muxi, ni Monʼ a Muthu kiene ue kia bhingi o ku mu zangula,

Nzuá 5:27

Iu ua bhana Mona o kutena kua kufundisa, mukonda muène Monʼ a Muthu.

Jipoxolo 10:38

Muejiia ue o maka ma Jezú dia Nazalé, kioso Nzambi kia mu undu ni Nzumbi Ikôla, iú ua mu bhana ni kutena. Muène anga u nhunga ku mbandu joso ni kubhanga o mbote, ni kusaka oso a a tatesa kuala Diabhu, kuma Nzambi uala-nê.

Jipoxolo 7:56

Bhenhobho uixi: Talesenu! Nga mono diulu dia jikuka, ni Monʼ a Muthu uemana ku madilu ma Nzambi!