Matesu 15:9 - O Mikanda Ikola

⁹ A ngi bheza-phe ngó makutu, ni kulonga ijila ia tumu ngó athu, kala Nzambi muène ua i tumu.

Matesu 15:9 ပူးပေါင်းရင်းမြစ်များ

Jisálamu 39:6

Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Jisálamu 73:13

Kifua-ze eme nga tale ngó hadi ia ku di zelesa o muẋima ni kusukula o makuʼami nʼa bhue o maxaka.

Makatukilu 20:7

Kana kutumbula dijina dia Jihova, Nzambi ié, mu kingoho; mukonda kua Jihova kà kamba kuêla uoso u tumbula o dijina diê mu kingoho.

Izaía 29:13

Mbata Jihova uambe, uixi: Manhi o mundu iú a ngi zukama, ala ku ngi xila ngó ni dikanu diâ, ni mizumbu iá, maji o muẋima uâ ua di sandula dikanga kokuami, o uoma uâ ua ngi kuatela uala ngó mu ijila ia athu, iejiia mu kilunji.

Ijila 26:16

kuabhu, Eme-phe ue nga-nda ku mʼila kiki; Ngi mi tuluila lenga-suama, ngiia ni uhaxi ua thulu, ni ua munza u bhinga o kuila ujikinisa o mesu, o muenhu uenu uia ni kohoha; o ki mu kuna mbutu, ki mi kala hadi ia ngoho, kuma jinguma ji mi dia-iu.

Ijila 26:20

Nguzu ienu ienda ni kudibota mu kingoho. Oxi ienu ki ibhana dingi o ima iê iambote, o miẋi i mu phapha ku mavu iseluka, kubhana ibundu, lémbue.

Malakiia 3:14

Enu muambe, muexi: Ku bhikila Nzambi hadi ia hatu; o kualuka ijila ia Ngana, ni kuenda bhu pholo ia Jihova dia Ifuẋi ni mukondo, tua nganhala-ku mbote iahi?

Matesu 15:10

Muène anga uixana kifuẋi, uixi: Ivenu, mu ijiie:

Marku 7:7

A ngi bheza-phe ngo makutu ni kulonga ijila ia tumu ngo athu, kala Nzambi muene ua i tumu.

I Kolindo 15:2

O njimbu i nga mi tudila enu, iene o Njimbu Iambote. O mu Njimbu Iambote ienʼ iii muene mu mu bhulukila, se mua i naminina ni lujiji. Mba-phe mu ku i xikana kia mi-iê ngó, se o kuxikana kuenu kua ngoho ku muala na-ku.

Matendelelu 12:32

Endenu ni ku di tongesa kiambote mu kualuka ima ioso i nga mi tendelela eme; ku imaʼiii ki mu te-ku, ki mu katule-ku.

I Timote 1:4

Athu enhá a tangele kuila, kana kukaiela ue mísoso, ni jingo ja vumu ki ji moneka bhu ja suku, ji bheka ngó jiphata, ki ji bheka kudibanda mu kuxikana kuala mua Nzambi.

Tito 1:14

Ka landukile maka ma Jijudé ma kusabhula, ni ima ia a tuma ku athu ala kuila o kidi a ki baluka.

Jihebeleu 13:9

Ki mu ehele ku mi sendumuna ku maulongelu mengi mʼeza-ku, ma vulu o matelu ni a mi katule mu njila ia kidi. Kima kia uabha o muẋima ku kuata kididi mu kiadi kia Nzambi, kana mu kutumaka ijila ia kutungula makudia. Kuma oso a tumaka o ijila ienʼiii, ka tena kubhanduluka-ku kima.

Tiiaku 2:20

Semenhi ia muthu! Tuma-phe ku kʼijiia, kuma: O kuxikana kua di kalela sè ima ia kubhanga, kuxikana kua ngoho.

Dijingunuinu 22:18

Eme ngi Nzuá, nga bhana umbangi mu kudimuna kuila, muthu uoso uívua o maka ma upolofeta mu dívulu didi, ki kala kiki: Se bhu kala muthu u ta-ku ku makʼama, Nzambi ua kà mu tela-ku muène ku mabhebhu moso mòsoneke mu dívulu didi.

I Samuuele 25:21

Davidi-phe uambele, uixi: Kidi muene, nga tale ngó hadi ia kuinga ibhaku ioso ia iala muenhú mu iangu, katé ki bhua mu jimbila kima kia mu tokala; muene-phe ua ngi vutuila phulu mu mbote i nga mu bhange.