Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.
Kienhiki, o Maka ma Nzambi mua ma selula ni kífua kienu ki mua tambula ku jitata jenu, ni ku ki sambukisa ku alulu ni ku alaula. Sai ue dingi ima iavulu i mu bhanga, ia difu kiki.
Maji se bhu kala diiala mba muhatu ua xikana, uala ni atudi a mu tokala, muène a a bindumune, phala diialʼodio mba muhatuʼô ka xine kimbamba ku Ngeleja. Mbé o Ngeleja i bindumune oso atudi a kidi kene thumba ni samba, ala ubheka uâ.
Maji muthu-phe kia kamba kutambula konda ia ene a mu tokala, kota-kota dingi o dianda diê-muène, muthu muenhó ua ditunu o kuxikana, ua tûndu mu kuiibha, ió kiluua a xikana uala ndenge.