Matesu 15:31 - O Mikanda Ikola

³¹ Katé kifuẋi kia diuana, kia mono mabubu ia zuela, inema íi di sanza, atenguine ia enda kiambote, ifôfo íi mona. Anga a kala mu bhana fuma kua Nzambi ia Izalaiele.

Matesu 15:31 ပူးပေါင်းရင်းမြစ်များ

Dimatekenu 32:28

Uixi dingi: Dijina dié ki di kala dingi Jakobo, di kala kia Izalaiele; kuma ua bhânge ni Nzambi, ua bhânge ni athu, ene oso ua a lende.

Dimatekenu 33:20

Anga u tunga-bhu kalatódio, u kʼexana: Nzambi, Nzambi ia Izalaiele.

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 50:23

Uoso u ngi satela sata ia kusakidila, muene muthu ua ngi bhange ujitu; uoso ue u iukisa uendelu uê, muene ngi mu idikiza o ubhulukilu ua Nzambi.

Makatukilu 24:10

anga a mona Nzambi ia Izalaiele, kala inama ua i tula ku mateia ma azulu, mukuâ ni matadi ma safídia, mesu a bhitakena kala uala mu tala o diulu.

Matesu 15:30

Anga a mu sanga ifuẋi iavulu, kumoxi ni atenguna, ifôfo, ni mabubu, ni inema, ni amukuá dingi avulu, anga a mu tudila-nâ bhu inama iê. Muène-phe, ene oso anga u a saka.

Matesu 18:8

Lúkuaku lué, mba kinama kié, se kia ku fudisa, batula-kiu; u ki texi! Mukonda ujitu uê kota o kubokona ku muenhu u kinema, mba ua kambe kidiandu, kana o kukala ni maku maiadi mba inama iiadi, nʼ a ku takula mu túbhia ki tuà jima dingi.

Matesu 21:14

O ifuôfo ni inema anga i mu sanga mu Tembulu, muène anga ua a saka.

Matesu 8:10

Jezú kia zubha ku kʼ ivua, ua diuana, anga u ambela iá oso a mu kaiela, uixi: Kidi kiene, kuxikana kala kiki, ki nga ku sange luua, né mu Izalaiele!

Matesu 9:32

Enhá kia zubha ku tunda, a mu bhekela dibubu dia saluka ni dimonho.

Matesu 9:33

O kia zubha kukaia dimonho, dibubu di zuela. Mundu anga a diuana, exi: Kiki kiluua a ki mona mu Izalaiele!

Matesu 9:8

O mundu-phe, kia ki mono, uôma u a kuata, anga a ximana Nzambi ua bhana athu o nguzu kala kiki.

Marku 2:12

Muéne anga u balumuka, kithanganʼokio, u zangula muanza, anga u tubhuka bhu pholo ia ene oso. Ene oso anga a diuana, hé a ximana Nzambi, exi: Kienhiki kiluua tu ki mona.

Marku 7:37

Anga a diuana dingi kiavulu, exi: Muene o ima ioso u i bhanga kiambote! U bhangesa kuila o mixilu evua, o mabubu a zuela!

Marku 9:43

Ni lukuaku lue, se lu ku bhangesa ku di bhala, batula-lu! Mbata kota o kubokona ku muenhu ki uábua u kinema, kana o kukala ni maku maiadi anga uia-nâ mu ifernu, mu tubhia ki tuene dingi kujima. [

Luka 14:13

Ki u bhanga-phe fesa, exana jingadiama, ni inema, ni atenguna, ni ifôfo;

Luka 14:21

Mubhika anga uiza, u tudila ngana iê ima ioso iíi. Kienhókio mukua dibhata, kuma njinda ia mu kuata, uambela mubhikʼê, uixi: Tunda malusolo, u bhite mu jinzunga, ni mu ikanzu ia mbanza, u ngi bhekele bhabha jingadiama, ni inema, ni ifôfo, ni atenguna.

Luka 18:43

Kithanganʼokio o kumona kuê, kueza, anga u mu kaiela ni kuximana Nzambi. Athu oso ue, kia ki mono, a kala mu xamana Nzambi.

Luka 7:16

Uôma anga u a kuata ene oso, a kala mu tondela Nzambi, exi: Mueza polofeta ia dikota mu ʼaxaxe ketu! Nzambi a tane-ku! Ua zungila o kifuẋi kiê!

Nzuá 9:24

Bhenhobho jifalizeu jʼixana lua kaiadi o muthu ua kexile kifofo, anga a mu ambela, exi: Fumanesa Nzambi. Etu tuejiia kuma muthu ió mukua-ituxi.