Matesu 15:24 - O Mikanda Ikola

²⁴ Muène-phe u kumbulula, uixi: Eme a ngi tumu ngó ku jimbudi ja jimbidila ja dibhata dia Izalaiele.

Matesu 15:24 ပူးပေါင်းရင်းမြစ်များ

Izaía 53:6

Etu oso tua kexi mu kuenda kala jimbudi ja jimbidila; kala muthu u di-texila ni njila iê; maji-phe o mulonga ua tu tokala etu-oso, Jihova ua mu xina-u kiá muene ku thandu diê.

Izekiiele 34:16

Ioso ia jimbila ngi i kenga, o ia di texi ngiza na-iu dingi, o ia bukula kinama ngi i tá mu kitanda, o ia kate ngi i tumba; maji o ia nete, ni iii ia vulu o nguzu ngi i jimisa o mbutu; kuma nga-nda ku jʼinga ni kilunji.

Izekiiele 34:23

Anga nga kà jʼimikina mubidi umoxi ngó u kala ku thandu diâ, muene hé ua kà jʼinga; o mubhikʼami Davidi muene ua-nda kua kà jʼinga; muene ua-nda kukituka kafunga kâ.

Matesu 15:23

Maji Jezú-phe ka mu kumbulula kima. Jixibulu anga jiza, ji mu dionda, exi: Mu kaie, aiê; kuma ua tu nhenganana ni kudikola.

Matesu 18:11

Kuma Monʼ a Muthu ueza mu sota uoso ua jimbidila.]

Matesu 9:36

Kia mono ifuxi-phe, u a kuatela henda, mukonda atate, a di mauange kala jimbudi ja kambe mubidi.

Jipoxolo 13:46

Phaulu ni Barnabé-phe anga mu kuzuela a beta dingi kubhua uôma, exi: Kia bhingile a mi dianga enu mu Jijudé ku mi tangela o maka ma Nzambi. Kuma-phe enu mua mu tènde, ki mu di mono kufamena o muenhu ki uabhua, etu tu lungulukʼ Ó, tu zuela kiá ni akua ʼxi jengi.

Loma 15:8

Kuma eme nga mi ambela kuila Kristu ua di bhangele mukunji ua Jijudé phala kuidikiza kuila Nzambi kene mu kualuluka, mbé o izuelu ioso ia bhele Nzambi ku Jitata a i kumbidile.