Mbata eme ngi mi ambela na-kiu, se kuiuka kuenu ku kamba kutunda o kuiuka kua jimesene ja kulonga o Kitumu ni jifalizeu, muà lémbua kubokona mu Utuminu ua Diulu.
O jimesene ja kulonga Kitumuphe, a tundu mu Jeluzaleme, exi: Uala ni Belezebubu, kota dia madimonho. O kota dia madimonho muéne ua mu bhana nguzu ia mu lendesa kutundisa o madimonho.
Kizuua kia mukuá Jezú u kala mù longa. Bhenhobho jifalizeu jimoxi-mu ni jimesene ja Kitumu ja mu xikamena, ja tundu mu jisanzala joso ja Ngalileia, ni ja Judeia, ni ku Jeluzaleme. O nguzu ia Ngana anga i kala ni Jezú mu kusaka o jihaxi.
Jimesene ja Kitumu ni jifalizeu anga a kuata kudiodia mudiá, exi: Nanhiʼú u tanga o isunji ia difu kiki? Kana-ku dingi muthu u tena kuloloka ituxi, kikale Nzambi ngó ubheka uê!
Bhenhobho, jifalizeu-phe ni asoneki a mu longolola, hé ambela jixibulu jê exi: Phala-hi muia mu kúdia ni kúnua kumoxi ni akua kutambula o lubhaku ni akua ituxi?
Anga ki bheka jibuia javulu. Amoxi ku jimesene ja Kitumu, a tokala ku jifalizeu, emana, hé a zoka exi: Etu muthu iú ki tu mu mono ni kikuma. Sumba kuala nzumbi mba anju muene ia mu zuelesa!
Muène kia zubha o kuiza, Jijudé ja tundu mu Jeluzaleme ji mu bhaka bhu ʼaxaxe ni ku mu tatela ima iavulu iaiibha, maji iene ioso-phe ki i moneka umbangi.