Matesu 14:8 - O Mikanda Ikola

⁸ O muène kuma a mu longesa kiá kuala manhâ, uixi: Ngi bhane kindala bhenhabha, bhu dilonga, o mútue ua Nzuá dia Batizu!

Matesu 14:8 ပူးပေါင်းရင်းမြစ်များ

I Jisobha 18:13

Eie muadiami, manhi ka ku tangela-kiu kioso ki nga bhangele, kia kuata Jezabele ni kujibha o jipolofeta ja Ngana, kioso ki nga suekele hamʼa polofeta mu mabánda, hé ngiia dikungu makuinhʼatanu, dikungu makuinhʼatanu, anga nga a dikila ni mbolo ni menha?

I Jisobha 18:4

Mukonda kia bhitile kiki kuma, kioso Jezabele kia kuata kujibha jipolofeta ja ngene ja Ngana, Obadiia-phe ua sueka-ku hamʼa jipolofeta; anga u a bhaka mu dibànda ku ibuka ia makuinhʼatanu-makuinhʼatanu, anga u kala mu ku a dikila ni mbolo ni menha.

I Jisobha 19:2

Bhenhobho Jezabele u tuma phunga kutangela Elija, uixi: Jinzambi ji ngi bhange-kiu, anga a ngi tela-ku dingi ku kidi muene, se mungu, bhu kumbi Ma didi, o muenhu ué ki ngʼu bhange kala ua umoxi mudiâ.

II Jisobha 11:1

Ataliia, manhʼâ Akaziia, kioso kia mono kuila o monʼê a mu jibha, ua balumuka iú ua jimisa o mbutu o musala uoso ua sobha.

Ejidala 1:9

Dialuilu diâ didi: Makuinhi a tatu a malonga a pholo a ulu; hulukaji ia malonga pholo a phalata; makuinhi a iadi a phoko niʼvua,

Jisabhu 1:16

mbata o inama iâ i di sungila mu kubhanga phulu, o kieza mu kuzunza o manhinga a sakalala.

Jisabhu 29:10

Ifumbe, muthu mukua muẋima uemana nzánza, a mu kuatela luma; maji athu aiuka-phe, a sota ku mu langa o muenhu uê, ni ku mu bhanga o mbote.

Dialuilu 7:13

ujitu uê ua bheka dilonga dia phalata, kinemenu kiê hama ia xikulu ni makuinhi atatu, ni mbasinha ia phalata, kinemenu kiê makuinhi sambuadi a xikulu, xikulu iene ia dibhezelu, ni dilonga ni mbasinha iezala fuba ia kábhia iólunge ni maji, ia tokala mubhaku ua mákudia;

Dialuilu 7:19

mu ujitu uê ua bheka dilonga dia phalata, kinemenu kiê hama ia xikulu ni makuinhi atatu, ni mbasinha ia phalata, kinemenu kiê makuinhi sambuadi a xikulu, xikulu iene ia dibhezelu; ni dilonga ni mbasinha iezala fuba ia kábhia iólunge ni maji, phala mubhaku ua makudia;

Matesu 14:11

Mútue uê anga a u bheka bhu dilonga, hé a u bhana monʼa kilumba, muène anga u u bheka kua mamʼâ.

Matesu 14:7

Bhenhobho anga u mu ambela ni kulôka, kuma ioso ia mu bhinga u mu bhana-iu.

Matesu 14:9

Muenexi anga u kenanana. Maji mukonda-phe dia kulôka kuê, mukonda ue dia iá a xikama-nê ku meza, u tuma ku mu bhana-u.

Marku 6:24

Muene anga u tunda, uia kua mamʼa, uixi: Ngi bhinga-hi? Uixi: Bhinga o mutue ua Nzuá dia Batizu.

Marku 6:25

Kithangana kienhókio monʼa kilumba u bokona muala sobha ni lusolo, he u bhinga, uixi: Nga solo kuila u ngi bhana kindalʼiki, bhu dilonga, o mutue ua Nzuá dia Batizu.

Marku 6:28

Anga u bheka mutue bhu dilonga, u u bhana monʼa kilumba; o monʼa kilumba anga u u bhana mamʼa.