52 Kuala muène: Uila kiki, mesene ioso u longa o Kitumu, hé u di bhanga xibulu ia Utuminu ua Diulu, u difangana ni tata ua tambula konda ia dibhata, u katula mu dilundilu diê ima ióbhe ni iókulu.
Kuma Ejidala ua di iudikile muẋima uê, phala ku kuata kitumu kia Jihova ni ku kiʼaluka, mbé o ku longa jinga jingonge ni mabatuilu ma Nzambi iê, mua Izalaiele.
Eme-muene-muène, sobha Artaxexe, nga bhana ngonge ku alundi a jimbongo ja sobha, ene oso ala ku sámbua diodio dia honga ia Ufalate, kuila: Ioso i mi bhinga nganga Ejidala, musoneki ua kitumu kia Nzambi ia diulu, a ki bhange lusolo,
Ejidale muenhú anga u banda, ua tundu ku Babilónia. Muene anga u kala musoneki ua di longo kiavulu mu kitumu kia Mozé kia bhele Jihova, Nzambi ia Izalaiele. Muene-phe ue, mukonda dia lukuaku lua mbote, lua Jihova Nzambi iê, lua mu kexile ku thandu diê, sobha ua mu bhana ioso muene ia mu bhingile.
Miẋi ia mandalákula i bhana dizumba diê diambote; o bhu muelu ua dibhitu dietu, ibundu ioso iambote bhene bhu iala, ni ia ubhe ni iòkulu, iene ioso nga ku bhakela-iu muene phala eie u kazola kami!
Kienhiki, talesenu, ngi mi tumikisa jipolofeta ni jinjimu ni jimesene ja kulonga. Enu-phe amoxi-mu mua-nda ku a jibha, amukuá mua-nda ku a phaphela ku makulusu, amoxi mua-nda ku a beta mu malombe menu, ni ku a kaia ku mabhata-mabhata.
Sai ni bhabha a tu vunzila malamba, maji etu tua sanguluka jinga. Tuedi kala tu jingadiama, maji athu avulu tuala ku a muesa jimbongo. Tuedi kala ki tu moneka kima, maji ima ioso tua i vu.
Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.
O maka ma Kristu ni jimbote jê joso, ma mi tunge kia nzungule moxi dienu, ma mi bhane kilunji. Mu kala mu ku di longa mudienu, ni ku di bhana phangu ni unjimu uoso. Muimba jinga mu jisalamu, ni mikumbi, ni mimbu ioso ia nzumbi. Muimbila jinga Nzambi ni muẋima uezala kisakidilu.
A kuate maka ma fiiele ma tokala ku ma dielela, ma kaiela mu ulongelu uetu. Phala mu kubhanga kiki a tene kusuinisa akuâ ni kulonga mambu ma mbote, ni kubelesa oso a ta-bhu jiphata.