Matesu 13:47 - O Mikanda Ikola

⁴⁷ Luamukuá dingi, Utuminu ua Diulu ua difangana ni uanda, a u takula mu menha, anga u kuata jimbiji ngó joso-joso.

Matesu 13:47 ပူးပေါင်းရင်းမြစ်များ

Izekiiele 47:10

O mu jimbandu jê mua ká kala atona; tundé bhu Engedi katé Enenglaíme, bhua kà kala ni kididi kia kuanekena o manda; o mbiji iê, ku idifua-idifua, ni mu kuvula kinéne, ia kʼèla kala ia musanza ua Kalunga ka Dikota.

Matesu 13:44

Utuminu ua Diulu ua difangana ni kitadi kiósueke ku mukáu; anga bhu kala muthu u ki bonga, hè u ki dinga. Mu kutana kuê anga uia, u sumbisa ioso iala na-iu, anga u sumba o mukáu uenhó.

Matesu 13:46

O kia-ndu bonga phélula imoxi iate kiavulu, uia, u sumbisa ioso iala na-iu, anga u i sumba.

Matesu 13:48

O ki uizala, atona a u sungila ku kanga, anga a xikama, o mbiji joso ja uabha a kuata ku ji nonena mu itutu, o jaiibha a ji texi.

Matesu 4:19

Muène anga u ambela, uixi: Ngi kaiedienu, ngi mi bhange kukala mu atona a athu.

Marku 1:17

Jezú ua ambela, uixi: Ngi kaiedienu eme, ngi mi bhange mu kala mu atona a athu.

Luka 5:10

Kiene kimoxi ue ni Tiiaku ni Nzuá, anʼ a Zebedeu, akua kisangela ni Ximá, a diuana uê. Jezú anga uambela Ximá, uixi: Ku kale ni uôma, tunde lelu ku pholo ua-ndu kala u mutona ua athu.

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Nzuá 15:6

Se muthu u kamba kuxala mo muami, a mu texi kala thangu, hé u kukuta. Anga u di fangana thangu ja kukuta, a ji bhongolola, a ji ta mu túbhia, hé ji bhia.

Jipoxolo 20:30

Ni mudienu muene, hinu mu moneka athu a tanga ima ia makutu, ia kutondalesa, hé a sunga jixibulu ku mbandu iâ.

I Kolindo 11:19

Kana-bhu-phe phata, kuila kua bhingi mudienu mu kala kudiuana ku ibuka, phala ió oso ala mu kidi a di monekene.

II Kolindo 11:26

Mu kuenda jinjila javulu, ngene mù bhita mu iluezu ia jihonga, ni mu ileuzu ia mii; mu iluezu ku akuaʼxi ietu, o jijudé, ni mu iluezu ku matumbu. Ngene ku bhita ni iluezu iavulu mu jimbonge, ni mu iluezu ku matutu; ni ku musanza ua kalunga, ni mu iluezu mukonda dia makamba a makutu.

Ngalásia 2:4

Inda o phata iejilile ku jiphange ja makutu, ja bokuene ni kuzonza ni ku di dinga, anga a mesena ku mu saia. Mukonda ene a bokuene mu kulonda o ufolo uetu u tuene na-u mua Kristu Jezú, phala nʼ a tu bheke dingi ku ubhika.

Dijingunuinu 3:1

O anjo ia Ngeleja ia Salade, mu sonekene kiki: Eme ió uala ni sambuadi dia Nzumbi ia Nzambi, ni sambuadi dia théthembua, uambe kiki: Eme nga ku ijiia o ima ioso i uene kubhanga. Ngejiia ue kuma uala ni fuma ia kukala u muthu ua muenhu, manhi uafu!