Matesu 13:44 - O Mikanda Ikola

⁴⁴ Utuminu ua Diulu ua difangana ni kitadi kiósueke ku mukáu; anga bhu kala muthu u ki bonga, hè u ki dinga. Mu kutana kuê anga uia, u sumbisa ioso iala na-iu, anga u sumba o mukáu uenhó.

Matesu 13:44 ပူးပေါင်းရင်းမြစ်များ

Jobe 28:13

Muthu-phe kienhiki ka kʼijiia o ku ta ku kia te, kiene ue kulu-dia-mundu ku ki sange-ku.

Jisabhu 16:16

Kota ku di longa o unjimu, dikue kufuna o ulu; o kudilonga ue kilunji kota, phalata ndenge.

Jisabhu 17:16

O muene-phe kiôua, bhu maku mê u bhelaʼhi ngó suilu ia kitadi mu kusumba o unjimu, se muene ka moneka kilunji?

Jisabhu 18:1

Muthu ki muiza kubhanga o jivondadi, jê, u baluka; o unjimu ua kidiʼó, u sola kúlua na-u.

Jisabhu 23:23

Sumba o kidi, kana ku ki sumbisa; inda uila ni unjimu, ni ku di kondeka eʼmuene kiambote, hé u ta-ku ni masunga.

Izaía 55:1

Enu, oso muala ni dinhota izenu ku menha, nʼenu oso mua lémbua kitadi, izenu, sumbenu, mu die; eué, zenu, mu sumbe mu ngoho sé kitadi, né suilu, vinhu ni lete.

Matesu 13:24

Jezú anga u a tela kifika kiamukuá, uixi: Utuminu ua Diulu ua dufangana ni muthu u kuua jimbutu jambote mu díbhia diê.

Matesu 13:46

O kia-ndu bonga phélula imoxi iate kiavulu, uia, u sumbisa ioso iala na-iu, anga u i sumba.

Matesu 13:47

Luamukuá dingi, Utuminu ua Diulu ua difangana ni uanda, a u takula mu menha, anga u kuata jimbiji ngó joso-joso.

Matesu 19:21

Jezú ua mu ambela, uixi: Eie se ua mesena kutenena, ndé, kà sumbise ioso i uala na-iu, o jimbongo jê u ji uanene jingadiama, phala u kale ni jimbongo mu Diulu, nda uize kiua u ngi kaiele eme.

Matesu 19:27

Phetele anga u mu kumbulula, uixi: Talesa, etu, iene ioso tua i xi, etu tua ku kaiela; diláu dietu di kala dia-hi?

Matesu 19:29

Uoso ue u-xa jinzu, mba jiphange ja mala, mba jiphange ja ahatu, mba tata, mba mama, mba muhatu, mba ana, mba jixi, mu henda ia dijina diami, ioso ia-xi i mu vutukila luhâma, hé ua kà lundula ue ni muenhu ki uàbhua.

Matesu 6:21

Mbata kuoso kua ku kala jimbongo, kuene ku ku kala o muẋima.

Luka 14:33

Kiene ue, uoso mudienu u kamba ku di tuna ima ioso iala na-iu, ka tena kukala xibulu iami.

Nzuá 6:35

Jezú ua ambela, uixi: Eme ngi mbolo ia muenhu. Uoso uiza ko-kuami, kà kala dingi ni nzala, o uoso u ngi xikana eme, kà kala dingi ni dinhota.

Loma 15:4

Kuma ima ioso iósokene mʼ ukulu mu Mikanda Ikôla, a i sonekena phala etu ku di longa, phala mu kinhenge, ni mu kutula o muẋima mu kutanga o Mikanda, tu kale ni kudielela.

Kolose 2:3

Kuma ima iambote ia unjimu ni kuijiia i tunda kua Nzambi, iene ioso iosueke mua Kristu. Kristu mué ne o sabhi ijikula ioso.

Kolose 3:16

O maka ma Kristu ni jimbote jê joso, ma mi tunge kia nzungule moxi dienu, ma mi bhane kilunji. Mu kala mu ku di longa mudienu, ni ku di bhana phangu ni unjimu uoso. Muimba jinga mu jisalamu, ni mikumbi, ni mimbu ioso ia nzumbi. Muimbila jinga Nzambi ni muẋima uezala kisakidilu.

Jihebeleu 10:34

Enu mua tale o hadi kumoxi ni ene oso a kexile ku malubhambu mu jikaleia. O kia mi bhundu o imbamba ioso i mua kexile na-iu, mua xididika ni ngalasa mu ima ioso íii, mukonda mu ejiia kuma mu avu jimbongo ja beta ujitu, ja kà xalela-ku, ku diulu.

Dijingunuinu 3:18

Mu kiki, nga ku longesa kusumba kokuami, ulu ua bhiti mu túbhia, phala ni kidi kiene u kale u mvuama. U sumbe ue ni izuatu izela, mbé u di vunge, phala sonhi ki ji ku kuate ja tuẋi. Ni milôngo ia mesu, u di uaie mu mesu, nda u mone.