Matesu 13:30 - O Mikanda Ikola

³⁰ Ehelenu-ju, jene joso ji kudile bhuamoxi katé kia kà bhia o idima. O bhu thembu ia kubhongolola kiene ki ngà kʼambela abhongolodi, kuila: Diangenu kubhongolola o jimbundu ja iangu, mu ji kute ita, phala ku ji oha. Maji o jimbutu jambote-phe mu ji bhongoluela mu kitula kiami.

Matesu 13:30 ပူးပေါင်းရင်းမြစ်များ

II Samuuele 23:7

Muthu u i bhixila, ki bhinga u i kuata ni felu, mba u kala ni muẋi ualebha kala mubhinhi ua sosa; hinu-phe i bhita, i buila mu túbhia, a i ohela bhu kididi kia tokala.

Jobe 39:12

Inga u mu bhangesa kuila imbamba i ua kunu u ku bhekela na-iu mʼonzo, ni ku i bhongoluela muene bhu kienda kia ku vundila?

Izaía 17:5

Mukonda kia kà bhita kala mumuni u muna idima mʼóbhia, u bukula mítue ia masa ni lukuaku luê; mukuâ ni muthu uoso u bhongolola masa mu dikôlo dia Lefaíme.

Malakiia 3:18

Bhenhobho bhene bhu mua kà mona dingi o katungu ka muthu uaiuka, ni mukua ituxi ua bhukumuka; ni bhu kaxi ka ió ubheza Nzambi, ni iú ua ditunu ku mu bheza.

Matesu 13:25

Kioso-phe kiai athu ku kilu, nguma iê uiza, mu jimbutu jambote anga u kuua-mu jimbundu ja iangu, iu uaiê.

Matesu 13:29

Muène-phe, uixi: Kana! Sumba ki muia kunona-mu jimbundu ja iangu, mu ji vuzila kumoxi ni jimbutu ja mbote.

Matesu 25:32

Bhu pholo iê bhenhobho bhua kà bhongoloka akuajixi joso, muène anga u a tungula, kala mubidi u tungula jimbudi mu jihombo.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Luka 3:17

Muène, mbangu iê ua i kuata bhu maku phala kusèsa o jimbutu mu ibhiate. O dikanga diê dia kuvundila, u di zelesa kiambote. O mbutu u i bhongoluela mu kinganja kiê, o ibhiate-phe u ioha mu túbhia ki tu xikina dingi kujima.

Nzuá 15:6

Se muthu u kamba kuxala mo muami, a mu texi kala thangu, hé u kukuta. Anga u di fangana thangu ja kukuta, a ji bhongolola, a ji ta mu túbhia, hé ji bhia.

I Kolindo 4:5

Uila kiki, kana kuêlesa muthu kiluua a bhixila bhu thembu iê. Kingenu o kufundisa kua kà suka-ku kia kéza Ngana. Muène uà kʼela iosueke mua vundu u i bheka bhua zele, ni ixinganeku iala mu miẋima ia athu u i tukulula. Kiene muthu ni muthu kia ka tambula kua Nzambi o diximanu diê dioso dia mu tokala.

I Timote 5:24

Athu amoxi-moxi-mu, ituxi iâ ia di monekena muene, i lenguluka kutambula kuêla kioso ngó kiluua a i fundisa. Maji o ituxi ia athu amukuâ, i tukuluka ku pholo ku aia.

I Samuuele 25:29

Sumbala se bhu kala muthu ua balumuka mu ku ku landameka, ua bhindamena ku ku tambula o muenhu ué, ngana iami, muenhu ué a u kutila kumoxi mu kita kia athu a muenhu ala ni Jihova Nzambi ié; maji o mienhu-phe ia jinguma jé a ka i zabujula kala ditadi ki di tunda mu kaẋi ka mbala-fundu.