Matesu 13:23 - O Mikanda Ikola

²³ A mu kuua mu mavu ma mbote-phe, muenhú uívua o maka, anga u mejiia; ió uima kidi ibundu, bhu kala ni iú umoxi u bhana hâma, iú makuinhi a samanu, o iú makuinhi a tatu.

Matesu 13:23 ပူးပေါင်းရင်းမြစ်များ

Izekiiele 18:31

Zulenu itondalu ienu ioso i mua tondala na-iu, mʼoxi dienu mu bhangemu muẋima ua ubhe ni nzumbi ia ubhe; mbata mua-nda fuilaʼhi ngoho, enu mu dibhata dia Izalaiele, tata?

Izekiiele 36:26

Anga nga kà mi bhana muẋima ua ubhe, ni nzumbi ia ubhe, i ngi ta moxi dienu; o muẋima ua xitu ienu, ua ditadi, nga kà u katula-mu, anga ngi mi bhana muẋima ua misuínhi.

Matesu 12:33

Kikale o muẋi mu u mona kuuabha, ni ibundu iê iauabha; mba mu mona o muẋi kuiibha, ni ibundu iê iaiibha; mbata muẋi a u ijidila ku ibundu iê.

Matesu 13:8

Jamukuá ja sonokena mu mavu mambote, anga jʼima ibundu. Bhuala lumbundu lu bhana hama ia lumbundu, bhuala lulu lu bhana makuinhi a samanu, bhuala lu bhana makuinhi atatu.

Matesu 3:10

Kumbʼ idi dikuua a di tula kiá bhu kixina kia miẋi. Muẋi uoso u kamba kuima ibundu iambote, a u koka, hé a u ta mu túbhia.

Matesu 3:8

Imenu-phe ibundu ia fuama o kudiela.

Marku 10:15

Kidi kiene ngi mi ambela: Uoso u kamba kutambulula o Utuminu ua Nzambi kala kamona ka ndenge, uene ka ka u bokona.

Marku 4:20

Oso-phe a a kuu mu mavu ma mbote, enhá, ki evua maka, a ma tambulula kiambote, anga a bhana ibundu; bhu kala lumbundu lu bhana makuinhi atatu a jimbundu, lulu makuinhi-a-samanu, lulu hama.

Luka 13:9

Ku muvu uiza-mu, ki tu mona ua bhana ibundu, kia uabha. O ki u kamba-phe kubhana, kiene eie ngana, ki u tuma ku u kokela bhoxi.

Luka 8:15

O ia sonoka mu mavu mambote, oso évua maka ni muẋima ua kidi, ua uabha, anga a ma lunda, ema ibundu ni muanu.

Luka 8:8

Ia mukuá ia sonoka mu mavu ma mbote, anga i kula, ima ibundu, kala lumbundu lu bhana hâma ia jimbundu. Kia zubha kuzuela kiki, u di kola, uixi: Uoso uala ni mátui a kuívua, évue!

Nzuá 15:16

Ki enu mua ngi solo eme. Maji eme nga mi solo enu, eme nga mi tumu ni muende ni kubhana ibundu, o ibundu ienu ni i nange, i kambe kuzangiua. Ni ioso ue i mu bhinga Tata mu dijina diami, muène ni a mi bhane-iu.

Nzuá 8:47

Muthu uoso ua tokala Nzambi, uívua o maka ma Nzambi. Enu kiene ki mua kambela ku mʼ evua, mukonda Nzambi ki mua mu tokala.

Jipoxolo 16:14

Ku ahatu a mu kuivua, anga bhu kala muhatu, dijina diê Lidia. Muenʼiú ngenji, mukua kufuna purpura ia kuteka, o ku bhata diê ku Tiiatila, mubhezi a Nzambi; muene anga u tu ivua. Muenʼiú Ngana ua mu jikula o muẋima mu kutambulula o maka ma tange Phaulu.

Jipoxolo 17:11

Enʼiâ a beta ujitu, ka soko ni akua Tesalonika, kuma a tambulula o maka ni kutetuluka kuoso. Izuua ioso anga a kala mù tekula mu Madivulu ma Nzambi se o ima iii kia mu i tanga Phaulu, kiene ki ia tokala.

II Kolindo 9:10

O Nzambi mukua kubhana o mbutu phala ku kuna, ni musa ua kudia, uanda ku mi bhana ue o jimbutu joso ji mua bhindamena. Anga u ji sokolola, hé ji bhana ibundu ia kumuna i tunda mu kulenduka kuenu.

Filipe 1:11

Muime kiavulu ibundu ibundu ia tokala o kuiuka, iijiia kua Jezú Kristu, i bhekela kujingisa ni kuximana Nzambi.

Filipe 4:17

Kana, ki mukonda ngalù sota a ngi bhana; maji ngalù sota enu mu ime ibundu i mi nganhalesa ku konda ienu.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

Kolose 1:6

Mbata o Njimbu Iambote ia mi sange, koko, mu kusambuka kuê mu ngongo ioso, ia muia ni kuima dingi kiengi ni kusokolola ndumba ia mabesá. Kienʼiki ue kia bhiti ni enu, tunde mu kizuua ki muevua o kutanga kiadi kia Nzambi, anga mu kala mu ku kʼijiia mu kidi.

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.

II Tesalonika 2:10

Muène ua kà bhanga mangonha moso, phala kuxômba athu oso anda kutexika. Ene-phe anda kutexika, mukonda nguâ kutambulula o muẋima ua kubhindamena o kidi, ki tena ku a bhulula.

Jihebeleu 4:2

Kuma kia kidi kiene, etu a tu tudila o Jingolokela Jambote kala ene. Ene-phe ka bhandulukile kima mukonda o maka ki ma takana ni kuxikana mu miẋima ia oso a evile.

Jihebeleu 6:7

Kuma o mavu mʼombama ni mvula iene ku noka jinga, se ma bana idima ia mbote i uabhela oso ene ku ma dima, ma tambula dibesá kua Nzambi.

Jihebeleu 8:10

O kikutu-phe hinu ki nga kà ta ni mundu ua Izalaiele, eme ngi Ngana, izuua ieniʼoio,—kia kà kala kiki: Nga kà ta o ijila iami mu thulu iâ, anga nga kà i soneka mu miẋima iâ. Eme nga kà kala ngi Nzambi iâ, ene a kà kala mundu uami.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.