Matesu 13:14 - O Mikanda Ikola

¹⁴ Kua ene kua tenena kia zambula Izaia, o musèsedi, uixi: O kuívua, mu ivenunu, anga mu tokoka o kuijiia. O kutala, mu talenunu, anga mu tokoka kumona.

Matesu 13:14 ပူးပေါင်းရင်းမြစ်များ

Jelemiia 5:21

Kindala ivenu-kiu-ze, enu mu mundu ua tekuka, mua kamba o muẋima, muedi mesu muala-nâ, maji mu tokoka o kumona, o matui mualanâ, maji mu tokoka o kuívua.

Izekiiele 12:2

Monʼa muthu, eie ua tungu mu kaxi ka dibhata dia ximika, diala ni mesu a kumona maji kumona lémbue, diala ni mátui a kuívua maji kuívua lémbue; mukonda diala dibhata dia xinuka.

Marku 4:12

Phala kia tala a tale, maji a kambe kumona; ki evua, evue, maji a xite mu thulu; a fule kubiluluka kua Nzambi, o kituxi kiá nʼa ki loloke.

Luka 8:10

Muène, uixi: Enu a mi bhana o kuijiia ikutu ia Utuminu ua Nzambi. Athu amukuá-phe a a zuelela mu ifika, phala kia tala, a kambe kumona; o ki évua, a kambe kuijiia.

Loma 10:16

Maji ene oso-phe kà sokela-ku mu kutambulula o Jingolokela Jambote. Kuma ni Izaia, uixi: Ngana, nanhi ua xikana o hundu ietu?

II Kolindo 3:14

Ni kidi, ene ue a xitile mu thulu. Kuma katé ni leluʼidi, ki a tanga mu madivulu a kikutu kiokulu, uandanda uenhó hanji ua a futu o ilunji. Kuma o uandanda uenhó ku u katula-ku, kikale kioso ngó muthu kia kala mu kisangela ni Kristu.

Matendelelu 29:4

maji-phe Jihova ka mi bhana o muxima ua kutetuluka, ni mesu phala kumona, ni mátui phala kuívua katé mu kizuua kia lelu.