Matesu 12:40 - O Mikanda Ikola

⁴⁰ Mbata mukuâ ni kia kexile Jona makumbi ma tatu ni mausuku ma tatu mu mala a kimbiji, ni Monʼa Muthu ue ua kà bhanga makumbi ma tatu ni mausuku ma tatu koxi a mavu.

Matesu 12:40 ပူးပေါင်းရင်းမြစ်များ

II Jisobha 14:25

O muenʼiú ue ua tona dingi o kuxinda Izalaiele mu jimbambe jê ja ukulu, tundé bhu dibokuenu dia Hamate tulé ku Kalunga ka kiphenza; kala kiambe o kizuelu kia Jihova, Nzambi ia Izalaiele, kia zuelela ku ukunji ua Selevende iê Jona, monʼa Amitai, o polofeta, ua kexile mukua-bhata bhu Ngate-Hefele.

Jisálamu 63:9

Enhó-phe, oso ala ku ngi séia, phala muenhu uami u di bote, a kà di bota ene mu bombo dia kalunga.

Jona 1:17

Jihova-phe ua iudika kiá kuila bhu kale mbiji iadikota phala kuminha Jona; anga Jona u bhanga makumbi atatu ni mausuku atatu mu mala dia mbiji.

Matesu 12:8

Mbata Monʼ a Muthu ngana ue ia kizuua kia sábhalu.

Matesu 16:21

Tunde bhu thembu ioio Jezú u kuata kuidikiza jixibulu jê kuma muène u bhinga kuia mu Jeluzaleme, kumona jiphaxi javulu ku adiakimi, ni ku jinganga ja makota ni asoneki, ni ku mu jibha, ni kufunuka mu kizuua kia katatu.

Matesu 17:23

Ene a kà mu jibha, maji ua kà fukunuka mu kizuua kia katatu. Ene anga a kala ni malamba mavulu.

Matesu 27:40

Eieʼó, tata! U bula o Tembulu, anga u i tunga mu izuua itatu! Di bhulule-ze! O ki kala-phe u Monʼa Nzambi, tuluka ku dikulusu!

Matesu 28:6

Muène bhabha kala-bhu; ua fukunuka, uila kia mi ambelele muène. Zenu, mu tale kididi bhua zekele Ngana.

Matesu 8:20

Kuala Jezú: O makombe mene ni jingenda jâ, o jinjila ue ji bhita bhulu, sai ikalanga iâ; maji o Monʼ a Muthu-phe kala ni kididi bhua zekesa o mútue uê.

Nzuá 2:19

Jezú ua kumbulula, uixi: Bulenu o Tembulu iíi, eme ngi i tunga dingi mu izuua itatu!